mánadagur 14. desember 2015síða 63

VIKA 51 • 14. DESEMBER 2015 39 ÓKEYPIS LÝSINGARBLAÐ TEMA Eysturoy Vilmund Jacobsen S amlaði fíggjarkarmurin hjá Sunda kommunu við einum skatta­pro­ senti á 21,5, barnafrádrátti á 5.000 krónur fyri hvørt barnið og óbroyttum brúkaragjøldum er á til­ samans 86,9 miljónir krónur. Av hes­um er eldraøkið 14,6 miljónir og barna­verndarsamstarvið 4,8 miljónir krón­ur. Eftir kommunala rakstrinum á 48,4 miljónir eru 17,9 miljónir eftir at ráa yvir. Sunda kommuna hevur samtykt at seta 11,1 miljónir av til íløgur, 1,8 til ábøt­ur og 6,3 miljónir krónur til av­ dráttir. Av íløgunum og ábótum eru settar av: 4,9 miljónir (spillivatnskipan í Hval­vík, Haldórsvík, Hósvík og Tjørnu­ vík), 3 miljónir (nýtt reinsiverk til vatn­ veit­ing­ina við Norðskála, á Oyrar­bakka og á Oyri), 2,7 miljónir (vegir, gongu­ teigar og brúgvar), 0,8 miljónir (havnir, bátahyljar og lendingar), 0,6 miljónir (ítróttarøkið, sparkivøllir og kamp­ ingøkið), 0,6 miljónir (umhvørvistiltøk og bilur) og 0,3 miljónir (kirkjugarðar). Góð gongd Heðin Zachariasen, borgarstjóri í Sunda kommunu, sigur, at kommunan er í einari góðari fíggjarliga og í aðrar mátar mennandi gongd. Skattainn­ tøkurnar í ár hava verið væl hægri enn mett, og kommunan hevur gjørt nógvar íløgur í 2015 yvir raksturin. – Vit hava keypt Felagsskúlan fyri 12,5 miljónir krónur, og vit hava brúkt nógv meira pening til kloakkir enn ætlað, men alt hetta er eisini fíggjað yvir raksturin í árinum og uttan lántøku. Haraftrat hava vit goldið nógv niður á skuld, tó at skuldin hjá komm­ununi bert er umleið 18 miljónir krón­ur. Heðin Zachariasen sigur, at tann stóra verkætlanin hjá Sunda komm­ unu, sum nú liggur fyri framman, er nýggi skúladepilin. – Vit ætla at fíggja íløguna í skúl­ an við lántøku yvir eini 10 ár, men annars eru allar aðrar íløgur fyri 2016 fíggjaðar yvir raksturin, eins og gjørt hevur verið í ár. Framtíðarskúli Borgarstjórin vísir á, at enn liggur skúla­depilin ikki í føstum kørmum, tí fyrst skulu tekningarnar gerast. – Vit fara nú at seta ein arbeiðsbólk at arbeiða við, hvørjir karmarnir í skúla­deplinum skulu verða. Hetta verð­ur ein framtíðarskúli, har verandi skúla­bygningar á Oyrarbakka ganga inn sum partur av nýggja deplinum. Vit skulu eisini hava eina ítróttarhøll knýtta at skúladeplinum. Hann vísir á, at Felagsskúlin á Oyrar­bakka varð høvuðsumvældur fyri nøkrum árum síðan fyri 23 mil­ jón­ir krónur, so hann er í besta standi. Haraftrat hevur kommunan Norð­ skála/ Oyrar skúla, sum eisini verður part­ur av skúladeplinum. – Vit fara at byggja saman, og vit fara at byggja aftrat, og eingin ivi skal vera um, at vit fáa ein góðan fram­ tíðarskúla her í økinum til næmingar heilt úr 1.flokki og upp í 10. flokk. Bestu umstøður Heðin Zachariasen væntar, at samlaða íløgan í skúladepilin fer at liggja um einar 60-65 miljónir krónur. – Hetta verður ein depil við øll­um skúla-og hallarfasilitetum, góð­um ferðsluviðurskiftum og par­kerings­ møgu­leikum, bæði fyri næmingar, lær­arar og onnur, sum koma at brúka depil­in. Borgarstjórin er onga løtu í iva um, at nýggi skúladepilin fer at geva kommunu og tess borgarum nógv betri møguleikar, enn teir, sum eru í dag – fyrst og fremst við sjálvum skúl­anum, men so sanniliga eisini við teimum møguleikum, sum eitt nú ítrótt­ar­høllin og nýggja bókasavnið fara at hava, bæði til gamans og álv­ ara, frítíð og mentan. Skúladepilin verður framtíðin – Vit fara nú at seta ein arbeiðsbólk at arbeiða við, hvørjir karmarnir í skúladeplinum skulu verða, sigur Heðin Zachariasen, borgarstjóri í Sunda kommunu – Vit fara at seta ein arbeiðsbólk at arbeiða við, hvussu skúladepilin skal síggja út, men ikki minst, hvørjir karmarnir skulu verða, sigur Heðin Zachariasen, borgarstjóri í Sunda kommunu Við tøkk fyri gott samstarv í brátt farna ári ynskja vit í Sunda kommunu eini gleðilig jól og gott nýggjár Sunda Kommuna - Oyrarbakkavegur 3 · Postbox 10 · 400 Oyrarbakki · telefon 667271 - sunda@sunda.fo – www.sunda.fo