týsdagur 5. januar 2016síða 6

Mikudagur 6. januar 2016 · Nr. 2 6 Sosialurin Hugskot og viðmerkingar – send sms til 225000 Nú hevur landsstýrið sett á arbeiðið at fáa eina endaliga loysn á áganginum hjá Sea Shepherd NÚ SKAL ENDALIG BILBUGT FÁAST VIÐ SEA SHEPHERD STEÐGA ÁGANGI Áki Bertholdsen – Vit skulu hava endaliga bilbukt við áganginum hjá umhvørvisfelagsskapinum, Sea Shepherd, ímóti grinda­ dráp­inum í Føroyum. Tað staðfestir Poul Mich­ el­sen, landsstýrismaður í utt­ anríkisviðurskiftum. Spurningurin um, hvussu ágangurin hjá Sea Shepherd ímóti okkum kann basast, hev­ur verið afturvendandi til umrøðu í politisku skip­ an­ini, og nú hevur spurn­ing­ urin eisini verið til viðgerar á landsstýrisfundi. Trupulleikin er í tveimum. Annar parturin er sjálv grindalógin, har tað hevur elvt til øsing, at tey, sum síggja eina grind, men ikki boða frá henni, fáa 25.000 krón­ur í bót. Tað er eitt mál, Høgni Hoydal umsitur í lands­ stýr­inum, og nú fer hann at leggja uppskot fyri Løgtingið um at avtaka revsingina. Kanna møguleikarnar Men tann spurningurin, sum er nógv meiri umfatandi, er, hvussu vit forða fyri, at Sea Shepherd sleppur at gera seg inn á okkum, yvirhøvur. Tað er ein torgreiddur spurn­ingur, tí har eru bæði okk­a­ra egnu lógir, og altjóða lógir og sáttmálar, at hugsa um. Men Poul Michelsen sig­ ur, at arbeitt verður á øllum mótum, tí tað er eingin ivi um, at ágangurin frá Sea Shep­herd á okkum, skal fáa ein enda, sigur hann. Hann sigur, at í løtuni verður útgreinað, hvørjar heim­ildir, vit hava, uttan at bróta okkara egnu lógir, og utt­an at bróta altjóða sátt­ málar. Tann útgreiningin verður skjótt liðug og so verður støða tikin til, hvat skal ger­ ast. – Men talan kann eisini verða um at leggja uppskot fyri Løgtingið fyri at útvega føroyskum myndugleikum víðari heimildir í hesum sam­ bandi, leggur lands­stýris­ mað­urin afturat. Hann sigur, at bíðað verð­ ur eisini eftir dóminum í Føroya Rætti seinni í mán­ að­inum, har fólk frá Sea Shepherd eru ákærd fyri at bróta grindalógina. Tað mál­ ið er sermerkt við tað, at tá sigldi skjóttgangandi bátur frá Sea Shepherd beint ígjøg­ num grindina og rýmdi und­ an løgregluni. Kort­ini varð hald lagt á bátin í Hetlandi nakað eftir tað. – Skuldi Sea Shepherd verðið fríkent, fyriliggur ein nýggj støða og tí kann úr­ slitið av tí dóminum eisini fáa týdning fyri, hvørj stig vit fara at taka, ella um neyð­ ugt verður at útvega okk­um fleiri heimildir, sigur lands­ stýrismaðurin. – Vit fara at gera tað, sum er neyðugt at gera, fyri at steðga áganginum, tí tey skulu ikki sleppa at týggja sær, sum tey vilja, leggur hann afturat. Strika skipini Poul Michelsen vísir eisini á, at skipini hjá Sea Shepherd eru skrásett í Niðurlondum. – Stjórnin í Niðurlondum má sostatt taka ábyrgd fyri, hvat skip ið teirra skipa­ skráseting verða brúkt til. Og verða tey brúkt til ólógligt virksemi, eigur stjórnin í Niðurlondum at taka stig til at steðga tí. – Tí fara føroyskir mynd­ ug­leikar nú at vísa mynd­ ug­leikunum í Niðurlondum á, at skip, sum eru skrásett hjá teimum, verða brúkt til ólógligt virksemi í Føroyum, so at tey fáa stegða teimum, ella so at tey fáa strika skip­ ini hjá Sea Shepherd úr teirra skipaskráseting. Poul Michelsen sigur, at tað er hent áður, at lond hava strikað skipini hjá Sea Shep­ herd út skrásetingini, tí tey hava verið brúkt til ólógligt virksemi. Annars hevur verið talan um at bannað skipum hjá Sea Shepherd at koma inn í føroyskt sjóøki yvirhøvur, og spurningurin um heimild er fyri tí, verður eisini kann­ aður í løtuni. Poul Michelsen sigur, at væntar, at framyvir verða tað í størri mun føroyskir mynd­ugleikar sjálvir, sum mugu verja okkum fyri Sea Shep­herd. Hann vísir á, at danska løgreglan er undir hørð­ um trýsti í løtuni, eitt nú í sam­bandi við flótta­fólka­ streymin til Danmarkar, og tí kunnu vit ikki vænta somu hjálp haðani, sum vit hava havt. Tað er eingin ivi um, at ágangurin frá Sea Shepherd á okkum, skal fáa ein enda, sigur Poul Michelsen, landsstýrismaður í uttanríkismálum