mánadagur 30. november 2015síða 36

VINNUBLAÐIÐ HJÁ MIÐLAHÚSINUM Desember 2015 12 8 Eyðfinn Reyðberg Tað hevur gingið sera væl hjá uppi­ sjóvar­felagnum Palli hjá Mariannu í Klaks­vík seinastu árini. Felagið eigur og rekur uppi­ sjóvar­skipini Norð­borg og Christian í Grótinum, og serliga íløgan í Norð­ borg, ið er uppisjóvarskip útgjørt til at virka fiskin til liðugt produkt umborð, hevur verið ein tíð­andi liður í stóru fram­gongd felagsins. Dóttirfelagið P/f Hvalnes, ið rekur uppisjóvar­skipið Norðborg, hevur staðið fyri stórum parti av úrs­litinum hjá samtakinum. Av samlaða avlopinum uppá 370 milljónir krónur áðrenn skatt fyri árini 2010 til 2014, er tað P/f Hvalnes sum kemur við næstan øllum vinn­ing­ inum. Hesa tíðina síðan Norðborg kom sum nýtt skip í flotan á vári 2009, hevur gongdin verið sera góð. P/f Hvalnes hevur havt samanlagt 312 milljónir krónur í avlopi áðrenn skatt árini frá 2010 til 2014. Norðborg hevur sostatt staðið fyri 84 prosent av samlaða avlopinum hjá samtakinum Palli hjá Mariannu hesi seinastu fimm árini. 72 milljónir í skatti Av samlaða úrslitinum seinastu fimm árini uppá 370 milljónir krónur, er roknaði skatturin 72 milljónir krón­ ur. Hetta svarar til eitt skatta­prosent uppá 19,4. Samtakið hevur av hesum goldið 51 milljónir í skatti, meðan restin 21 milljónir krónur er útsettur skattur, ið fellur til gjaldingar seinni. Raksturin versnaður Um hugt verður eftir úrslitunum hjá felagnum sein­astu árini sæst, at besta árið var í 2011, tá av­lopið var oman­fyri 100 milljónir krónur, meðan lakasta árið var í 2014, tá avlopið var 47 milljónir krónur. Orsøkin til at úrslitið er verri, er at sølan hevur staðið í stað, har hon seinastu árini hevur ligið støðugt um 300 milljónir krónur. Samstundis er fram­leiðslukostnaðurin hækkaður. Um árini 2014 og 2011 verða saman­borðin sæst, at sølan er hækk­að við 16 milljónum krón­um, meðan útreiðslurnar eru hækkaðar við 52 milljón­um krónum. Hetta ger at brutto­vinn­ingurin, sum í 2011 var 191 milljónir krónur, lækkar til 156 milljónir krónur í 2014. Gott avkast Palli hjá Mariannu hevur seinastu fimm árini rentað sína eginogn ógvu­ liga væl. Eginognin var við ársbyrjan 2010 145 milljónir krónur. Fimm ár seinni, við árslok 2014 var egin­ognin komin uppá 433 milljónir krónur. Avlopið var 370 milljónir krónur, síðan er skattur trektur av 72 milljónir krónur. Avlopið eftir skatt er sostatt 298 milljónir krónur. Av hesum eru 10 milljónir krónur útgoldnar í vinnings­býti, meðan restin 288 milljónir krónur eru lagdar afturat eginognini í samtakinum. Gjørt fleiri íløgur Tá gongin hevur verið so góð, hevur hetta givið høvi til at gera íløgur í onnur virki. Palli hjá Mariannu hevur so­leiðis gjørt íløgur í íløgufelagið Tjaldur, uppisjóvarvirkið Pelagos í Fugla­firði, bakaríið hjá Jórun í Klaks­vík, olju­ felagið Effo, og felagið Vestur­skin í Sørvági, ið rekur fiski­vinnu­virk­semi. Harumframt eigur felagið helm­ ingin av P/f í Ánunum, sum eigur virkis­bygning á havnar­lag­num í Ánunum og somuleiðis helmingin av P/f North­pelagic, sum stendur fyri all­ari sølu av vør­unum hjá Palla hjá Mariannu. post@sosialurin.fo EGINOGNIN HJÁ SAMTAKINUM PALLI HJÁ MARIANNU Í KLAKSVÍK ER TRÍFALDAÐ EFTIR FIMM ÁRUM ÚR 145 MILLJÓNIR KRÓNUM VIÐ ÁRSBYRJAN 2010 TIL 433 MILLJÓNIR KRÓNUR VIÐ ÁRSLOK 2014. Greining: Palli hjá Mariannu P/f 370 milljónir krónur í avlopi í fimm ár Høvuðstølini hjá Palli hjá Mariannu fyri 2013 og 2014. Sølan fór 9 prosent niður, meðan framleiðslukostnaðurin hækkaði. Hetta gjørdi at bruttovinningurin lækkaði við 20 prosent. Eginognin er 433 milljónir krónur, og rentuberandi skuldin er 273 milljónir krónur, ið svarar til 5 ferðir EBITDA. Palli hjá Mariannu P/f 2014 2013 Broyting Nettosøla 304.150 333.496 -9% Framleiðslukostnaður 148.612 138.543 7% Bruttovinningur 155.538 194.953 -20% Starvsfólkakostnaður 100.645 106.700 -6% EBITDA 54.893 88.253 -38% Avskrivingar 28.944 23.280 24% Fíggjarpostar netto 21.169 7.122 197% Úrslit áðrenn skatt 47.118 72.095 -35% Skattur 7.727 14.070 -45% Ársúrslit 39.391 58.025 -32% Støðisogn 536.383 530.973 1% Ogn í umferð 294.145 313.683 -6% Ogn tilsamans 830.528 844.656 -2% Eginpeningur 433.320 397.867 9% Skuld 397.208 446.789 -11% Skyldur tilsamans 830.528 844.656 -2% Rentuberandi skuld 272.635 299.828 -9% Rentuberandi skuld/EBITDA 5,0 3,4 46% Starvsfólk 105 105 - 100 MILLJÓNIR Í LØNUM UM ÁRIÐ Palli hjá Mariannu hevur útgoldið 485 milljónir krónur í lønum seinastu fimm árini. Í 2010, 2011 og 2012 arbeiddu 77 fólk hjá samtakinum Palli hjá Mariannu. Í 2013 og 2014 hevur talið verið 105 starvsfólk. Hesi hava fingið tilsamans 485 milljónir krónur í lønum hesi fimm árini. Hetta gevur eina meðal mánaðarløn hjá hvørjum at teimum 105 starvssettu fólkunum uppá 80.000 krónur. Til samanberingar kann sigast, at meðal lønarkostnaðurin til hvørt av teim­um 77 starvsfólkunum í 2010 var 89.000 krónur. Fýra eiga Palli hjá Mariannu TAÐ ERU FÝRA PERSÓNAR, SUM EIGA ØLL PARTABRØVINI Í UPPISJÓVARFELAGNUM PALLI HJÁ MARIANNU Í KLAKSVÍK. Tað eru teir fýra Kristian Martin Klein Rasmussen, og synirnir Bogi, Eyðun og Jón Rasmussen, sum eiga stóra uppi­sjóvarfelagið í Klaksvík. Hetta hava teir gjørt í mong ár, og allir eru aktivir í rakstrinum av felag­ num. Kristian Martin hevur verið skip­ari alt sítt lív, og byrjaði at reka skip longu í sekstiárunum. Báðir syn­i­rnir, Jón og Bogi, eru skiparar, og hava ført skip felagsins í mong ár. Hesa seinasu tíðina hevur Bogi verið stjóri í felagnum Larsen Seafood í Týsk­landi, sum Palli hjá Mariannu keypti fyrr í ár. Eyðun Rasmussen er útbúgvin maskinmeistari, og silgdi hann mong ár við skipum felagsins. Síðan 2007 hevur Eyðun verið stjóri í sam­ tak­inum. Felagið hevur skrivstovu í frystihúsinum Ánunum. Verður virðið roknað í mun til inn­ ara virði av eginpeninginum í Palli hjá Mariannu, so svarar ein ognar­ partur uppá ein fjóðring til eitt virði uppá 108 milljónir krónur. Kristian Martin Klein Rasmussen Norðborg hevur sostatt staðið fyri 84% av samlaða avlop­inum hjá samtakinum Palli hjá Mariannu hesi seinastu fimm árini.