hósdagur 11. februar 2016síða 6

FRÍGGJADAGUR 12. FEBRUAR 2016 SOSIALURIN 18 6 PERSÓNSSØGA BIRGITH LASSEN N iðast í klædnaskáp­ inum liggja tvær blæur. Janus fer stillisliga inn í kamarið eftir einari, meðan kona hansara er í bað. Janus hevur eisini altíð nakrar blæur liggjandi á arbeiðsplássinum, men hendan dagin kennir hann tað rættari at fara í blæuna áðrenn ein strævin ar­beiðs­dagur byrjar. Tá konan kemur undan brúsuni, skundar Janus sær inn á vesið. Stongir hurð­ina. Úr buksunum. Eitt bein upp á kummuna. So er klárt at lata seg í. Hann syrgir fyri, at blæan situr tætt og væl. Tað dámar honum best. Hann syrg­ir eisini fyri at fjala blæuna. Konan má ikki varnast hansara loyndar­mál í dag. Síðan hann var fimm ár, hevur hann goymt hetta loyndar­mál fyri umverðini. Janus er ein teirra, sum tey kalla vaksið- baby. Janus er vaksið-baby At vera vaksið-baby verður í sálar­ frøð­ini rópt infantilisma. Tað er heitið, ið sálarfrøðin brúkar um fólk, sum hava eitt óvanligt tilknýti til barndómin, hóast barndómurin langt síðani er av. Tað finnast eingi hagtøl sum vísa, hvussu nógv­ir infanti­listar eru, tí tað sum oft­ast verður dyrk­ að í loyndum. Men fert tú inn á heima­síðuna diaper.dk, sum er ein heima­síða, ið infanti­listar brúka, finn­ur tú tó 800 virknar brúkarar. Millum hesar funnu vit tveir før­oy­ingar. Annar er Janus, sum hev­ur valt at traðka fram í sam­ røðu við Vikuskiftis Sosialin. Janus er ein vanligur føroyingur í tretivu­num. Hann starvast sum hand­verkari og hevur seinastu árini verið giftur við eini kvinnu, ið hann ætlar sær at fáa børn við. Men enn hevur hann ikki fortalt kon­uni um sín serliga áhuga. – Eg havi altíð verið bangin fyri, at hetta styggir hana burtur. Og par­lagið vil eg ikki seta í vága, for­telur Janus. Ofta er tað nevniliga óttin fyri at styggja tey nærmastu burt­ur, sum ger, at infantilistar velja at dyrka sín áhuga í loyndum. – Eg havi ofta hugsað um at for­telja konu míni um mín áhuga, tí eg trúgvi kanska, hon hevði skilt tað, hug­leiðir Janus, sum kortini ikki hev­ur dirv­ið til at standa við sítt loyndar­mál. Hann skilur væl, at fólk halda tað vera løgið. Tað heldur hann eis­ ini sjálvur á onkran hátt. – Eg havi eisini mangan hugsað, at ymiskir lívsstílir eru løgnir. Men eg havi gjørt upp við meg sjálvan, at eg má rúma øllum, tí um eg dømi onnur, so kunnu tey eisini døma meg, sigur hann. Tað kann tykjast trupult at goyma eitt so sjónligt loyndarmál frá sínum maka, men fyri Janus ber tað til. – Eg goymi eina ella tvær blæur millum míni klæði, har hon ikki finnur tær. Og eg sovi bara í blæu, tá hon ikki er heima, greiðir Janus frá. Til tíðir kann tað tó gerast trup­ ult hjá Janusi at fjala blæurnar frá konu og nærumhvørvinum ann­ ars, men enn hevur eingin funn­ið fram til sannleikan. Eg havi altíð havt eina fasinatión av børnum og teirra eginleika at skapa sær sína egnu verð, tá tey spæla. Tað er nokk har rótin til mína infantilismu liggur« »Janus« – Allir mínir tankar um gerandisdagin hvørva, tá ið eg lati meg í blæu. Eg gloymi ógoldnar rokningar og órudd fyri eina stund, fortelur Janus, sum nakrar dagar um mánaðin í loyndum gongur í blæu Framhald á næstu síðu Les eisini bræv frá 20 ára gamla blæumanninum, Tóka (myndin), á síðu 8 MYND: PRIVAT Maður í 30’unum FÆR TRYGG­ LEIKA AV AT GANGA Í BLÆU Kom við Vikuskiftis Sosialinum afturum fasaduna, tá vit tosa við ein vaksnan mann, sum dámar at brúka blæu. MYND: PRIVAT