mánadagur 23. november 2015síða 30

Mánadagur 23. november 2015 · Nr. 135 30 Sosialurin Hugskot og viðmerkingar – send sms til 225000 ítróttur Helgi endurtók bragdið hjá Heina Samantalda úrslitið var lakari í EM kappingini, enn málið plagar at vera í OL, men Føroyar hildu pláss, og javnleikurin ímóti Danmark leygardagin var glæsiligur em talv Jóannes Hansen Seinnapartin í dag koma før­ oysku telvararnir, sum frá fríggjadegnum í næstsíðstu viku og fram til í gjár lut­ tóku í EM í talvi fyri lið í Reykja­vík, til hús aftur. Í ferða­lag­num eru Helgi Dam Ziska, John Rødgaard, Høgni Egilstoft Nielsen, Rógvi Egilstoft Nielsen og John Arni Nilssen, sum luttóku í EM kapp­ingini, formaðurin í Talv­sam­bandi Føroya, Finnbjørn Vang, sum var ferða­leiðari, og Hans Hjalti Skaale, sum var dómari. Einasti føroyingurin, sum ikki er við flogfarinum hjá Atlantsflog úr Reykjavík í dag, er Helgi Dam Ziska. Hann fór longu í gjár úr Keflavík og suður til Edin­ burgh í Skotlandi, har hann er undir útbúgving. Tað vakti ans, tá ið tað leygar­kvøldið varð greitt, at fremsti telvari føroyinga nakran­tíð, Helgi Dam Ziska, ikki fór at vera á liðnum í gjár í síðsta umfari ímóti Eystur­ríki. Orsøkin var tann, at Helgi var troyttur eftir at hava vart fyrsta borðið í átta talvum í níggju dagar og eftir aftur og aftur at hava sitið yvir av stórmeistarum. Ein onn­ur orsøk er, at próvtøka fyrst í hesi vikuni bíðar Helga í Skot­landi, og uppaftur ein onn­ur orsøk var, at Helgi ikki hevði møguleika at vinna IM normin, sum restar í fyri at hann kann verða fyrsti før­ oyski stórmeistarin. Hildu tørn Kappingin í Reykjavík var tann fyrsta, sum føroyska talv­landsliðið hevur luttikið í lið­kapping um EM. Føroyska liðið hevur í mong ár luttikið í OL. Tá plagar setningurin at vera at røkka 50 prosent í úr­tøku, og tað hevur eydnast onkra ferðina. Í Reykjavík var úrtøkan væl minni enn hálvt hundrað prosent. Burtur úr 36 talvum vunnu føroyingarnir 13 ½ stig ella 37,5 prosent. Úrtøkan var tó soleiðis, sum tað kundi roknast við. Føroyar vunnu tveir dystir og ein endaði við remis. Tað bar við sær 5 dystarstig, og Føroyar end­ aðu nummar 34. Tað lut­tóku 36 lið í kappingini, og Føroyar endaðu fremri enn Kosovo og Skotland. Hetta var júst soleiðis, sum tað framman­ undan varð roknað við. Harvið hildu Føroyar tørn um plássið, sum Føroyar vóru styrkismettar at røkka. At úrtøkan var lakari, enn hon fleiri ferðir hevur verið í OL kappingunum kemst av, at Europa eigur lutfalsliga so nógvar stinnar talvtjóðir. Eftir rembingarnar í Eystur­ europa fyri einari fjórð­ ings øld síðani eru europe­ isku stórveldini í talvi vorðin upp aftur fleiri. Russland vann kappingina í Reykja­vik, og tey næstu í røðini vóru Armenia, Ungarn, Frakland, Ukreina, Týskland, Aserbajan, Spania, Georgia, England, Niður­ lond og Tjekkia. Undir kalda krígnum vóru fimm av hesum tólv nú bestu talv­ tjóð­unum í Europa ikki við í EM kappingini, tí tey vóru ikki sjálvstøðugar tjóðir. Rógvi stóð seg væl Tað var eitt sindur misjavnt, hvussu tað hepnaðist hjá før­oysku luttakarunum. Helgi Dam Ziska var við í øllum teimum fyrstu átta um­før­unum, og eisini Rógvi Egilstoft Nielsen var við í átta umførum. John Rødgaard og Høgni Egilstoft Nielsen telvaðu sjey ferðir, og John Arni Nilssen var við í seks dystum. Helgi Dam Ziska vann lut­falsliga størstu úrtøkuna av føroysku telvarunum. Hann vann 4 ½ stig, og Rógvi Egilstoft Nielsen stóð seg eis­ ini ógvuliga væl. Hann vann 4 av 8 stigum ella 50 prosent í úrtøku. Lakari vignaðist tað hjá hinum trimum – Høgni Egilstoft Nielsen 2 av 7 stigum, John Rødgaard 1 ½ av 7 stigum og John Arni Nilssen 1 av 6 stigum. Roknað út frá styrkis­tal­ inum vignaðist tað serliga væl hjá Rógva Egilstoft Nielsen, sum vann 29,8 stig aftrat. Helgi Dam Ziska vann 3,9, meðan pílurin peikaði hin vegin hjá hinum trimum før­oy­ingunum. Bjartasta løtan Føroyar vunnu sannførandi – 3 ½ - ½ - á Skotlandi og 2 ½ - 1 ½ ímóti Kosovo. Her var talan um favorittsigrar. Javnleikurin varð vunnin leygardagin, tá ið tað eydn­ aðist at røkka 2-2 ímóti Dan­ mark. Tá ið tað fríggjakvøldið varð greitt, at tað leygardagin fór at verða talan um innan­ hýs­is uppgerð millum Føroyar og Danmark, varð tað so upplagt at leita aftur til OL í 1992. Tiltikið er tað, tá ið Føroyar og Danmark hitt­ ust í OL í talvi í Manilla í Filips­oyggj­unum í 1992. Tá var úrs­litið 2-2. Minnisríkt er tað, at Heini Olsen, sáli, sum var før­oyskur meistari í 1989, 1991, 1992, 1993 og aftur í 1999,   vann á tá trí­ falda danska meistar­anum Carsten Høi. Hetta var eftir, at talvið var niðurlagt, og eftir at teir totaðust í 86 leikir. Styrkis­talið hjá Heina var 2320 og hjá Carsten Høi 2369, tá ið teir hittust á øðr­ um borði í Manilla. Á fyrsta borði megnaði John Rødgaard, sum eisini var á føroyska liðnum í Reykjavík, remis ímóti Erlingi Mortensen, og tað var eisini úrslitið á fjórða borði, har Torbjørn Thomsen telvaði ímóti Henrik Danielsen. Jens Christian Hansen tapti á triðja borði ímóti Karsten Rasmussen, og harvið var úrslitið 2-2. Fimti maður á føroyska liðnum ta ferðina var Jóan Petur Midjord. Bragdið frá Manilla varð endurtikið leygardagin. Helgi Dam Ziska setti á fyrsta borði trífalda danska meistaran GM Sune Berg Hansen upp á pláss, og tað sama gjørdi væl upplagdi Rógvi Egilstoft Nielsen á fjórði borði, tá ið hann vann á Bjørn Møller Ochsner. John Rødgaard og Høgni Egilstoft Nielsen taptu ímóti ávikavíst GM Lars Schandroff og IM Mads Andersen.