hósdagur 5. november 2015síða 21

Fríggjadagur 6. november 2015 sosialurin 128 21 Breyð grunduppskrift Hetta er veruliga heimsins lættasta breyð, og tað nøktar allan mín tørv. Tað skal bara rørast saman og gongur yvir náttina, so sjálvt ein stormfullan troyttan týsmorgun ber til at unna sær luktin av nýðbakaðum. Tað kann varierast út í æsir og er lætt at spæla sær við. Til eitt breyð: • 3 gram av ger • 3 dl av vatni • 9 gram av salti • 400 gram av hveitimjøli Rør vatn, ger og salt saman til alt er upp­loyst. Rør síðani hveitimjølið í. Eg plagi at brúka ein gaffil, so sleppi eg frá at deiggið klistrar seg fast í hend­ ur­nar. Lat deiggi standa yvir náttina á køks­borðinum. Morgunin eftir koyrir tú mjøl á eitt borð og vendir deigginum í mjøli. Síðani tendrar tú ovnin á 200 hita­stig. Lat deiggið liggja og hvíla seg til ovnurin er heitur. Síðani bakar tú breyð­ið á á leið 15-20 min. Græskarbreyð Hetta er ein myrkari útgáva av grund­ upp­skriftini. Eg koyri eittsindur minni av mjøli í, tí at hørfræið eis­ini sýgur vesku til sín. Tað er lekk­urt at venda breyðnum í eyka græs­kar­ kjarnum áðrenn tað fer í ovnin. Tú stroytur bara eitt sindur av græs­kar­ kjarnum á borðið og vendir breyð­ num í hesum heldur enn í mjøli. • 3 gram av ger • 3 dl av vatni • 9 gram av salti • 50 gram av hørfræ • 50 gram av graskarkjarnum (sum meira at venda breyðinum í áðrenn tað fer í ovnin) • 150 gram av hveitimjøli • 150 gram av fullkornshveiti Rør vatn, ger og salt saman til alt er upp­loyst. Rør síðani græskarkjarnur og hørfræ í, og at enda hveitimjølið og fullkornsmjølið. Eg plagi at brúka ein gaffil, so sleppi eg frá at deiggið klistrar seg fast í hendurnar. Lat deiggi standa yvir náttina á køks­ borð­inum. Morgunin eftir koyrir tú mjøl á eitt borð og vendir deigginum í mjøli. Síðani tendrar tú ovnin á 200 hita­stig. Lat deiggið liggja og hvíla seg til ovnurin er heitur. Síðani bakar tú breyð­ið á á leið 15-20 min. Søtt russinu-súreplabreyð Onkuntíð, kanska ein serligan sunnu­ morg­un, er lekkurt við einum søtari breyði. Hetta breyðið verður eyka saft­ugt av rossinum og súreplum og smakkar stekt og vetrarligt av kardemummu. • 3 gram av ger • 3 dl av vatni • 9 gram av salti • 1 spsk av hunangi • 1 spsks av kardemummu • 50 gram av rosinum • 100 gram av súrepli, skorðið í smáar terningar • 350 gram av hveitimjøli Rør vatn, ger, hunang og salt saman til alt er upployst. Rør síðani rosinur og súr­epli í, og at enda hveitimjølið. Eg plagi at brúka ein gaffil, so sleppi eg frá at deiggið klistrar seg fast í hend­urnar. Lat deiggi standa yvir nátt­ina á køksborðinum. Morgunin eftir koyrir tú mjøl á eitt borð og vendir deigginum í mjøli. Síðani tendrar tú ovnin á 200 hita­stig. Lat deiggið liggja og hvíla seg til ovnurin er heitur. Síðani bakar tú breyð­ið á á leið 15-20 min. Mín hveiti- kærleiksváttan: Eg elski teg hveiti. Ja sannleikin er at eg ELSKI nybakað breyð, eg ELSKI eina góða pitsa og mest av øllum, so ELSKI eg pasta! Lukturin av nýðbakaðum breyði, ljóði av eini nýbakaðari pitsa og silkikenslan av pasta, ja, tað er lívið! HVEITI møguliga (bara møguliga) hevur tú onkra negativa ávirkan á meg, men tú gert mær eisini so væl. Eg veit væl, at eg kann liva mítt lív uttan teg, men elskaði, tað havi eg ikki hug til; tí hóast tín ofta bleika hvíta lit, er tað tú sum ert løriftið, ið litar mín (mat)heim.