hósdagur 14. januar 2016síða 10

FRÍGGJADAGUR 15. JANUAR 2016 SOSIALURIN 6 10 TEMA Eldrarøkt Tey gloymdu, goymdu eldri? Í januar í fjør skrivaði Viku­ skiftis Sosialurin eitt stórt tema um eldraøkið, har millum ann­að víst varð á, at okkara gomlu keða seg í hel, tí ov fá starvs­fólk eru um tey gomlu á ellis­heim­unum. Men hvussu er støðan í dag? Ført var fram av ymisk­um politikarum, at eitt av enda­ málunum við at flyta eldra­økið út til kommunurnar var at fáa frástøðuna millum borgarar og myndugleikarnar á eldra­ økinum minni. Haraftrat varð ført fram, at kommunurnar hava størri innlit í hvør tørv­ urin er í teirra øki, og tískil skuldi vera lættari at nøkta tørvin hjá okkara eldri borgar­ um. Miðlahúsið er nú aftur farið at kannað, hvussu støðan á eldra­økinum er. Komandi vikurnar fara vit at varpa ljós á ymisku økini innan eldrarøkt. Vit leggja fyri við at varpa ljós á ellisheim. Í tema­síðunum hesaferð er ein longri reportaga frá Boðanes­ heiminum, har roynt verður at lýsa, hvussu ein dagur er á einum ellisheimið. Har­aftrat er samrøða við Katrin í Gongini, sum er dóttur til ein av búfólkunum á Boðanes­heim­ inum. Støðan er blivin betri, síðani nýggjur leiðari varð settur í Traðarlon á Boðanes­ heiminum, men tíð er fram­ vegis ikki til tað nærveru, sum okkara gomlu hava tørv á. Vit varpa eisini ljós á, hvussu Magnus Rasmussen, nú fyrr­verandi borgarstjóri í Runa­víkar Kommunu, sær trupul­leikarnar á eldraøkinum, og hvørjar forðingar hava verið, síðani eldraøkið varð lagt út til kommun­ur­nar at umsita. Komandi vikurnar fara okkara miðlar – Sosialurin og in.fo – at varpa ljós á eldraøkið. Í Sosial­inum komandi mána­ dag kanst tú millum annað lesa um royndirnar hjá einum starvfólki í ellisheimi í Havn, sum heldur tað vera ómetaliga hart at síggja okkara elstu borgarar sita og stara út í tóman heim megin partin av degnum, tí stundir eru ikki til at vera um tey. In.fo varpar eisini ljós á evnið, og um vikuskiftið fara vit at lýsa enn fleiri vinklar av lívinum á einum ellisheimið um­vegis videobrot, greinar og mynda­røðir. Í Vikuskiftis Sosial­inum í næstu viku fara vit undir heimastænastuna í síni heild. Góðan lesihug. Tað er nú eitt ár síðani, at kommunurnar yvir­ tóku eldraøkið frá landsmyndugleikunum Barbara Holm Redaktørur á Vikuskiftis Sosialinum ÁRNI GREGERSEN Ó semja hevur tikið seg upp um, hvussu stóran part av samlaðu heimarøktini, kommunurnar eiga at átaka sær. Í sambandi við, at tað nú er meira enn eitt ár farið, síðani kommunurnar yvirtóku eldrarøktina, stinga fleiri ósemjur seg upp, sum allar hava botn í, hvør eigur at taka sær av heima­røkt­ ini í kommununum. Ikki bert av pensjonistum, men av heimarøktini sum heild. Sjált um lógin, sum eldrarøktin er løgd til kommunurnar eftir, greitt sigur, at kommunurnar eisini yvir­ taka heimarøktina, so eru marka­ mót­ini so illa greinað, at vit longu nú í fleiri førum hava sæð ósemjur, sum í seinasta enda eru gingnar út yvir borgaran. – Men tað er greitt í lógini, at kommunurnar ikki bert yvir­tóku eldra­røktina, men eisini heima­røkt­ ina, sigur Magnus Rasmussen, fyrr­ ver­andi borgarstjóri í Runavíkar kommunu. Útmeldingarnar í seianstuni hava víst, at tey markamót, sum ikki eru nágreinaði, longu hava skapt trupul­ leikar og nakað av ósemju um, hvør tað er, sum skal veita heimarøkt til fólk, sum eru yngri enn 67 ár. Sjálv eldrarøktin virkar nøkulunda eftir saman leisti, sum áðrenn sam­ starvs­økini hjá kommununum yvir­ tóku eldrarøktina. Í flestu førum er tað soleiðis, at kommunurnar hava gjørt sínamillum av­talur og veita somu tænastu til eldru borgararnar, sum landið gjørdi áðrenn yvirtøkan fór fram. Markamótini Trupulleikarnir taka seg upp á økjum har tað snýr seg um heimatænastu til borgarar – serliga tey undir 67 ár. Í viðmerkingum til lógina verður sagt: Vanliga fatanin av hugtøkunum »heimatænasta og eldrarøkt« er, at talan er um røkt, heimahjálp og búpláss á røktarheimi ella eldra­sam­ býli, sum verður veitt eldri fólki, t.v.s. borgar­um, sum eru 67 ár og eldri. ÓGREITT MARKAMÓT GEVUR TRUPUL­LEIKAR Kommunurnar hava ikki bert yvirtikið eldraøkið, men eisini alla heimarøktina Heimatænastan Tað sær bara út til, at tað eru summi, sum ikki hava skilt, at hendan tænastan eisini er ein partur av tí, sum komm­unur­nar hava yvir­tikið« Sirið Stenberg Sirið Stenberg MYND: ÁLVUR HARALDSEN GOMUL GLOYMD GOYMD