týsdagur 29. desember 2015síða 12

Mikudagur 30. desember 2015 · Nr. 150 12 Sosialurin Hugskot og viðmerkingar – send sms til 225000 – Tað er eingin loyna, at nevndin í Fiskimannafelagnum var ikki samd um, hvussu langt vit skuldu fara í stríðnum við nótaskipini. Ein partur av nevndini var til reiðar at taka eitt verkfall um neyðugt. Meirilutin helt tó, at vandin fyri at missa alt tað, sum vit hóast alt høvdu vunnið inn aftur fyri restina av heimaflotanum, var ov stórur, sigur Jan Højgaard NÓTASKIPINI ERU HVØRKI AT HØGGA ELLA STINGA Í LANDSFUNDUR Vilmund Jacobsen Føroya Fiskimannafelag helt landsfund í gjár, týsdagin 29. desember. Fundurin varð hildin í hølum Føroya Ar­ beiðarafelags í Tjarnadeild í Havn, og beint áðrenn fund­ urin varð settur, var væl av fólki møtt. Landsfundurin er ikki opin fyri fjølmiðlunum, men Sosialurin var inni á gólv­ inum og tók nakrar myndir, áðrenn fundurin byrjaði. Vit fingu eitt eintak av ársfrágreiðingini fyri árið ið fer, og fara á hesum báð­um síðunum - saman við mynd­ um tiknum á lands­fund­inum - at hyggja niður í árs­frá­ greið­ingina. Gongur rætta vegin Jan Højgaard, felagsfor­mað­ ur, sigur í ársfrágreiðingini, at gongdin í fiskiskapinum er á rættari leið. Skipini hava sum heild havt betri fiski­skap í 2015 enn seinastu árini annars. Tøl, sum lýsa gongdina, eru eisini viðløgd ársfrágreiðingina. – Á fleiri økjum tóku vit nøkur fet rætta vegin, tá nýggjur sáttmáli varð undir­ skrivaður hin 27. mai í ár. Av røttum skuldi sáttmálin verið fingin í hús longu 1. januar, tá gamli sáttmálin gekk út, men vegna millumlanda fiski­ vinnu­samráðingar vórðu sátt­málasamráðingarnar fyri útsettar og drógu síðan eis­ini nakað út. Mótvegis hinum mann­ ingar­feløgunum segði Fiski­ manna­felagið nei til at leingja gildistíðina á gamla sátt­mál­an­um. – Sostatt fingu allar broyt­ingarnar í okkara sátt­ mála gildi frá 1. januar 2015 at rokna, men sáttmálin hjá hinum báðum feløgnum fekk gildi 1. juli. Í ársfrágreiðingini sigur formaðurin, at tað eitt nú eydnaðist felagnum at fáa býtisprosentið hjá botn­ fiska­trolarunum aftur á støðið fyri 2011, nevniliga 27 prosent fyri bæði partrolarar og lemmatrolarar. Haraftrat fór sáttmálaásetta býtis­pro­ sentið hjá manningunum við frystilínuskipunum úr 37 upp í 40 prosent. – Fastmynstraðir menn fáa eisini eitt ískoyti á 1500 krónur um árið til olju-og arbeiðsklæði, línugjaldið er strikað, og dagískoytið hjá kokkinum er hækkað úr 50 krónum upp í 75 krónur. Lagt verður aftrat, at skipsarbeiði nú verður lønt við handverkaraløn og sam­ svar­andi yvirtíðarløn. Jan Højgaard vísir á, at inn­tøkutapstryggingin er betrað, soleiðis at hon tekur við frá 8. degi - sama, hvussu leingi skipið er úr vinnu vegna brek. Áður var tað soleiðis, at skipið í minsta lagi skuldi vera 14 dagar úr vinnu. – Setanartreytir fyri av­ loy­s­arar eru betraðar, og endi­liga er nú 2. jóladagur eisini sáttmálatryggjaður frí­dagur hjá heimaflotanum. Formaðurin staðfestir, at hóast 2. jóladagur er frí­ dagur, eru brot longu á jólum í ár framt á hesa reglu. – Ikki færri enn fimm skip brutu sáttmálan og loystu 2. jóladag í ár. Eitt skip vendi tó við og kom inn aftur beinanvegin - uttan at hava kastað. Vit hava longu gjørt Føroya Reiðarafelag vart við hesi brot og hava stevnt felagnum inn fyri Fasta Gerð­ar­rættin fyri at fáa stað­ fest hesi sáttmálabrot. Vilja ikki flyta seg Í sínari ársfrágreiðing stað­ festir felagsformaðurin, at nótaskipini er tann skipa­ bólkur, ið er nógv best fyri og hevur bestu ráðini. – Kortini eydnaðist okk­ um ikki at fáa reiðararnar í tí bólkinum at flyta seg ein millimetur á nøkrum øki. Teir vóru hvørki at høgga ella stinga í. Teirra einasta argument er, at menninir við nótaskipunum tjena so væl, at teir hava ikki uppiborið lønarhækking. Jan Højgaard vísir á, at snild­isliga gloyma nóta­ skipa­reiðarar, at teirra fe­løg hava havt risastóra vinn­ ings­framgongd og tjena ørandi upphæddir. Teir gloyma eisini, sigur for­mað­ urin, at teirra til­veru­grund­ ar­lag í fyrsta lagi skyld­ast vælvild hjá mann­ing­unum, sum í sínari tíð, tá hesin veiðibólkur var í kreppu, sjál≠vbodnir fóru langt niður í hýru - við tí greiða lyfti, at hýruprosentið skuldi uppaftur, tá tíðirnar gjørd­ ust betri. – Tað er eingin loyna, at nevndin í Fiski­manna­fe­ lag­num var ikki samd um, hvussu langt vit skuldu fara í stríðnum við nótaskipini. Ein partur av nevndini var til reiðar at taka eitt verkfall um neyðugt. Meirilutin helt tó, at vandin fyri at missa alt tað, sum vit hóast alt høvdu vunnið inn aftur fyri restina av heimaflotanum, var ov stórur, um vit slitu sa­m­ráð­ ingarnar upp á ósemjuna við nótaskipini. Tískil varð semja gjørd í endanum av mai mánaði. Nútímansgera sáttmálan Jan Højgaard sigur, at ein týðandi partur av semjuni millum Fiskimannafelagið og Reiðarafelagið er at seta ein bólk at arbeiða við at nútímansgera allan sátt­ málan. – Talan er um stórarbeiði, sum eg als ikki dugi at meta um, hvussu langa tíð tað fer at taka. Men, eg vænti neyvan, at eitt til­mæli um ein heilt nýggjan sátt­mála­ bygnað kann verða klárt hjá øllum pørtum at taka und­ir við longu, tá verandi sátt­m­ ála­skeið er úti. Tí eru eisini nógv viðurskifti - bæði sátt­ mála­viður­skifti og lógar­ tryggjað rætt­indi - sum vit síðu­leyp­andi skulu arbeiða hart fyri at fáa á eitt nøkt­ andi støði og sum ikki bara kunnu bíða eftir einum heilt nýggjum sáttmálabygnað. Felagsformaðurin sigur, at fyri hansara viðkomandi hevur tað høga raðfesting at loysa manningarnar frá øll­ um rakstrarútreiðslum hjá reiðaríunum, og hann ætlar sær at leggja stóra orku í hetta. – Vit eiga eisini at leggja nógva orku í at fáa minstu­ lønina upp og betra um trygg­ingarnar hjá fiski­monn­ um, sigur Jan Højgaard. Jan Højgaard, felagsformaður. Myndin er tikin í hølum Føroya Arbeiðarafelags í gjár, 29. desember, tá landsfundurin í Føroya Fiskimannafelag varð settur Myndir: Álvur Haraldsen Ein týðandi partur av sáttmálasemjuni er at seta ein bólk at arbeiða við at nútímansgera allan sáttmálan. – Eg dugi als ikki at meta um, hvussu langa tíð hetta arbeiði fer at taka, sigur Jan Højgaard