hósdagur 10. desember 2015síða 23

FRÍGGJADAGUR 11. DESEMBER 2015 SOSIALURIN 143 23 KLUMMAN Barbara Holm Jólares og jólagávur ársins gáva EINANS 4.799,- »Hugnaligasta tíðin av árinum«, siga tey, sum elska jólini. Og jú, mær dámar væl jólini og jólatíðina. Hugnaligu løturnar við jóladekoratiónum, gløgg og eplaskivum, jólafrokostum og so framvegis. Men onkuntíð kann ein freistast at siga, at jólahugnin er blivið til ein nærmast psykotisk tíð, so nógv vit tuska og renna runt, fyri at fáa sum mest burturúr. »Eg havi trý jólahald eg skal til við børnunum í dag«, segði ein vinkona í vikuni. Trý jóla­ hald kroyst saman á nakrar tímar? Er tað hugnaligt? Eftir ferðsluni og vantandi parkerings­ plássunum í býnum at døma, er jólaresti av álvara farið í gongd. Hvør Hanus og Janus stríðist fyri at keypa, hugna, vitja, pynta, hugna eitt sindur meir, og annars at pakka allar jólagávurnar inn, sum øll tey nærmastu 50 skulu hava. Tað er kanska ein kliché at siga, men átti tað ikki at verið alt »tankin sum telur« konseptið, sum avgjørdi innihaldið í glitruta pappírinum undir jólatrøunum? »Ársins jólagáva til børn og ung« varð presentera í Dagur&Viku herfyri. Hættisliga koyritólið – tað sokallaða Segway brettið – varð lýst sum vandamikið, ólógligt og hvat veit eg. Men einki øvugt orð um, at hendan jólagávAN 2015 kostaði heili 4.799 krónur. Ivaleyst er tað meira áhugaverda fyri Dagur&Viku, at hetta tólið er vandamikið og ólógligt at nýta í ferðsluni. Og eg vóni tað var tí, at tað uttan himpr varð greitt frá prísinum av hesum, uttan so mikið sum at seta spurnartekin við, um tað nú er heilt okey, at ársins jólagáva kostar tað sama sum ein húsaleiga í høvuðsstaðnum. »Eg ynski mær eina Iphone 6 í jólagávu«. Tann setningin giti eg tey flestu, sum hava børn/ ung í nærumhvørvinum, hava hoyrt. Og tað er eisini fínt, um fólk hava ráð til tað. Men í hesum »Í menniskjum góður tokki« døgum, skuldu vit kanska endurmett okkara uppfatan av, hvat jólagávAN eigur at kosta, fyri at vera góðtikin. Kanska skulu vit innføra góða, gamla kon­ septið – tað er tankin, sum telur, og hugsa um hvørji virði vit leggja í hvønn annan og okkara samfelag, nú vit skulu kroysta hvønn »hugna­ liga« dropa úr jólamánaðinum – kosta hvat tað kosta vil. Bjøllubandin, Døgg, Kristian og Flamma AFríggjakvøldið 11. desember fær Føroya jólaligasta hús­orkestur Bjøllubandin vitjan av Døgg Nóngsgjógv, Kristian Blak og trioini Flammu, sum saman fara at spæla jólastemningin inn í Reinsaríið. Orkestrið Bjøllubandin er mannað av Benjamin Petersen, Knút Háberg Eysturstein, Per Ingvaldi Højgaard Petersen og Mikael Blak. Hetta er hús­orkestur á okkara jóla­ kon­sertum, ið vera 11. og 22. desember. Hetta verður jóla­hugni av besta slag við nøkrum av okkara sterkastu røddum innan millum annað popp og fólkarokk. Í fjør fylti Bjøllubandin saman við solistum Reinsaríið tríggjar ferðir. Døgg Nónsgjógv telist millum okkara dugnaligastu ungu singer/songwriters. Hon vann heiðurin fyri besta poppsang á FMA í 2013, og hevur júst givið fyrstu heilu útgávuna út. Áðrenn hevur hon m.a. givið nøkur støgløg út, og eina stakútgávu við jóla­tónleiki fyri nøkrum árum síðan. Kristian Blak er the grand old man í før­ oyskum tónleiki, og hevur sum oddmaður fyri eitt nú Yggdrasil og Spælimennirnar ferðast kring allan heim við sínum tónleiki. Flamma er saman­sett av teimum trimum damunum Lailu Carlsen, Ann Chanett Danielsen og Maluni Eyðunsdóttir, ið koma frá ymiskum tónleikaligum bak­grundum, men hava funnið saman um at framføra orku­miklar poppsangir. Fyrsta fløga teirra kom út í 2013 og bólkurin fekk tá eina til­nevning á Faroese Music Awards fyri Ársins Nýggja Bólk, og Laila Carlsen fekk eina tilnevning fyri Ársins Song­kvinnu. Jólafriður í Bø leygardagin Tiltakið er ókeypis, frá konsertum til jólafjósið, kaffi og te, vafflur og suppa. Eitt av støðunum, sum tit kunnu vitja er Bethlehemsfjósið. Her fara vit at leita okkum aftur til tey allar fyrstu jólini, fyri 2015 árum síðani. Her kunnu tit møta Jesubarninum, Mariu og Jósef, hirðunum, og so øllum djórunum, sum sjálvandi eisini vóru til staðar tá føddur: Einglarøddirnar úr barnakórinum í Sørvági at fylla fjósið. Maria at greiða frá, hvussu hon upplivdi at bera Jesubarnið. Kl. 19.00 er tað Evi Tausen, sum kemur at syngja, við góðari hjálp frá himmalsku røddunum hjá bíggjarbørnum.