mánadagur 14. desember 2015síða 46

VIKA 51 • 14. DESEMBER 2015 22 ÓKEYPIS LÝSINGARBLAÐ Fá pulsin upp í Bergen Bergen City Marathon Ein hvør stórbýur við virðing fyri sær sjálvum má hava eitt maraton, og Bergen er einki undantak. Og í Bergen er Bergen City Marathon ein verulig fólka­fest. Øll kunnu vera við. Eldri fólk og smá­ børn, mótabloggarar og fótbóltsidiotar, norskir nasjonalistar og tilflytarar. Har renna fólk við alt ov nógvum kiloum á kroppin, og eisini onkur, sum burdi fingið sær eina ferð aftur at upp á tallerkin. 9.000 luttakarar vóru í Bergen City Marathon í 2015, har av gott 1.000 vóru út­ lend­ingar. 30. apríl 2016 er Bergen City Marathon á skránni fyri sættu ferð, og væntandi vera enn fleiri luttakarar við í ár, og nú hevur tú møgu­ leikan at renna saman við luttakarum um allan heimin gjøgnum ein av vakrastu maratonteinum nakra­staðni. Byrjan og málstrika eru á Bryggjuni í Bergen og teinurin fer eftir fjallavegnum, gjøgn­ um gamla býarpartin og tvørtur um Fiska­torgið. Umframt sjálvan maratonteinin, verður eisini skipað fyri hálvmaraton, einum 5 kilometrateini, eini barnarenning á 2 kilometrar og stafett. Stafettin hevur 10 partar, sum tilsamans eru sami teinur sum hálvmaratonrenningin. Bergen City Maraton hevur heimasíðuna www.bergencitymarathon.no. Har er øll neyðug kunning at finna, eins og uppskot til støð at gista, hjá teimum, ið ferðast til býin í samband við renningina. Um renning ikki er tín koppur av te, so freistar ein túrur í fjøllunum kanska meiri? Bergen bjóðar tær eisini at luttaka á fýra- og sjey­fjalla­túrinum, fyri 62. ferð. Tiltakið er vorðin siðvenja í býnum og mong eru tey, bæði úr Bergen og aðrastaðni, sum taka lut og gera fjalla­túrarnar til eina veruliga fólkaveitslu. Túrurin gongur gjøgnum stórar partar av bergenska fjallaheiminum við vøkrum útsýni yvir býin ein stóran part av teininum. Eingin tekur tíð, men allur sunnudagurin fer aftur um bak, meðan tú gongur 3,5 kilometra langa teinin við 2.400 hæddar­metrum í alt. Skalt tú luttaka, krevst at tú hevur góða konditión, men um tú hevur gingið reglugligar túrar, er hetta eingin trupulleiki. Saft er at fáa á túr­inum, men mati mást tú sjálvur syrgja fyri. Túrurin byrjar um sjeytíðina á morgni frá Gravdal. Síðani gongur leiðin til Lyderhorn, Damgårds­fjallið, Løvstakken, Ulriken, Fløyfjallið, Bruss­máttuna og Rundemanen, víðari til Sandviksfjallið og aftur til túraskrivstovuna í Markini. Lut­takarakortið skal klippast á øllum fjalla­topp­unum og latast inn á skrivstovuni, tá komið er á mál. Bergen-Voss súkklu­kapp­ing Tykist sjeyfjallatúrurin tær ov langur, kanst tú ganga fýrafjallatúrin, sum fer frá skúlanum í Årstad upp á Ulriken, Fløyen, Rundemanen, Sandviks­fjallið og so aftur á skrivstovuna. Tímir tú heldur ikki at ganga? So er at seta seg á súkkluna og taka lut í Bergen-Voss súkklukapp­ingini, nú fyri 40. ferð, leygardagin 4. juni. Vestlandsklassikarin, sum teinurin eisini verður nevndur, er 165 kilometrar úr Bergen til Voss, men tað eigur ikki at halda nøkrum aftur. Bæði fólk, ið einans súkkla til stuttleikar og tey, ið nýta súkklingina sum part av síni venjing, seta seg á súkkluna, saman við meiri royndum súkklar­um og kappingarsúkklarum. Fyri tey flestu er málið tó at njóta nakrar góðar tímar á súkklu­baki, meðan súkkla verður gjøgnum bergtak­andi náttúruna í vesturnoregi, millum annað gjøgnum vakra Hardangerfjørðin. Besta tíðin á tein­inum er 3 tímar, 55 minuttir og 57 sekund.