mánadagur 28. desember 2015síða 12

Mánadagur 29. desember 2015 · Nr. 149 12 Sosialurin Hugskot og viðmerkingar – send sms til 225000 – Sjálvandi hugsa vit um smittuvanda, tá vit hava trupulleikar við laksalús, men eg haldi, at kunngerðin, sum Heilsufrøðiliga Starvsstovan gongur eftir, tekur ov lítið hædd fyri veruligu umstøðunum, sigur dagligi leiðarin á Faroe Farming í Suðuroy, Egil Steintórsson FAROE FARMING MISSIR FYRI 25-30 MILJÓNIR Í LAKSI LAKSALÚS Vilmund Jacobsen Heldur ikki hjá føroysku laksa­vinnuni veksa trøini inn í himmalin, sum líkt er til, at onkur kanska heldur. Laksalús hevur verið og er ein plága í nógvum ali­ brúkum kring landið. Hjá Faroe Farming í Suðuroy hava tey eisini verið og eru framvegis plágað av laksalús, tó at nógv tann størsti parturin av fiskinum hjá felagnum er uttan ska­ vank av lúsini. Faroe Farming hevur í løt­uni aling á fýra støðum í Suðuroy - á Vágsfirði, Loprans­firði, Hovs­firði og út fyri Froð­biar­landinum. Egil Steintórsson, dag­ ligur leiðari hjá Faroe Farm­ ing, sigur, at í vár misti fe­lag­ ið nógvan pening í alingini á Hovsfirði. Seinni hevur laks­urin eisini verið nógv plágaður av lús á Vágsfirði og Lopransfirði, har bara ein aliringur nú er eftir, sum verður tømdur millum jól og nýggjár. – Orsøkin til mista laksa­ virði er ein kunngerð um laksa­lús sum ásetir, nær fisk­ ur, sum er fongdur við lús, skal takast. Tað er so stórur prísmunur á laksi, sum er 5 kilo og størri - og so laksi, sum vigar minni enn 5 kilo. Tað er her, at stóri missurin liggur, tá krøv koma um at taka laksin vegn lús. Dagligi leiðarin hjá Faroe Farming metir, at felagið í ár hevur mist fyri einar 25-30 miljónir krónur í laksavirði. Tekur eingi atlit Egil Steintórsson vísir á, at laksur, sum er fongdur við lús, í allar mátar er manna­ føði, men hann ásannar, at smittuvandi er, tá lúsatalið gerst ov stórt. – Hinvegin haldi er per­ són­liga, at Heilsufrøðiliga Starvs­stovan átti at tikið nøkur fyrivarni og atlit - alt eftir, hvar alingin fer fram, tí tað er serliga, tá onnur ali­brúk liggja tætt uppat, at vandi er fyri smittu. Hann heldur ikki, at Heilsu­frøðiliga Starvsstovan í hesum føri hevur víst nak­ að serligt forstáilsi, men burt­ur av hevur sett síni krøv við kunngerðini um laksa­lús í hondini. – Henda kunngerð er helst gjørd, meðan lúsaplágan var lítil og eingin, og nú fleiri alibrúk dragast við lús - ikki bara her hjá okkum, men so sanniliga eisini norðanfyri - er missurin av ov tíðliga tiknum laksi ómetaliga stórur, sigur hann. Nógv skal takast Krøvini hjá Heilsufrøðiligu Starvsstovuni til Faroe Farming í løtuni eru, at fe­ lagið tekur 320 tons av laksi um vikuna, men tøkuorkan er bara 50 tons um dagin. – Vit missa eisini dagar vegna veður og vind, og tí megna vit ikki at taka tær nøgdir, sum okkum er álagt. Leiðarin sigur, at ætlandi koma tveir brunnbátar hjá Bakkafrosti suður millum jóla og nýggjárs at taka eini 1000 tons av laksi. – Meginparturin av hes­ um fiski er niðan fyri 5 kilo, og tí er hetta ein ovurhonds stórur missur fyri felagið. Egil Steintórsson ásannar, at sjálvandi er smittuvandi á ferð, tá laksalús er í ali­ brúkinum, men soleiðis, sum lúsaplágan hevur verið í ár, ger kunngerðin, sum Heilsu­frøðiliga Starvsstovan heldur seg til, tað eftir hans­ ara tykki nógv truplari enn neyðugt, samstundis sum virðis­missurin er øgiligur. – Eg haldi, at Heilsufrøðiliga Starvsstovan átti at tikið nøkur fyrivarni og atlit - alt eftir, hvar alingin fer fram, tí tað er serliga, tá onnur alibrúk liggja tætt uppat, at vandi er fyri útbreiðslu av smittu, sigur Egil Steintórsson, leiðari hjá Faroe Farming í Suðuroy Millum jól og nýggjár koma tveir brunnbátar hjá Bakkafrosti eftir umleið 1000 tonsum av laksi hjá Faroe Farming