hósdagur 19. november 2015síða 16

Fríggjadagur 20. november 2015 sosialurin 134 16 tema Glykogen goymslubrek Taki atfinningarnar í álvara Sjúkrahússtjórin – GSD felagið hevur eftirlýst, at Ulrike Steuerwald verður sett í parttíðarstarv sum ser­ lækni innan GSD, og hesum hevur Landssjúkrahúsið skipað fyri, sigur Johnny í Grótinum, sjúkrahússtjóri. Eisini er innanhýsis kanning sett í verk av deyða Jónleifs Barbara Holm F yrr í ár setti Johnny í Grótinum seg í samband við Ulrike Steuerwald, og hev­ur hann somuleiðis verið í sam­band við Debes familjuna, GSD felagið og amerikanska ser­lækn­an David Weinstein. Hetta tí, at sjúkra­ hús­stjórin sigur seg taka óttan hjá GSD felagnum í allar størsta álvara. – Tað er als ikki nøktandi, at GSD felagið metir sínar limir liva í ótryggleika í hondunum á sjúkra­ hús­verk­inum, og tí havi eg tikið málið í størsta álvara, sigur Johnny í Grótinum. Sum vera man kann sjúkra­hús­ stjórin ikki úttala seg um málið um Jónleif Debes, tí hann er bundin av tagnarskyldu. Men hann staðfestur, at ynski hjá GSD felagnum verður gingið á møti – helst innan árslok í ár. – Vit hava longu betra um fleiri viðurskifti, sum GSD felagið eftir­ lýsti. Eitt nú hava vit økt um sam­ skifti við onnur sjúkrahús, sum vit sam­starva við. GSD felagið hevur víst á, at aðrir stovnar uttanlands ikki eru eins uppmerksamir rundanum GSD sjúkuna, og tí hava vit tikið stig til, at Lands­sjúkrahúsið altíð sendir kunn­ andi tilfar til onnur sjúkrahús, um ein GSD sjúklingur skal av landinum, sigur Johnny í Grótinum. Kanning sett í verk Hóast sjúkrahússtjórin er bundin av tagnarskyldu, so ger hann greitt, at Landssjúkrahúsið er farið undir at kannað hvat hendi í sjúkratilgongdini hjá Jónleifi Debes. Eftir innleggingina á Ríkis­sjúkra­ húsinum fyrr í ár, tá ið Jónleif av mis­gáum var mettur at liggja til tað síðsta orsaka av ALS, sendi Rannvá Debes eina formliga klagu til sjúkra­ hús­verkið. – Vit eru ikki komin so langt sum at klaga seinastu viðgerðina av Jónleifi, men tað fara vit, staðfestir Rannvá Debes. Men sjúkrahússtjórin hevur longu sett í verk eina innanhýsis kanning, eftir at hann frætti um ónøgdina hjá Rannvu og familjuni hjá Jónleifi eftir deyða hansara. Hann staðfestir, at Landssjúkrahúsið sum stovnur fegin vil halda eitt vakið eyga við um­støðurnar. – Eg eri fastur fúsur at taka sam­ røðu við sjúklingar, avvarðandi og feløg, um tað er okkurt tey eru ónøgd við, sigur Johnny. Og ónøgd er í Debes familjuni, mugu vit staðfesta. – Í hesum førinum hevur ein av­ varð­andi vent sær til mín og gjørt vart við sína ónøgd, og tá kenni eg tað púra natúrligt at fylgja málinum upp og seta eina innanhýsis kanning í verk, sigur Johnny í Grótinum. Hetta bæði við atliti til at svara viðkomandi aftur, og eisini við atliti til at betra um skipanir hjá Lands­ sjúkra­húsinum. Sambært Rannvu, Frederik, Steingrími og Hjørdis, sum øll vóru til staðar tað løtuna, spurdi Rannvá yvirlæknan, um hann hevði ráðført seg við Ulriku Steuerwald ella aðrar ser­frøðingar í GSD, áðrenn hann gav Jónleifi heilivágin móti angist. Ein heili­vágur, sum familjan Debes og GSD felagið ikki meta vera púra vanda­leysan fyri GSD sjúklingar. Men Bjarni á Steig afturvísir, at tað var tað sum hendi. – Eg svaraði ikki uppá, um eg hevði tosað við Ulriku um júst hand­ an heilivágin, sum tit sipa til har. Eg svaraði uppá, um eg nakrantíð hevði tosað við Ulriku um GSD og við­gerðina av sjúkuni, og tað havi eg, sigur Bjarni á Steig í viðmerking til Sosialin. Ulrika Steuerwald er burturstødd í løtuni, og hevur tí ikki havt møgu­ leika fyri at gjørt longri samrøðu við Vikuskiftis Sosialin um GSD og henn­ara royndir á økinum. Hon sigur tó soleiðis í stuttari viðmerking til hetta málið. – Eg havi ongantíð tosað við Bjarna á Steig um GSD ella viðgerð av sjúkuni, og var heldur ikki eftirspurd um nevnda heilivágin móti angist, sigur Ulrika Steuerwald, lækni. Hvussu er og ikki, so er í øllum førum greitt, at ósemja er millum ymisku partarnar av hesum mál­ inum, og tað hevur givið tað úrslit, at familjan Debes og GSD felagið kenna seg vónbrotin av viðferðini á Lands­sjúkrahúsinum. barbara@sosialurin.fo – Eg svaraði als ikki uppá, um eg hevði tosað við Ulriku Steuerwald um heilivágin móti angist, sigur Bjarni á Steig, yvirlækni, tá ið hann verður spurdur um hvussu hann minnist handan dagin, tá ið Rannvá Debes og familja hennara vóru eftir sjúkrajournalinum hjá Jónleifi Ósemja millum læknar Bjarni á Steig, yvirlækni Johnny í Grótinum, sjúkrahússtjóri Mynd: Álvur Haraldsen Týdningarmikið er tó at undirstrika, at Bjarni á Steig ikki var ordinerandi lækni hjá Jónleifi Debes, og tí ikki er tann, sum hevur givið Jónleifi hendan heilivágin. Ósemjan snýr seg um, hvørt yvirlæknin segði satt við familjuna Debes hendan dagin, og um hvørt kunningin frá Landssjúkrahúsinum hevur verið nøktandi. Eisini snýr málið seg um, hvørt Landssjúkrahúsið ráðførdi seg við Ulriku Steuerwald um Jónleif ella ikki.