mánadagur 14. desember 2015síða 34

VIKA 51 • 14. DESEMBER 2015 10 MIÐLAHÚSIÐ ÓKEYPIS LÝSINGARBLAÐ Hevur gingið sum eitt klokkuverk Vilmund Jacobsen M ong munnu kenna deksbáta­ navnið, Ólavur VN 138, og líka nógv munnu kenna navnið, Alfred J. Olsen í Vestmanna, sum eig­ ur bátin. Ólavur er gamli postbáturin, smíð­ aður á Vestmanna Skipasmiðju í 1930, sum í mong ár sigldi við ferða­ fólki, farmi og posti. Tað var pápi núverandi eigaran, Samuel Jacob Olsen, vanliga róptur Sam, sum læt Ólav smíða. Bátasmiðjurin var Jógvan Hansen í Skálum, róptur. Hann var bóndasonur í Vestmanna og fór seinni á Tórshavnar Skipasmiðju at arbeiða. Jógvan smíðaði nakrar deksbátar í Vestmanna og nøkur størri skip í Havn, eitt nú Norðlýsið, sum er smíðað á Tórs­havnar Skipasmiðju í 1945. Søgan um ferðafólka,- farma-og pos­t­flutningin við Ólavi er drúgv, men deks­báturin hevur øll árini verið og er framvegis heimahoyrandi í Vest­ manna. Ólavur varð eisini boðsendur til sjúkraflutning, tá neyðugt varð við bráð­feingis sjóvegis flutningi. Alfred J. Olsen, sum gjøgnum mong ár var eitt kent andlit í sigl­ing um Vestmannasund, tók yvir flutn­ ingin við Ólavi í 1945, tá pápi hansara gjørdist sjúkur. Sam doyði í 1947, bert 50 ára gamal. Alfred hevur átti fleiri bátar og skip gjøgnum árini, bæði til flutnings, men eisini til útróður. Ólavur sigldi sína rutu í Vest­ manna­sundi og loysti av á øðrum far­ leiðum kring landið fram til 1965, tá Bragd kom í staðin. Fyrimunirnir við Bragd vóru serliga, at hetta var eitt nógv størri skip, eins og Bragd eisini kundi hiva bilar. Tá Sam kom í 1975 gjørdust um­ støð­urnar uppaftur betri. Tað var í umleið 1980, at Føroya lands­stýri tók yvir siglingina um Vest­ mannasund, sum annars hevði verið á privatum hondum øll árini undan hesum. Tá Vikublaðið hitti Alfred á máli um dagarnar, segði hann, at Ólavur hevur havt somu maskinu síðan 1975. – Hetta er ein Volvo Penta 150 HK, og hon gongur framvegis sum eitt klokkuverk, sum hann tekur til. Alfred J. Olsen sigur, at Ólavur hevur verið lítið brúktur seinnu árini, men tá bátastevna er í Vestmanna, hevur báturin eina fasta uppgávu, ið er at sigla fremstur av Fútakletti og inn á Vestmanna. Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo Bilurin er ein Austin Cambridge station­car hjá Celiu Brockie Dam. Mynd­in er tikin úti í Tinganesi. Bilurin er ljósur við svørtum taki. Legg til merkis at hann er høgrastýrdur og hevur sókskerm oman fyri forrútin, sum fleiri bilar brúktu tá í tíðini. Hesir Austin Cambridge A55 Mark II vórðu gjørdir frá 1959 til 1961. Smádrongurin er Tommy Jørgen­ sen, sum seinni flutti til Danmarkar at búgva. Celia Brockie Dam hevði í mong ár klædnahandlin Vogue í Havn. Myndaeigari: Celia Brockie Dam SKIPASØGA BILASØGA Deksbáturin Ólavur VN 138, sum er smíðaður á Vestmanna Skipasmiðju í 1930, hevur øll árini verið heimahoyrandi í Vestmanna – og heilt síðan 1975 hevur báturin havt eina Volvo Penta 150 HK Austin Cambridge hjá Celiu Dam Tað var Jógvan Hansen, bóndasonur í Skálum, sum smíðaði deksbátin Ólav á Vestmanna Skipasmiðju í 1930 Mynd: Málningur eftir Martin Joensen Fakta um Ólav Smíðistaður-/ ár: Vestmanna Skipasmiðja (1930) Tilfar: Eik/ fura BRT: 14,24 Maskina: Volvo Penta 150 HK Eigari: Alfred Jacobus Olsen