mánadagur 21. desember 2015síða 54

6 ÓKEYPIS LÝSINGARBLAÐ VIKA 52 • 21. DESEMBER 2015 Fyrireika og tak lut í eini setanarsamrøðu Fyrireika og tak lut í eini setanarsamrøðu, sum tú ert nøgd/ur við. Her fært tú vegleiðing um, hvussu tú kanst fyrireika teg til eina setanarsamrøðu, sum tú ert boðin til. Minst til, at tá ið tú verður boðin til setanarsamrøðu, metir arbeiðsgevarin, at tú fyribils ert skikkað/ur til starvið! Fyrireikingar til setanarsamrøðuna Útvega tær góðan kunnleika til fyri­ tøkuna, tað vil siga, hygg á heima­síð­ una hjá fyritøkuni, tosa við onkran, sum tú kennir í fyritøkuni ella sum starv­ast á hasum økinum ella ring til fyri­tøkuna fyri at fáa fleiri upplýsingar. Les starvslýsingina, umsóknina og CV-ið umaftur, áðrenn tú fert til setanarsamrøðu Hugsa væl um, hví tú vilt hava starvið, og hví arbeiðsgevarin eigur at velja teg. Hvussu ætlar tú at greiða frá um teg sjálva/n? Spyr teg sjálvan, hvørjar spurningar tú kanst fáa undir setanar­samrøðuni. Hvat svarar tú, um tú verður spurd, hvønn mun tú kanst gera í fyritøkuni? Á hvørjum økjum ert tú sterk/ur, og á hvørjum økjum ert tú veik/ur? Tá tú skalt til setanarsamrøðu er tað eitt gott hugsko at hava okkurt at skriva á, títt lívsrensl, umsókninga, prógv og aðrar váttanir. Verð so ílatin, at tú kennir teg væl undir samrøðuni. Møt rættstundis. Minst til, hvar set­ anar­samrøðan fer fram og hvør tín kon­takt­persónur er. Minst til, eitt fast lógva­tak og eygnasamband er altíð jaligt. Soleiðis kann ein setanar­ samrøða fara fram: Millum tveir og fimm persónar luttaka – hesi hava sum oftast ymiskar leik­ lutir í fyritøkuni. Arbeiðsgevarin byrjar við at greiða frá um fyritøkuna og um leysa starvið. Síðani sigur tú frá um teg sjálva/n, og arbeiðsgevarin spyr teg spurningar. Niðanfyri sært tú nakrar av teimum spurningum, ið van­ligir eru at seta til eina setanar­ sam­røðu. Tú kanst fáa aðrar spurn­ ingar, og tað er heldur ikki vist, at tú fært allar hesar spurningarnar. Undan setanar­samrøðuni eigur tú at hugsa um, hvussu tú svarar hesum spurning­ um. • Hví søkti tú hetta starvið? • Hvørjum hevur tú arbeitt við fyrr? • Hví helt tú uppat í tínum fyrr­ verandi arbeiði? • Hvørja styrki hevur tú í eini arbeiðs­støðu? • Hvat gjørdi tú tað tíðarskeiðið, tá ið hol er í CV-num? • Verður tú lættliga strongd/ur? Hvat heldur tú um at arbeiða undir tíðartrýsti? • Dámar tær at hava sama slag av arbeiðsuppgávum alla tíðina, ella vilt tú, at arbeiðsuppgávurnar broytast? • Hvørjum slagi av arbeiðs­upp­ gávum trívist tú best við? • Hvørjum slagi av arbeiðs­upp­ gávum trívist tú ringast við? • Hvat er tað mest jaliga og tað mest neiliga, tú hevur at siga um teg sjálva/n? • Hvat dámar tær betur – at arbeiða sjálv/ur ella í toymi? • Hví skulu vit velja júst teg til hetta starvið? • Hvussu megnar tú at gera mun í hesum starvinum? • Hvørjum heldur tú, at tú arbeiðir við um fimm ár? • Fortel um familjuna (hjúnastøðu) • Onkuntíð verður tú spurd/ur, um tú vilt taka eina persónlig­heits­ roynd. Um tað eru upplýsingar, sum tú framm­an­undan ikki hevur fingið greiðu á, ber til at spyrja um hetta til setanar­samrøðuna. Ein setanar­sam­ røða varir vanliga millum 45 og 90 min­uttir og summir arbeiðsgevarar hava sam­røðu við umsøkjarar í bólk­ um. Tá ið setanarsamrøðan er liðug er tað eitt gott hugskot at senda ein t-post fyri at takka fyri eina góða setanar­samrøðu. Tú kanst ringja eftir uml. 14 døgum, um tú einki hevur hoyrt frá arbeiðsgevaranum. Fell ikki í fátt, um tú ikki fekst starvið. Gloym ikki, at tá ið tú verður boðin til setanarsamrøðu, heldur ar­ beiðs­gevarin, at tú hevur neyðugu før­leikarnar til starvið. Tað er ein góð venjing at sleppa til setanarsamrøðu. Arbeiðs­gevarin kann hava fingið eina jaliga og góða fatan av tær, hóast tú ikki fekst starvið. Kelda: als.fo Modellmynd