mánadagur 16. november 2015síða 72

vika 47 • 16. november 2015 40 Miðlahúsið Ókeypis lýsingarblað S tarvsfólk sum arbeiddu á Sorn­ felli og í Mjørka­dali vóru til veitslu­hald á Hotel Føroyum, sum tá helt til á Kongabrúnni. Meðan tey eru har, tóku nakrir ungir mans ein av bilunum og blakaðu hann á sjógv. Hesir Steyr Puch Haflinger vigaðu so lítið, at fýra sterkir mans sum einki kundu bera teir. Hetta kom eisini væl við í kava, tí um bilurin stóð fastur í eini kavafonn, so var bara at fara út og bera bilin gjøgnum fonnina. Bilarnir vóru serliga væl egnaðir til koyringina til og frá Støðunum á Sornfelli og Mjørkadali í kava. Tyngdar­ punktið var lágt, teir vóru lutfalsliga høgir frá vegnum og kláraðu seg væl í nógvum kava. Hóast teir ikki vóru so stórir, høvdu teir til­samans 7 sitipláss. Hesir Steyr Puch Haflinger, sum vóru fram­leiddir í Eysturríki, vórðu nýttir sum hernaðarakfør kring um í heim­inum. Undir vanligari koyring vóru teir drivnir av bakhjólunum, men við eini stong inni í bilinum kundi forhjólini eisini setast til so hann trekti á øllum fýra hjólunum og eins og differentialið kundi sperrast bæði aftan og framman. Teir vóru lættir, vigaðu um 600 kg, høvdu 2-sylindraðan luftkøldan boxaramotor oman á bakakslinum. Karrossaríið var gjørt úr aluminium og sett oman á eina stálrammu. Tónleikarin Simme Arge Jacobsen, sum eigur myndirnar, minnist at tá teir komu út av hotell­inum eftir at hava spælt har, var kranabilurin í ferð við at taka bilinum upp úr sjónum. Her í Føroyum vóru fleiri av hesum bilunum, sum mannamillum vórðu róptir grísarnir. Myndaeigari: Simme Arge Jacobsen Hernaðarbilur á sjógv Myndin er tikin á Kongabrúnni í Havn í 1960-unum. Ein hern­aðarbilur hjá støð­ini í Mjørka­dali verður hivaður upp úr sjónum