mánadagur 16. november 2015síða 13

13 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 16. november 2015 · Nr. 132 UPP Í ALLAN HEIMIN FLOGOYGGJ – Vit hava heldur ikki merkt, at landsins myndug- leikar hava tikið verkætl- anina til sín, men nú fara vit so at tosa við landsstýrið í eini roynd at vekja áhuga fyri ætlanini. Fyrireikararnir eru fram- vegis sannførdur um, at tað er tað einasta rætta at hava ein altjóða flogvøll, sum hendan, í Føroyum. Samstundis er tað púra greitt, at ongir møguleikar eru til at byggja vøllin í Vágum meiri út, enn hann er nú, har tað er ógvuliga av- markað, hvørji flogfør kunnu brúka hann. Óavmarkað – Hinvegin fer ein nýggjur, altjóða flogvøllur at geva okkum óavmarkaðir møgu- leikar fyri at flúgva bein- leiðis úr Føroyum, hvar tað skal vera úti í heimin, ella beinleiðis til Føroyar, sama, hvaðani úr heimi tað er, og sama hvørji flogfør, talan er um. – Samstundis hava kann- ingar staðfest, at Suður- streymoy er besta plássið í Føroyum at leggja flogvøll á, tí her er frítt fyri í allar ættir, og sostatt lítlir, ella ongir trupulleikar við turbulensi, sigur fyrireikarin. Sum vit lósu í Sosialinum mitt í vikuni, fara fyrireik- ararnir nú at søkja um at økið, har ætlanin er, at flog- oyggin skal vera, verður løgd av til endamálið og ikki verður tikið til onnur endamál. Annars er neyðugt at fara undir ymsar fyrireikandi kanningar, eitt nú vind- kanningar og aldukanningar Fyrreikarnir hava eisini havt følarar úti at vita um áhugi er at fíggja eina slíka ætlan. Teir siga, at áhugin er til staðar, men enn er ætlanin ongan veg komin, so tað er óvist, hvussu verður, tá ið avtornar. Annars vita tey heldur ikki um landið er sinnað at vera við í eini slíkari ætlan. Av tí at ætlanin er komin so stutt, hava fyrireik- ararnir heldur ikki lagt nakra tíðarætlanin fyri verk- ætlanina, tí tað veldst alt um nakar er sinnaður at vera við, siga teir. Tað verður ongin nýggjur flogvøllur bygdur, uttan at landið er við, er Poul Michelsen, landsstýrismaður í vinnumálum, sannførdur um Vil fegin verða við til at skumpa undir Áki Bertholdsen – Eg vil fegin vera við til at skumpa undir, at vit fáa ein altjóða flogvøll í Suður- streymoy Tað sigur Poul Michelsen, landsstýrismaður í vinnu- málum. Og tað, hann hugsar um, er ætlanin at gera eina flog- oyggj á Tangafirði. Fyri einum ári síðani, legði ein bólkur eina stórfingna ætlan fram um at gera ein altjóða flogvøll, við djúp- havn, í Tangafirði. Síðani hevur ætlanin ligið í dvala, men sum vit lósu í Sosialinum mitt í vikuni, og sum vit lesa aðrastaðni í blaðnum í dag, fara fyri- reikararnir nú at blása nýtt lív í ætlanina. Einasta rætta Tá ið Poul Michelsen var borgarstjóri í Havn á sinni, legði hann nógv arbeiði í at fáa ein flogvøll á Glyvurs- nesi. Hann var heldur ikki serliga heitur fyri at leingja flogvøllin í Vágum, tí hann meinti, at ein nýggjur vøllur skuldi gerast á Glyvursnesi. Men tá ið tað kortini varð samtykt at leingja vøllin í Vágum, staðfesti hann, at nú mátti landsstýrið seta sjøtul á arbeiðið at gera ein altjóða, flogvøll á Glyvursnesi, sum framtíðartryggjar okkara ferðasamband við um- heimin. – Tíverri varð ætlanin á Glyvursnesi av ongum, men eg eri kortini so mikið frelstur í míni sannføring um, at tað er tað einasta rætta at gera. – Og eg haldi framvegis, at vit eiga at gera ein flogvøll í Suðurstreymoy, og tað vil eg fegin stuðla uppundir, sigur Poul Michelsen. Hann sigur, at sostatt vil hann fegin hyggja gjøllari at ætlanini um at gera eina flogoyggj í Tangafirði. Tað sigur hann, hóast hann viðgongur, at hann ikki rættiliga skilir ætlanina um at gera eina flogoyggj, tí í hansara hugaheimi hevði tað verið so nógv ómakaleysari at gjørt hann á Glyvursnesi ístaðin. – Men tá ið fyrireikararnir halda, at ein flogoyggj er tað rætta, vita teir helst okkurt, eg ikki veit og tí vil eg avgjørt fegin frætta meiri um ta ætlanina, sigur Poul Michelsen. Hann er framvegis sann- førdur um, at vit eiga at fáa ein altjóða flogvøll í Føroyum, og allar kanningar hava víst, at Glyvurnes er best hóskandi pláss at gera ein slíkan vøll upp á einar 3000 metrar. Tó skal leggjast afturat, at viðurskiftini á Tangafirði eru ikki kannað í hesum sambandi. Ein spennitroyggja Poul Michelsen er framvegis av teirri heilt greiðu sann- føring, at vøllurin í Vágum er sum at lata Føroyar í eina spennitroyggju. – Vøllurin í Vágum er ov avmarkandi fyri framtíðina, sigur Poul Michelsen. Hann staðfestir, at onnur flogfeløg enn Atlantsflog, aftra seg við at flúgva upp á Føroyar, og hann heldur, at umstøðurnar á flogvøllinum er ein orsøk til tað. – Tað er ikki bara, sum at siga tað at flúgva upp á Føroyar. Tað setir serlig krøv til flogskiparar og støddin á flogførum er avmarkað, og eg meti, at hetta er ein orsøk til, at flogfeløg halda seg aftur, sigur landsstýrismaðurin í vinnumálum. Tí tekur hann væl ímóti fólki, sum líta frameftir á hesum øki, og hann sigur, at sjálvandi fer hann at kunna seg um ætlanina. Men kann tað hugsast, at landið verður við til at fíggja ein altjóða flogvøll í Suðurstreymoy? – Tað er ein spurningur, sum tað er ómøguligt at svara upp á beint nú. Vit hava stórar ætlanir, so hvar ein flogvøllur kundi verðið lagdur í eini langtíðarætlan, ber ikki til at siga. Men hinvegin er Poul Michelsen sannførdur um, at tað verður ongin flogvøllur bygdur, uttan at landið er við. – Hann tekur undir við, at nógv virksemi eigur at vera á privatum hondum, men hann heldur at undirstøðukervið er eitt undantak. – Undirstøðukervið er so týðandi partur í samfelag- num, at tað eigur at vera á almennum hondum, og skal ikki einskiljast, ella vera latið upp í hendurnar á privatum at reka, sigur landsstýris- maðurin í vinnumálum. Skulu hava ætlanina fram Tær heilt stóru íløgurnar, undirsjóvartunlarnir, eru lidnir um fimm ár, og Poul Michelsen heldur, at tað kann væl vera, at spurn- ingurin um ein nýggjan flogvøll verður á skránni tá. Ætlanin skal bara leggjast fram og koma í skipanina, og eg vil fegin gera mítt til at ávirka støðuna, so at vit framyvir fáa ein nýggjan flogvøll afturat. – Ein nýggjur flogvøllur fer at lata marknaðin upp, so at tað ber til hjá øllum at flúgva upp á Føroyar. Fáa vit ein nýggjan flogvøll, er tað ein spurningur um at altjóðagera okkum, tí tá kunnu vit krøkja okkum upp í tey stóru flogfeløgini. – Flogvøllurin í Vágum er ein leysur endi í flog- ferðslunetinum, tí hann er so avmarkandi. Tað er sum at koyra á einum motorvegi við fýra sporum, og sum brádliga fer niður í tvey spor, leggur hann afturat. Men ein nýggjur flog- vøllur verður eisini ein møguleiki afturat hjá allari flogferðsluni yvir Føroyar at brúka, eisini í neyðstøðum av ymsum slagi, leggur hann afturat. 5,2 milliardir Ætlanin er, at flogvøllurin í Tangafirði skal byggjast í trimum. Fyrsta stig fevnir um ein langan vøll upp á 2.800 metrar, umframt um 1.500 metrar av havn og eitt terminaløki við einum terminali upp á 7.000 fermetrar, og harafturat eisini verkstaðsbygningi, parkeringsøki og uppkoyring frá Eysturoyartunlinum til. Tað er mett at kosta 2.161 milliardir krónur. Annað stig kann so byggjast, tá ið tørvur er á tí og tað fevnir um ein styttri krossvøll upp á 2.500 metrar, ein størri terminal upp á minst 10.000 fermetrar, størri parkeringøki og verkstaðsbygning. Tað er mett at kosta 1,501 milliardir krónur. Triðja stig fevnir so um eina størri havn, størri terminal, størri verkstaðsbygging, størri parkeringsøkið og at leingja tann longra vøllin upp í 3.300 metrar. Tað er mett at kosta 1.543 milliardir krónur. Sosatt er øll verkætlanin mett at kosta 5.205 milliardir krónur tilsamans. LEYSUR ENDI – Flogvøllurin í Vágum er sum ein leysur endi í loftferðsluni um okkara leiðir so tað er kærkomið, at onkur lítur fram í tíðina, sigur Poul Michelsen, landsstýrismaður í vinnumálum