týsdagur 9. februar 2016síða 12

Mikudagur 10. februar 2016 · Nr. 17 12 Sosialurin Hugskot og viðmerkingar – send sms til 225000 MELDURIN Ein spurningur, sum fleiri ferðir er vendur í vinnuni er, hvat fer at enda við teimum hvílandi loyvunum, sum ikki verða brúkt í løtuni. Verður tað soleiðis, at tey verða aktiverað aftur, um fiskiskapurin undir Føroy­ um batnar aftur. – Í hvussu so er, so fer ongin at keypa sær fiski­rætt­ indi og so ikki brúka tey, so sjálvt um brúksskylda ikki verður ásett, so verða loyvini brúkt um tey verða keypt, sigur Aksel V. Johannesen. Heilsuøkið Eitt annað stórmál, sum er á breddanum, er heilsuøkið. Ein risastórur bólkur er farin til arbeiðis og hann skal lnogu hálvan mai koma við einari niðurstøðu. – Tað er neyðugt, at vit fáa hetta gjørt. Tað kann gott vera, at tað eru gjørd fleiri álit fyrr, men tey eru gjørd úr erva. Nú eru tey, sum veruliga arbeiða í heilsu­verk­ inum tiikin við. Tí vænti eg, at hetta verður lættari at fáa ígjøgnum, sigur løgmaður. Arbeiðsbólkurin hevur fingið stutta tíð, men ikki ov stutta. Faktisku upplýs­ ingar­nar eru lættar at koma til, tí tær standa í álitum, sum longu eru gjørd. Aksel V. Johannesen sig­ ur, at arbeiðsbólkurin skal koma við einum uppskoti, hvussu vit fáa mest burtur­úr teimum trimum sjúkra­hús­ unum, sum vit hava. Talan verður við øðrum orðum ikki um at niðurleggja nakað av sjúkra­húsunum, – Ein annar spurningur, sum eisini skal viðgerast, er, hvussu vit fáa neyðugu mann­ingina til sjúkrahúsini í Føroyum. Tað er ein trupul­ leiki í Norðurlondum at manna sjúkrahúsini í út­ jaara­num, so hetta er nakað vit eisini mugu fyrihalda okk­um til, sigur hann. Pensjónsmálið Pensjónsmálið stendur eis­ ini ovarlaga á breddanum. Hetta tí at vit gerast fleiri og fleiri eldri og tí tamarhald má fáast á búskapinum í fram­tíðini, so hann verður hald­førur. – Eg eri fegin um tað, sum vit fingu gjørt í fíggjarlógini, so pensjonistarnir fáa tað eitt sindur lættari og at barna­familjurnar eisini hava fingið tað lættari. Vit lovaðu at ar­beiða fyri einum javnari sam­felag og tað hava vit eis­ ini gjørt, sigur løgmaður. Hann leggur stóran dent á, at tað er neyðugt at til­ passa útreiðslur og inn­tøkur í framtíðini. Millum annað tí lækkaði grundupphjæddin í fólkapensjónini og hækkaði úr Samhaldsfasta. – Vit vistu øll, at árgang­ urin sum fær pensjón nú, er serliga stórur. Eini 400 fólk fáa pensjón í ár, so neyðugt var at gera hetta, sigur løg­ maður. Aldurssamansetingin av fólk­inum komandi árini verð­ur eis­ini soleiðis, at vit gerast upp­aftur fleiri eldri og færri fólk, sum eru yngri enn 40 ár. Longu nú og næsta ár heldur tað almenna aftur við íløgunum, so búskapurin ikki verður yvirupphitaður. – Íløgurnar hjá landinum eru 220 milljónir krónur í ár, meðan tær hjá kommun­ unum eru meira enn dupult so stórar. Tað mugu vit fáa tamar­hald á, sigur løgmaður. Í næstum verður fundur millum fíggjarmálaráðið og komm­unurnar um hesi viður­skifti og roynt verður at finna eina avtalu um ein javna­vág í íløgunum hjá land­inum og kommununum. Gongur eftir ætlan Løgmaður heldur, at fleiri uppgávur eru eftir at loysa og at nýggjar stinga seg upp alla tíðina. Hann vísir á hvussu skila­ gott tað er at til­laga sam­ felagið eftir konjunktur­ unum. Í løtuni gongur alt við – fiskaprísirnir eru góðir, olju­prísirnir lágir og rentan lág. – Vit vita, at hetta fer at broytast, so vit mugu gera sam­felagið klárt til at taka ímóti hesum broytingum, sigur hann. Løgmaður sigur, at tað er av stórum týdningi, at vit megna at varðveita væl­ ferðar­samfelagið. – Vælferðarsamfelagið hev­ur tørv á at vinnan tjen­ ar pengar, men vinnan hev­ ur eisini brúk fyri einum væl­ferðar­samfelag, sum virk­ar væl. Tí er neyðugt, at vit øll draga somu línu, tí tað gagnar okkum øllum, sigur hann. Í seinastuni hevur ver­ ið orðaskifti millum fram­ leiðslu­føroyar og um­sit­ ingarføroyar. Tað er eitt orða­skifti, sum neyvan gagna nøkrum. – Vit hava brúk fyri øllum pørtum í samfelagnum. Tí er hetta orðaskkifti so oyði­ leggj­andi, sigur løg­maður. Aksel V. Johannesen hev­ ur sum løgmaður valt, bert at umsita lógarmál. – Eg havi valt mín leiklut at vera samskipandi. Eg skipi fyri landsstýrisfundum og eg havi regluligar fundir við lands­stýrisfólkini. Mín upp­ gáva er at ansa eftir, at onki politiskt mál eksplo­der­ar uttan at vit eru til reið­ar at takla tað. Tí fylgi eg væl við, hvat hvørt einstakt lands­ stýris­fólk ger, sigur Aksel V. Johannesen. arnig@sosialurin.fo – Mín uppgáva er at ansa eftir, at onki politiskt mál eksploderar uttan at vit eru til reiðar at takla tað. Tí fylgi eg væl við, hvat hvørt einstakt landsstýrisfólk ger, sigur Aksel V. Johannesen Mynd: Álvur Haraldsen