mánadagur 28. desember 2015síða 13

13 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 29. desember 2015 · Nr. 149 NØVN So fór Nikos eftir drúgvan bardaga við álvarsama sjúku, og vit ynskja, at hann má hvíla í friði. Tað var í 1994-95 at okkara vegir skaraðust, tá tað litríka húskið Kapnas-Westerlund kom eitt roynd­arár til Føroya úr Belgia, har Nikos sat sum solobratsjistur í flamlendska útvarps- og sjón­ varps­orkestrinum í Brússel. Teim­ um dámdu væl í Føroyum, og eftir at vera loystur úr starvinum í Brússel, gjørdu tey í 1998 av at flyta við teimum trimum børnunum til Føroya at vera. Hedvig var úr Finnlandi og tos­ aði svenskt við børnini, sum skiltu heili 4 mál og síðani fingu føroyskt og danskt aftrat. Nikos var føddur í Tashkent í 1962, á háslættanum í Uzbekistan. Pápin var grikki og mamman russ­ isk, og tú varnaðist beinanvegin, at Nikos kom úr einum fyri okkum eksotiskum umhvørvi, har fólk mussaðust tríggjar ferðir á kjálkan, tá ið tey møttust. Tá eg spurdi, um hetta hevði nakran serligan týdn­ ing, svaraði Nikos: Gud faðir, Guds sonur og Guds heilagi andi. Nikos vaks upp í gamla Sovjett­ samveldinum undir kalda krígnum, og hann hevði lítið gott at bera hesum risaveldi. Men ikki skarst burt­ur, at í viðføri hevði hann kult­ urin hjá tveimum orientalskum ríkj­um: Russlandi og Grikkalandi. Longu sum smádrongur í Tash­ kent sýndi Nikos frámúr musikk­ gávur, og her í Uzbekistan legðist grund­arlagið undir hansara violin­spæli. Tá hann var umleið 14 ára gamal flutti øll familjan til Grikkalands at búgva, og har kom hann beinanvegin inn á kon­ servatorii í Thessaloniki sum næm­ ingur hjá Cosmas Galileas. Seinri tók professarin Jerry Rubinstein yvir og leiddi hann víðari og inn í symfoniorkestur har. Familjan hevði tað smátt, og tí arbeiddi Nikos á náttklubba fyri at yvirliva. Ungi drongurin hevði sera gott handalag til alt hondverk. Hann bygdi sína egnu bratsj, hann tók seinri hægri prógv í Antwerpen, og ein vinmaður fekk hann at læra til luthier, (ljóðføristeknikara). Komin til Føroya fór hann at undirvísa í violinspæli á Musikk­ skúlanum, men í frítíðini dámdi honum væl at vera á floti, at kryvja fongin og skera flak. Eftir nøkur ár fór hann undir tað stóra takið at smíða síni egnu dreymahús á Velbastað. Nakað dusinmenniskja var Nikos ikki. Hann fylti nógv, og tað suðurlendska temperamentið for­noktaði seg ikki. Nógv hevði hann at geva sínum næmingum, og altíð var hann fúsur at spæla til øll møgulig høvi. Hann stovn­ aði Biedermeier-Trio saman við starvsfeløgum, spældi strúki­kvar­ tett og kamartónleik, symfoniskan tón­leik, spældi í samkomum og kirkjum og var uppi í øllum handa kórkonsertum. Fyrrárið fór hann til Danmarkar at læra seg professio­ nella klaverstemming. Móti manni mínum, Kanny, var hann trúgvur sum trøllið. Undir lang­ari sjúrkalegu kom hann at ugga og mata sjúklingin við jørð­ berum og víndrúum, og tá ið hoyrnin hjá Kanny eisini fór at bila, kom Nikos niðan sunnumorgnar at spæla duett saman við honum. Tann fíni og ótrúligi klangur, hann fekk fram á sjálvt miðal­góð­ um instrumentum, fær meg at halda, at Føroyar hava mist nakað stórt og sjáldsamt við Nikosi. Nú ið hann stendur undir børu jóladagarnar, renna farnir stutt­ ligir jóladagar mær í huga. Í fleiri ár komu hann og Hedvig jóla­aftan niðan við góðum víni og ný­bak­ aðum svenskum »jólakransi«, sum angaði av safran og kaneli, og tá børn teirra vóru smá, fekk Kanny upp­gávuna at vera jólamaður. Nikos kom niðan við klæðum og skeggi og læt hann í. Børnini lótu seg kortini ikki lumpa, men søgdu, at jólamaðurin var danskari, og at tey vistu hvør tað var. Vit gjørdust eitt slag av abba og ommu hjá teimum, nú ið tey búðu so fjart frá sínum egna fólki. Nú eru nógv ár farin. Tey fjøl­ gáv­aðu børnini eru vaksin, og Kapnas-Westerlundfamiljan hevur fót­að sær og fingið eitt føroyskt net­verk og føroysk vinarløg. Góða Hedvig og børn. Nógv dýr minni eiga tit og vit um mann og pápa tykkara. Farvæl Nikos. Tú fært tríggjar kinnkossar frá mær. Jesus fylgi tær. Oddvør Johansen Nikolaos Kapnas til minnis 90 ára føðingardagur 1. januar fyllir Margret Fjørðoy 90 ár. Tey, ið ynskja at halda dagin saman við henni, eru vælkomin til Majly og Rasmus, Kálvalíðvegur 31 í Miðvági frá kl. 17. 80 ára føðingardagur Tann 18. januar fylli eg 80 ár. Dagurin verður hildin í kjallaranum wwwí Fríðrikskirkjuni tann 16 januar, frá kl. 17:00. Tey, ið ynskja at halda dagin saman við mær, verða vinarliga biðin um at siga frá á tlf. 288105 ella 229202, innan mánadagin 11. januar Anna Saltá, Saltnes Krúndiamantbrúdleyp 9. desember høvdu hjúnini Hilda og Allon Næs, Hvalba verið gift í 65 ár, dagurin verður hildin í Royn­høllini 28. desembur mill­um kl. 14.00 og 18.00, øll eru hjarta­liga vælkomin at heilsa uppá krún­diamant­brúðar­ parið. Diamantbrúdleyp 30. desember hava hjúnini Sonja og John Mikkelsen diamantbrúdleyp. Í tí sambandi eru opið hús 11-14 í Eldraheimi Heima við Vánna, Særvargøta 1, Klaksvík. Gullbrúdleyp Týsdagin 29. desember 2015 hava Hildigarð og Sigurð Simonsen, Sandur, verið gift í 50 ár. Dagurin verður hildin í Virkinum á Sandi frá klokkan 18. Tað hevði glett okkum, um familja, vinir og kenningar komu at hátíðarhalda dagin saman við okkum. Øll eru hjartaliga væl­ kom­in. Vinarliga Hildigarð og Sigurð Brúdleyp Mikudagin 30. desember giftast Annika Steintórsdóttir Biskopstø, Klaksvík, og Heri Schwartz Jacobsen, Norðragøta. Vígslan verður í gomlu kirkjuni í Gøtu kl 13.00 og veitslan verður hildin fyri innbodnum í Skálanum, í Klaksvík, kl 18.00. Brúdleyp Leygardagin 2. januar giftast Eleonora Kerá, Hellurnar, og John Eliassen, Fuglafjørður, í Fugla­fjarð­ ar kirkju kl.13:00. Veitsl­an verður fyri innbodnum í bygdarhúsinum í Leirvík. 75 ára føðingardagur Í sambandi við at Johan í Smiðjuni fyllir 75 ár 16. januar, vil hann bjóða í føðingardag í Vesturhøll í Fámjin 16. januar frá kl 18. Tey, ið vilja halda dagin saman við honum, verða vinarliga biðin at boða frá innan 5. januar á tlf. 371359 ella 210359 Gullbrúdleyp Mikudagin 30. desember hava Jona og Jónsvein Mikkelsen, Toftir, gullbrúdleyp. Vælkomst verður í kjallaranum í Fríðriks­kirkjuni frá kl. 14 til 18. Øll eru hjartaliga vælkomin.