mánadagur 30. november 2015síða 18

Mánadagur 30. november 2015 · Nr. 138 18 Sosialurin Hugskot og viðmerkingar – send sms til 225000 ÍTRÓTTUR Ongantíð áður hava inntøkurnar uttanifrá í føroyskan fótbólt, verið so stórar sum tær hava verið seinastu tvey kappingarárini. Góð úrslit og hækkandi upphæddir fyri luttøku eru høvuðsorsøkirnar til stóru inntøkurnar André Olsen Seinastu tvey árini, eru stórar inntøkur komnar inn í føroyskan fótbólt. Góðu avrikini í Europa fyri tveim­um árum síðani hjá før­oyskum feløgum, góvu um­framt góð ítróttarlig avrik, eisini væl í kassan hjá teimum feløgunum sum spældu seg víðari. Har­um­ framt ger nýggja avtalan, sum fyri fyrstu ferð kom í gildið í 2015, at flest øll tey før­oysku feløgini nú fáa væl meira fyri at luttaka í altjóða fót­bólti, enn tey áður hava fingið. Frá at hava fingið góðar 900.000,- krónur fyri at hava lut­tikið í Europa League, er upp­hæddin farin upp á góðar 1.500.000,- krónur fyri at lut­taka í fyrstu rundu av Europa League. Eisini hjá meistarunum er upphæddin farin eitt stórt lop upp. Meistararnir fáa nú á leið 1.900.000,- krón­ur fyri at vinna meistara­heitið, umframt 1.500.000,- fyri at luttaka í fyrstu rundu av Champions League, sum altso svarar til 450.000,- evrur samanlagt. Upp­ hæddin frammanundan var annars 350.000,- evrur, sum altso er ein hækking á góðar 100.000,- evrur, sum er á leið 750.000,- krónur. Harumframt hava aðrar inntøkur enn tær fyri altjóða fótbólt eisini verið seinastu tvey kappingarárini. Í EM- undankappingardystunum sum Føroyar hava spælt sein­astu tvey árini, hava tey feløgini ið hava havt leik­ara á dóm­ara­seðlinum, eis­ini fingið inn­tøku fyri hvønn av teim­um dystunum. Upp­ hædd­in er góðar 30.000,- krónur fyri hvønn leikara sum hevur staðið á dómara­ seðl­inum. Til seinast er eisini ein inn­tøka fyri financial fair play pengar. Tann inntøkan kemst av, at tey størru feløg­ ini í Europa eru revsaði fyri brot á financial fair play reglur­nar. Peningurin fyri brot á teir reglarnar, verður so í flestu førum deildur út til feløg, sum luttaka í altjóða fót­bólti. Útreiðslur fylgja við Rokningin sum er gjørd fyri tær inntøkurnar seinastu tvey árini, er gjørd í brutto. Fyri fleiri av inntøkunum, fylgja eisini útreiðslur við. Til­dømis fyri altjóða fót­ bóltin, so fylgir ein stór út­ reiðsla eisini við, tá liðini skulu gjalda fyri ferðing og fyri at gista ymsastaðni uttan­lands. Nýggja skipanin við pengu­num ger tó, at feløgini í dag hava lættari við at hava eitt størri avlop, enn tey áður hava havt. Ein avbjóðing fyri kappingina í framtíðini Tað at so nógvir pengar koma inn í føroyskan fótbólt, er als ikki eitt skot eftir teimum fel­øgunum, ið fáa teir flestu av teimum pengunum, ið koma inn. Flest øll av teim­ um feløgunum eru í dag væl rikin, bæði viðvíkjandi leiðslu og viðvíkjandi fíggjar­ skapi. Men tá vit hyggja eftir øllum inntøkunum sum eru komnar inn seinastu tvey ár­ini, er tað ein avbjóðing fyri føroyskan fótbólt, at tað í stóran mun eru nøkur fá feløg, ið fara avstað við nær­ um øllum pengunum. Hetta kann koma at gera tað mun­ andi torførari hjá teim­um smærru feløgunum at gera seg galdandi, og við tað at upphæddin fyri altjóða fót­ bólt er vaksin so nógv, kann tað viðføra at gjógvin mill­ um tey stóru og tey smærru feløgini, kemur at vera upp­ aftur størri, enn hon áður hevur verið. andre@sosialurin.fo PENGAR STROYMA Í FØROYSKAN FÓTBÓLT FÓTBÓLTUR Altjóða pengar Munurin fyri altjóða luttøku í 2014 og 2015 2014 CHAMPIONS LEAGUE Meistarin frá árinum fyri fær 200.000,- evrur = 1.500.000,- kr. fyri at vinna FM heitið. Harumframt fær meistarin 150.000,- evrur = 1.100.000,- krónur fyri at luttaka í fyrstu undankappingarrundu av Champions League. Inntøka samanlagt: 2.600.000,- kr. 2015 CHAMPIONS LEAGUE Meistarin frá árinum fyri fær 250.000,- evrur = 1.900.000,- kr. fyri at vinna FM heitið. Harumframt fær meistarin nú 200.000,- evrur = 1.500.000,- krónur fyri at luttaka í fyrstu undankappingarrundu av Champions League. Inntøka samanlagt: 3.400.000,- kr. Munur: Á leið 800.000,- krónur fleiri í inntøkum aftaná 2015 2014 EUROPA LEAGUE Feløgini sum luttaka í fyrstu undankappingarrundu av Europa League fáa 120.000,- evrur fyri at luttaka = 900.000,- krónur. 2015 EUROPA LEAGUE Feløgini sum luttaka í fyrstu undankappingarrundu av Europa League fáa 200.000,- evrur fyri at luttaka = 1.500.000,- krónur. Munur: Á leið 600.000,- krónur fleiri í inntøkum aftaná 2015.