fríggjadagur 13. august 2004síða 2

Nr. 152 - 13. august 2004 3 Nr. 152 • fríggjadagur • 12. august 2004 • 78. árgangur • www.sosialurin.fo Bárður Johannsen, sum fyri stuttum kom fyri seg eftir drúgvan skaðasteðg, fekk í gjár boð um, at hann skal vera við ímóti Malta LANDSLIÐIÐ Jóannes Hansen Jákup Mikkelsen hevur givið avboð til landsdystin ímóti Malta. Vøddaskaðin, sum hann fekk, tá ið ein ikki so long løta var eftir at dystinum ímóti B36 sunnu- dagin, er so mikið álvar- samur, at hann fer at halda Jákupi burturi frá fótbólti í hvussu so er í einar tvær vikur afturat. - Eg havi ikki rættuliga verið førur fyri at ganga. Nú havi eg verið hjá fysio- terapeuti tvær ferðir, og tað kennist dagamunur á. Í morgun havi eg fingið gingið, og fysioterapeut- urin sigur seg rokna við, at tað í vikuskiftinum fer at bera mær til at jogga. Men tað ganga nakrir dagar, áðrenn eg aftur fari at verða førur fyri at venja og spæla fótbólt, segði Jákup Mikk- elsen fyrrapartin í gjár. Í steypakappingini tíðliga í vár varð Jákup plágaður av sama skaða. Tá gekk tað skjótt fyri seg hjá honum at koma fyri seg aftur. Ongan- tíð frammanundan hevur hann havt hetta slagi av skaða. Í síni tíð í Herfølge og eisini í Molde hevði Jákup okkurt skifti trupul- leikar við aðrari mjødnini, men nú er langt síðani, at hetta darvaði. Verður tú førur fyri at spæla ímóti Sveis og Frak- landi í HM undankapp- ingini? - Tað vóni eg, men í løt- uni hugsi eg fyrst og fremst um at verða klárur aftur, so eg kann hjálpa KÍ. Tað er greitt, at eg verði ikki førur fyri at spæla á Eiði nú sunnudagin, og eg verði neyvan førur fyri at spæla í Gøtu annan sunnudag. Andreas Johannesen hevur staðið seg væl í 2. deild. Hann hevur ikki nógvar royndir í 1. deild. Hann spældi fimm minuttir ímóti FCK, men vit hava álit á honum og vóna, at tað fer at ganga væl hjá honum, sigur Jákup Mikkelsen. Bárður næstur í røðini Eftir at Jákup Mikkelsen hevur boðað landsliðsvenj- aranum frá, at hann ikki verður førur fyri at spæla ímóti Malta mikudagin, hevur Henrik Larsen gjørt av, at Bárður Johannsen, málverjin hjá HB, skal møta saman við hinum landsliðsspælar unum mánadagin. Saman við honum er Jens Martin Knudsen málverji. Bárður hevur verið triði málverjin á landsliðnum seinastu árini. Tað mesta av hesum kappingarárinum hevur hann verið skaddur. Nú er hann komin fyri seg aftur. Hann vardi HB málið í steypafinaluni, og hann hevur verið í HB málinum í teimum báðum landskapp- ingardystunum, sum hava verið síðani summarsteðg- in. Bjarni Johansen hevur staðið seg ógvuliga væl í VB málinum í ár. Ikki minst ímóti NSÍ var hann rættuliga stinnur. Men venjarin hevur valt at halda fast við sama triðja mál- verjan, sum seinastu tíðina hevur havt henda kjansin. Jákup hevur givið avboð Fyri fyrstu ferð í mong ár eydnaðist tað mikukvøldið Fremad Amager at spæla seg víðari í donsku steypakappingini ÚTISETAFELAG Jóannes Hansen Mikukvøldið var Fremad Amager í øðrum umfari í donsku steypakappingina inni á Sjællandi. Mótstøðu- liðið var Sorø Freja, sum spælir í Sjællandsseriuni. Fremad Amager vann 4- 1, og Hjalgrím Elttør skor- aði tvey av málunum. Hjalgrím var annars ikki á besta liðnum, tá ið Fremad Amager í vikuskiftinum spældi í landskappingini. Hjalgrím skoraði til 2-0 í 22. minutti. Miðskeiðis í 2. hálvleiki økti hann til 4-0. Andrew av Fløtum varð settur inn á liðið beinan- vegin eftir steðgin, og Jann Ingi Petersen var á mið- vøllinum í umleið ein tíma, áðrenn hann varð tikin út. - Eg var uttast á miðvøll- inum í høgru í 1. hálvleiki og uttast á miðvøllinum í vinstru í 2. hálvleiki. Fyrra málið skoraði eg við vinstra beini eftir uppspæl í vinstru og diagonalsending. Seinna málið fekk eg eftir returbólt frá málverjanum. Vit vóru væl betri enn teir, og vit kundu havt vunnið størri sigur, eitt nú um eg hevði havt verið skarpari. Eg hevði fleiri aðrar møgu- leikar at gera mál, sigur Hjalgrím Elttør. Tú vart als ikki við í vikuskiftinum? - Nei, tað eru nógvir við í kappingini, og venjarin skiftir nógv út. Eg dugi ikki at siga, hvussu nógv eg sleppi at spæla, men nú vóni eg sjálvandi, at eg sleppi upp í part í viku- skiftinum. Fremad Venjarin sigur, at hann hevur umleið tjúgu spælarar, sum allir eru mest sum eins góðir. Fyrr í vik- uni fóru tveir spælarar úr felagnum og til onnur feløg. Teir hava ikki verið á besta liðnum síðani summarsteðgin, og teir sóu sær ikki møguleikar at koma á besta liðið. Mikukvøldið var Vejle á útivølli í Odense. Tað eydn- aðist felagnum hjá fram- vegis skadda Christian Høgna Jacobsen at vinna 2- 1 á OKS ella Odense Kammeraternes Sports- klub, sum spælir í Fyns- seriuni. Mikudagin 25. august verður triðja umfar á skránni, og tá skulu Jón Rói Jacobsen og Frem og Johan Byrial Hansen og Horsens upp í leikin. Todi Jónsson og FCK skulu fyrstu ferð spæla í fimta umfarinum, sum verður 27. oktober. Seks av teimum átjan spælarunum, sum hava fingið landsliðsboð, eru útisetar í Danmark. Teir eru Hjalgrím Elttør, Andrew av Fløtum og Jann Ingi Peter- sen úr Fremad Amager, Johan B. Hansen úr Hors- ens, Jón Rói Jacobsen úr Frem og Todi Jónsson úr FCK. Hesir skulu í viku- skiftinum spæla í donsku landskappingini, og so koma teir heim fyrrapartin mánadagin. Landsdysturin verður mikudagin ímóti Malta. Hjalgrím skoraði tvær ferðir Taptu stórt á heimavølli MK Gorica gjørdi í síðstu viku enda á europeiska ævintýrinum hjá FCK. Tað gjørdu teir við at vinna við ikki minni enn 5-0 í Parkini í Keypamannahavn. Men einki bendir á, at slovenska meistaraliðið skal røkka milliónunum, sum eru at vinna í bólkaspælinum í Europa Cup kappingini fyri meist- arlið. Mikukvøldið høvdu teir vitjan av Monaco, sum vann 3-0. Hóast Gorica ímóti FCK vísti, at teir eru førir fyri at vinna tað aftur á útivølli, sum teir høvdu mist á heimavølli, so man tað vera lítið sannlíkt, at Monaco, sum í fjør rakk finaluni í hesi kappingini, ikki fer at verða ført fyri at steðga slovenska liðnum. jh C M Y K 3 2 – Okkara royndir vísa, at samanlegging- ar økja um møguleik- arnar at gagnnýta fel- ags tilfeingi meiri effektivt. Við at økja um samstarvið mill- um útvarp og sjón- varp fæst eitt fakliga sterkari umhvørvi við meiri kvalitativum journalistikki, sigur aðalstjórin á Dan- mark Radio, Christ- ian S. Nissen, nú Út- varp og Sjónvarp Før- oya leggja saman SAMANLEGGING Heini í Skorini, heini@sosialurin.fo Danmark Radio (DR) hev- ur seinastu fimm árini økt munandi um samarbeiðið millum útvarps- og sjón- varpsframleiðslu. Fram til fyrst í 90´unum arbeiddu útvarps- og sjónvarpsfólk tætt saman. Síðani vórðu framleiðslurnar skildar sundur fyri tíggju árum síð- ani, áðrenn leiðslan á DR fyri fimm árum síðani aftur tók eina vend og integrer- aði útvarps- og sjónvarps- framleiðslu við øktum sam- starvi. DR hevur stórt sæð sama budget í dag sum fyri 10 ár- um síðani, men kortini verður í dag framleitt tvífalt so nógv tilfar. Sambært Christian S. Nissen, aðal- stjóra á DR, er økta sam- starvið og integratiónin millum útvarp og sjónvarp ein orsøk til framburðin, og hann metir, at samanlegg- ingin av ÚF og SVF kann skapa ein betri loftmiðla- heim í Føroyum. Góðska framum kapping Christian S. Nissen sigur fyrst og fremst, at hann ikki hevur nakra kategoriska støðu til samanleggingina av ÚF og SVF, tí alt veldst sjálvsagt um, hvussu upp- gávan í praksis verður hag- reidd eftir 1. januar og komandi árini. Men Nissen hevur nógv- ar royndir frá sínum arb- eiðsumhvørvi á DR, og har hevur talan sambært honum verið um økt samstarv og alsamt tættari tilknýti mill- um útvarp og sjónvarp seinnu árini. - Okkara royndir eru, at vit hava fingið eitt fakliga sterkari umhvørvi, tá vit hava lagt redaktiónir og deildir saman. Vit hava t.d. eina felags mentanardeild við útvarps- og sjónvarps- framleiðslu, og úrslitið er einfalt betri og meiri gjøgn- umarbeiddar mentanar- sendingar, tí vit í felag gagnnýta alt okkara til- feingi meiri effektivt, sigur Christian S. Nissen. Hann heldur, at við felags sam- starvi á praktiska og tekn- iska økinum, samstundis sum øll vitan verður gagn- nýtt til fulnar, fær kundin borðreitt kvalitativari jour- nalistikk. Men tað er ikki bert á mentanarøkinum, at sam- starvið á DR er økt. Tíð- indaredaktiónirnar hjá út- varpi og sjónvarpi arbeiða í ein mun saman, hóast fram- leiðslurnar í løtuni fara fram í hvør sínum bygn- ingi. Nýggir bygningar standa í løtuni í gerð, og tá teir eru lidnir um hálvt ann- að ár, verða tíðindaredakti- ónirnar eisini undir sama taki. - T.d. hava vit í løtuni fel- ags research umhvørvi og felags arkiv á tíðindaøki- num, og um vit hava stór- tíðindi at bera í sjónvarps- tíðindunum, fær útvarpið eisini somu tíðindini og fer mangan í luftina við teim- um áðrenn sjónvarpið, sig- ur Christan S. Nissen. Júst á hesum øki íkemur ein viðkomandi spurningur fyri loftmiðlaleiðsluna og politiska myndugleikan í Føroyum, nevniliga kapp- ingin og tíðindafjølbroyt- nið. Aðalstjórin ásannar, at økt samstarv millum út- varps- og sjónvarpsfólk skerjir kappingina og skað- ar fjølbroytnið, men hin- vegin er vinningurin við øktum samstarvi kanska størri, enn missturin er. - Tað týdningarmiklasta og mest avgerandi er fak- liga góðskan á vøruni, sum kundin fær. Hóast vit ikki hava sama fjølbroytnið við økta samstarvinum á redak- tiónunum, eru sendingarnar betri, meiri gjøgnum- arbeiddar, meiri upplýsandi og meiri avdúkandi, og hó- ast kostnaðurin er meiri einstáttaður tíðindaflutn- ingur, er betri journalistkk- ur ein sigur fyri fólkaræðið, sigur Christian S. Nissen. Men aðalstjórin leggur dent á, at kapping eisini kann varðveitast, hóast út- varp og sjónvarp verða framleidd í sama bygningi og sama stovni. - Vit vilja varðveita tvær sjálvstøðugar tíðindaredak- tiónir, eisini undir sama taki um hálvt annað ár, og hesar skulu sjálvsagt kapp- ast. Men tá vit meta, at kundin fær ágóðan og betri góðsku við samstarvi fram- um kapping, samstarva vit heldur, sigur Nissen. Hann undirstrikar, at kapping er neyðug, men at talan skal vera um eina javnvág. Journalistikkurin kundi sambært Nissen mangan verið betri, um man ikki stardi seg blindan í kapping og í staðin dugdi betri at samarbeiða. Føroyskt samstarv Aðalstjórin á DR ynskir ikki at sita niðri í Keyp- mannahavn og kommentera føroysk viðurskifti, men hann veit, at bæði sjónvarp og útvarp arbeiða undir sera trongum fíggjarkarm- um í Føroyum, og tí ímynd- ar hann sær, at felags arb- eiði og økt samstarv kann betra um loftmiðlagóðsk- una og harvið vera gagnligt fyri føroyingar. - Talan verður sjálvsagt ikki um somu kapping eftir 1. januar í Føroyum, men hinvegin kann journalist- ikkurin gerast betri, og tá er kundin - fólkið - stóri vinn- arin. Vinningurin við sam- starvi kann á henda hátt vera størri enn tapið, og tað kann gerast ein sigur fyri tykkara land, sigur aðal- stjórin, hóast hann er tilvit- aður um, at eingir aðrir veruligir kappingarneytar eru á føroyska loftmiðla- økinum. Málið skal sjálvsagt vera, at framleiðslan borgar fyri bæði góðsku og fjølbroytni, men tá fíggjarliga rásarúmi ikki ger hetta gjørligt, má raðfestast og veljast. - BBC kann saktans seta 400 fólk av til nakrar náttúrusendingar, har góðskan er í topp. Sam- stundis hava teir orku og tilfeingi til eina ørgrynnu av øðrum tilfari. Vit hava ikki hesar møguleikar í Danmark, og tit hava teir enn minni í Føroyum. Tí má man í hvørjum føri vur- dera, hvat tænir fólkinum, og tá hava mínar royndir verið, at økt samstarv elvir til betri góðsku, og júst hetta - vøran til kundan - er tað týdningarmiklasta, sig- ur Nissen. Nógv kann sparast Eitt høvuðsargument at leggja saman hevur verið umsitingarligar sparingar. Spurdur, hvussu nógvan pening hann ímyndar sær, føroyingar kunnu vinna við eini samanlegging, sigur Nissen, at hann enn eina- ferð ikki kennir nóg væl føroysk viðurskifti at svara hesum. Men aðalstjórin hevur tó eina meting. - Mínar royndir siga mær, at nógv kann sparast við samanleggingum. Møgu- leikarnir gerast betri at gagnnýta tilfeingi til fulnar, og orkan kann koordinerast effektivari. Vit á DR høvdu stórt sæð sama budget fyri tíggju árum síðani, sum vit hava í dag, og vit framleiða tvífalt so nógv tilfar. Hetta sigur eitt sindur um, at bæði meiri og betri tilfar kann fáast til vega, um nøk- ur felags tøk verða tikin, sigur aðalstjórin á Danmark Radio at enda. DR-stjórin um ÚF/SVF: Samstarv betrar um góðskuna - Við samanleggingum økjast møguleikarnir at gagnnýta tilfeingi til fulnar, og orkan kann koordinerast effektivari. Vit á DR høvdu stórt sæð sama budget fyri tíggju árum síðani, sum vit hava í dag, og vit framleiða tvífalt so nógv tilfar. Hetta sigur eitt sindur um, at bæði meiri og betri tilfar kann fáast til vega, um nøkur felags tøk verða tikin, sigur aðalstjórin á Danmark Radio, Christian S. Nissen Mynd: Jan Müller