týsdagur 10. november 2015síða 30

vika 46 • 9. november 2015 30 Ókeypis lýsingarblað TEMA Heilsa Nýt telefonina sum venjingarfelaga Snildfonirnar geva nýggjar møguleikar á øllum økjum og tað finst ein ørgrynna av appum, ið lova at hjálpa tær við tíni venjing. Bæði á App Store (til iPhones) og Play Store (til Android) eru hundr­ að­tals appir í at velja, alt eftir um tær leitar eftir onkrum, sum kann skrá­seta tína renni-, súkklu- ella gongi­túrar, tína styrkivenjing ella títt kost­arhald. So um onkur alla tíðina starir nið­ur í telefonina, meðan viðkomandi ven­ir, merkir tað ikki, at viðkomandi ikki miðsavnar seg um venjingina. Ein av hesum er Høgni Sloan Justesen – Tað sær býtt út, at eg hyggi nið­ ur í telefonina alla tíðina, meðan eg venji, men orsøkin er, at eg nýti hana til venjingina, sigur hann. Høgni Sloan Justesen sigur, at sjálv­ur nýtir hann tvær ymiskar appir, Gym­Goal og MyFitnessPal. – GymGoal nýti eg fyrst og fremst til styrki­venjing. Eg kann skráseta all­ar venj­ingarnar í venjingarætlanini í app­uni og so nýta hana. Tá eg so komi oman í Yndi, seti eg appuna í gongd. Har síggi eg, hvørja venjing eg skal gera. Eg síggi eisini hvørja vekt eg nýtti seinast og kann soleiðis fylgja við menningini. Aftan á kann eg síggja eitt longri yvirlit yvir, hvussu menningin hjá mær í hvørjari venj­ing hevur verið. Appin gevur mær eis­ini møguleikan at skráseta vektina og onnur mát og soleiðis kann eg fylgja við, hvussu kroppurin broytist, sig­ur hann Meðan GymGoal er ein app egn­að til venjing, fyrst og fremst styrki­venj­ ing, so er MyFitnessPal rættað móti kost­ar­hald­inum. – MyFitnessPal hjálpir tær at telja kal­ori­ur. Har skrásetir tú tínar mál­tíð­ir, hvat og hvussu nógv tú hev­ur etið. So skrásetir tú eitt mál fyri hvussu nógvar kaloriur, tú skalt eta um dagin. Appin fylgir soleiðis við, hvussu nógvar kaloriur tú hevur et­ið og minnir teg á, hvussu nógvar tú sleppur at eta afturat. Um tú skalt eta 2500 kaloriur um dagin, so minnir hon teg á, tá tú hevur etið 500, at nú eru 2000 kaloriur eftir hend­an dagin. Minst tó til – appirnar hjálpa tær at skrá­seta gongdina, men tú mást sjálv­ur reisa teg úr sofuni og koma í gongd, um tú skalt síggja nakran mun. Zombies, Run Hendan øðrvísi appin ger renningina til eitt spæl, bókstaviliga. Rennarin fær leiklutin sum rennari nummar fimm, ið flýggjar undan teimum ódeyðiligu. Nú er tað upp til tín at bjarga tær sjálvum og øllum býnum. Meðan tú rennur, fortelur appin tær eina søgu, sum tú kanst liva teg inn í. Zombies, Run er ókeypis og fæst til bæði Android og iOS. FitStar er tín persónligi venjari. Appin tillagar seg títt støði og gevur tær venjingar, sum eru avbjóðandi uttan at vera ov torførar. Tú kanst sjálv tillaga longdina á venjingunum og hvørji mál, tú hevur við venjingini. Eftir venjingina kanst tú meta um, hvussu hon var, og hjálpir hetta appini at tillaga framtíðar venjingar. Fitstar er ókeypis og fæst til iOS. FitStar Jefit er væl egnað til kroppsmenning og styrkivenjing. Ein dátugrunnur við túsundtals ymiskum venjingum til allar partar av kroppinum syrgir fyri, at tú finnur júst tað, tær tørvar. Appin vísir tær, hvussu venjingarnar skulu gerast og hjálpir tær at gera eina venjingarætlan. Eisini er gjørligt at skráseta gongdina. JEFIT er ókeypis og fæst til bæði android og iOS. JEFIT Workout Trainer Hendan appin bjóðar tær túsundtals venjingarætlanir. Um tú vilt koma í betri form ella venja ávísan part av kroppinum, so finnur tú eina venjingarætlan í hesi appini. Saman við venjingarætlanunum eru eisini filmsbrot, ið vísa tær, júst hvussu ymisku venjingarnar skulu gerast. Workout Trainer er ókeypis og fæst til bæði android og iOS. Strava running & cycling Strava hjálpir tær at fylgja renni- og súkklitúrunum. Appin vísir tær ferðina, hvussu langt tú hevur runnið og hvussu leingi, umframt at vísa tær, hvar tú hevur verið. Appin kann eisini nýtast saman við Android Wear og Apple Watch. Strava running & cycling er ókeypis og fæst til bæði Android og iOS. Pocket Yoga Við hesi appini hevur tú títt egna yogastudio í lummanum. Appin gevur góðar gjøgnumføringar við ljóði og filmum av hundraðtals yogastøðum. Fyri hvørja støðu greiðir appin frá, hvørjar heilsufyrimunir venjingin gevur. Pocket Yoga kostar 20 krónur og fæst til bæði android og iOS.