týsdagur 12. januar 2016síða 21

21 Mikudagur 13. januar 2016 · Nr. 5 Sosialurin Hugskot og viðmerkingar – send sms til 225000 Royndartíð við framhaldsdeild í Sankta Frans Næmingar í Sankta Frans skúla eiga at fáa møguleikan at taka 8. og 9. flokk í Sankta Frans skúla, meðan vit bíða eftir Skúlanum á Fløtum. Tað er eingin orsøk at senda næmingarnar út í spjadda gamla Kommunuskúlan Bogi Andreasen býráðslimur og limur í skúlastýrinum í Sankta Frans skúla Tað sømir seg best fyri Tórshavnar býráð at ganga foreldrum og næm- ≠ingum í Sankta Frans skúla á møti í spurninginum um framhaldsdeild i Sankta Frans. Eg mæli til, at býráðið sum eina roynd samtykkir at lata upp framhaldsdeild í Sankta Frans skúla í eitt avmarkað tíðarskeið, sum síðani kann eftirmetast. Skúlin hevur longu í høvuðsheitum hølir til at hýsa einari framhaldsdeild, og við bert smávegis broytingum ber til at fáa gongd á hetta, soleiðis at Sankta Frans kann bjóða næmingunum eina framhaldsdeild eftir summarfrítíðina. Ein stórur meirluti av foreldrum at næmingum í núverandi 7. flokki í Sankta Frans skúla ynskir, at næmingarnar sleppa at halda fram við 8. og 9. flokki í Sankta Frans, heldur enn at hesi næmingar eisini skulu í gamla Kommunuskúlan og Venjingarskúlan, sum í dag eitur Skúlin á Fløtum, og sum húsast í hølum kring allan býin. Hetta kom fram í einari spurnarkanning millum foreldrini, har 70 prosent av foreldrunum svaraðu, og har 98 prosent av teimum, sum svaraðu, tóku undir við framhaldsdeild í Sankta Frans. Siðvenja var, at næmingar í Sankta Frans fóru í framhaldsdeild í Kommunuskúlanum, men so leingi Skúlin á Fløtum ikki kann bjóða foreldrum og næmingum nøktandi hølisviðurskifti, er eingin orsøk eisini at senda næmingarnar í Sankta Frans í Skúlan á Fløtum. Talið av foreldrum, sum søkja um at fáa síni børn í Sankta Frans skúla, økist, og ein orsøk er helst, at Sankta Frans nú er einasti skúli í miðbýnum, sum harafturat hevur ein góðan forskúla. Eg mæli staðiliga til, at vit í hesum máli lurta eftir foreldrum og næmingum, tí umstøðurnar at stovna framhaldsdeild í Sankta Frans eru eins væl til staðar í góða gamla Nonnuskúlanum sum í spjadda Skúlanum á Fløtum. KJAK Sunnur og heilsugóður matur á dagstovnum Næmingar í Sankta Frans skúla eiga at fáa møguleikan at taka 8. og 9. flokk í Sankta Frans skúla, meðan vit bíða eftir Skúlanum á Fløtum. Tað er eingin orsøk at senda næmingarnar út í spjadda gamla Kommunuskúlan Heðin Mortensen Borgarstjóri Søgur hava tikið seg upp, hvørt dag- stovnar í Tórshavnar kommunu eru farnir at geva børn- unum mat, sum er tillagaður ávísari religøsari trúgv. Ella sagt við øðrum orðum, um dagstovnar, sum hava børn, hvørs foreldur hava muslimskar matsiðir, nú eru farnir at avmarka matúrvalið til øll hini børnini á stovninum, eitt nú í mun til svínakjøt. Lat tað verða sligið fast, at so er ikki, og eingin orsøk er til skapa tvídrátt um hetta, sum eisini er fremmant í mun til ta visjón, ið býráðið hevur samtykt. Har er staðfesat, at vit vilja ein alheimsgjørdan og fjølbroyttan høvuðsstað, har tað er rúm fyri ymiskum áskoðanum, hugskotum og mentanum, tí soleiðis verður gott hjá øllum at liva, búgva og virka. Í Tórshavnar kommunu eru dømi um avtalur millum stovnar og foreldur at børnum, sum vegna trúgv ikki skulu hava ávísan mat, at tá stovnurin borðreiðir t.d. við svínakjøti, tá fáa hesi foreldrini boð um hetta frammanundan soleiðis, at hesi børnini tann dagin hava egnan mat við. Tað er ikki soleiðis, at stovnarnir broyta matarskránna til øll hini børnini. Nýggj matskipan Í sambandi við fíggjarætlanina 2016 er avgjørt, at Tórshavnar kommuna skipar eina matskipan á øllum dagstovnunum soleiðis, at øll børn kunnu fáa mat á middegi umframt millummála, sum í dag er vanligur. Hetta verður sett í verk longu í vár. Í hesum sambandi orðar bý- ≠≠ráðið nú ein matpolitikk fyri alt dagstovnaøkið. Eingin ivi skal vera um, at maturin skal vera sunnur og heilsugóður. Eisini skulu neyðug atlit takast at teimum børnum, sum vegna eitt nú allergi ikki tola ávísan mat, mjólk v.m. Í mun til tær søgur, sum nú ganga um børn við muslimskum matsiðum á dagstovnunum, so verður frítt hjá teimum at halda hesar siðir. Men tað broytir einki uppá tann matin, sum øll hini børnini fara at fáa.