mánadagur 16. november 2015síða 12

Mánadagur 16. november 2015 · Nr. 132 12 Sosialurin Hugskot og viðmerkingar – send sms til 225000 Ein nýggjur, altjóða flogvøllur í Føroyum er framtíðin, bæði fyri ferðafólk og fyri vinnulív, men hann kann kann eisini fáa stóran, hernaðarligan týdning VILJA KNÝTA FØROYAR FLOGOYGGJ Áki Bertholdsen – Hetta er ein veldugur møguleiki. Men vit eru eisini greið yvir, at hetta er ein veldug íløga. Tað siga teir báðir arki- tektarnir, Jóannes Petersen og Albert Isfeld. Teir báðir eru við í einum fyrireikingarbólki, sum tók øll á bóli fyri einum ári síð- ani, tá ið teir løgdu eina ætlan fram um at byggja ein risastóran, altjóða flogvøll í Tangafirði. Ætlanin var rætt og slætt at fylla grót í Tangafjørð við Flesjarnar, og at gera eina oyggj afturat. Hetta skuldi vera 19. oyggin í Føroyum og tí fekk verkætlanin eisini navnið, Airport 19, og tá ið hon er liðug, skuldi hon hýsa einum altjóða flogvølli upp á 3300 metrar, og einum krossvølli upp á 2500 metrar, umframt eini djúphavn við eini atløgubryggju upp á minst 1500 metrar, við øllum hentleikum, ein slíkur vøllur, og ein slík havn, krevja av farstøð, pakkhúsum, o.s.fr. Fyri alt Norður- atlantshav Hetta skal ikki bara verða ein flogvøllur og ein djúphavn til Føroyar. – Hetta skal vera ein norðuratlantiskur flogvøllur og ein norðuratlantisk djúp- havn, sum fer at knýta allar Føroyar upp í allan heimin, og sum fer at knýta allan heimin upp í Føroyar. Teir báðir sita, at verður hugsað um útnyrðingsleiðini og landnyrðingsleiðini norð- anfyri, verða stórveldi sum Japan og Kina nógv nærri Evropa. – Í hesum sambandi eru Føroyar ikki eitt fjarskotið land, tvørtur ímóti verða vit ein miðdepil. Tí eiga vit at hugsa stórt, og at hugsa langt fram í tíðina, og sostatt skulu vit longu nú fara undir at fyrireika, hvussu vit fáa knýtt tað nógv øktu ferðsluna upp í okkum, bæði sjóvegis og loftvegis ferðsluna, áðrenn Íslendingar, ella onkur ann- ar, loftar teimum. Síðani teir løgdu ætlanina fram, hava fleiri av okkara fremstu vinnulívsfólkum víst á, at tað er ikki neyðugt við eini slíkum, altjóða flog- vølli. – Bakkafrost flytir nógv-an laks sjóvegis og landvegis til London, haðani hann verður førdur longur út í heim við flogførum, men vit fáa okkum ikki at trúgva, at tað ikki skal vera bíligari og lættari at fáa fiskin í flogfør á Tangafirði, enn at føra hann heilt til London, siga teir báðir. – Við einum altjóða flog- vølli ber til at avskipa stór flogfør við fiskavørum ella øðrum vørum í Føroyum og tað er eyðsýnt, at tað er lættari enn at avskipa hann úr Føroyum, enn í London, ella aðrastaðni. Teir vísa á, at ætlanin er at knýta nýggja flogvøllin upp í undirsjóvartunnilin undir Tangafirði og sostatt verður hann ein lætt atkomuligur miðdepil í føroyum. Teir hava tosað við leiðsluna í felagnum, sum fyrireikar Eysturoyar-tunn- ilin og haðani eru boðini, at tað er einki í vegin fyri, at flogvøllurin bindur í undirsjóvartunnilin einaferð seinni, so at koyrandi verður á og av flogoynni. Hermálsligan týdning Nú hernaðarliga støðan er við at verða spent aftir, serliga eftir at Russland er farið at reiðrast, kann ein stórur flogvøllur eisini fáa stóran hermálsligan týdning, bæði fyri USA og fyri ES. – Hermálsliga sleppa vit ikki undan at taka støðu, halda teir báðir. Og tað er væl eingin sum ivast í, at vit eru ein partur av vestur- heiminum, leggja teir báðir afturat. Síðani teir løgdu ætlanina fram hava vit ikki hoyrt so nógv um hesa ætlan. Men tað merkir als ikki, at hon er slept. – Teir siga, at teir hava alla tíðina arbeitt í tí stilla, men nú verður farið ígongd aftur av álvara. Hesa tíðina hava teir brúkt til at tosa við komm- unurnar rundan um Skála- fjørðin og ætlanin er eisini at koma á tal við Tórshavnar Kommunu og Klaksvíkar kommunu, at greiða teimum frá ætlanunum. Samstundis hava teir eisini kannað ymsar fígging- armøguleikar. Teir siga, at áhugi er ymsastaðni, men enn hevur kortini ongin sagt seg sinnaðan at vera við at fíggja eina slíka ætlan. Men tað er ein spurningur, teir fara at taka upp aftur, so hvørt meiri kjøt kemur á ætlanina. Annars vita tey heldur ikki um landið er sinnað at vera við í eini slíkari ætlan. Vekja áhuga Jóannes Petersen og Albert Isfeld vísa á, at, hetta er nakað spildurnýtt og ókent, og sostatt ber ikki til at gera nakrar kostnyttu kanningar. Av tí at ætlanin er komin so stutt, hava fyrireikar- arnir heldur ikki lagt nakra tíðarætlanin fyri verkætl- anina. ÓAVMARKAÐIR MØGULEIKAR Soleiðis fer flogoyggin at taka seg út í Tangafirði,tá ið alt er gjørt. Ein stórur, altjóða flogvøllur fer at geva okkum óavmarkaðar møguleikar at flúgva til og úr Føroyum. Tað eru fyrireikararnir samdir um og tí fara teir nú at royna at fáa undirtøku fyri ætlanini