hósdagur 11. februar 2016síða 8

FRÍGGJADAGUR 12. FEBRUAR 2016 SOSIALURIN 18 8 Vildi ynskt onkur skifti sær Í hugaheiminum hjá Janusi leiða tank­arnir ofta til blæurnar. Dagliga hugsar hann um blæurnar og um hendan lívsstílin, sum áður tyngdi hann. Spurningurin um, hví hendan trongdin er í lívinum, hev­ur stað­ ið ósvaraður leingi. Fyri fýra ár­um síðani byrjaði Janus at kenna seg einsamallan við sínum loyndar­ máli. Á netinum leitaði hann seg fram til heimasíðuna diaper.dk. Ein síða fyri fólk við somu áhuga­ mál­um sum Janus. – Eg leitaði á netinum eftir fólki við somu áhugamálum, og fann skjótt fram til, at eg ikki eri einsa­ mallur við hesari trongdini. Tá tað bleiv greitt fyri mær, at eg ikki eri tað einasta vaksna menn­iskja sum dámar at ganga í blæum, kendi eg meg sum ein partur av einum felagsskapi, sigur Janus. Á donsku heimasíðuni stovnaði Janus sær ein profil, og har sam­ skiftir hann nú dagliga við onn­ur í somu støðu. Eins og aðrir sam­ felags­bólkar eru tey á diaper.dk ymisk, og summi hava sterkari trongd at nærkast barndóminum, enn onnur. Til dømis eru summi, ið fáa onnur vaksin at skifta sær. – Onkuntíð hugsi eg um, at tað hevði verið deiligt, um onkur skifti mína blæu, men enn havi eg ikki roynt tað, sigur Janus. Blæan gevur tryggleika Fyri Janus snýr tað seg einamest um tryggleika. Tá hann í morgun sníkti seg at lata seg í blæu, gjørdi hann tað ikki, tí hann av onkrari kropsligari orsøk hevur tað fyri neyðini. Hann kann fara á ves eins og onnur. Honum dámar bara betri at vera í blæu. Tá fær hann alt fyri eitt eina kenslu av tryggleika og ró. – Allir mínir tankar um ger­ andis­dagin hvørva, tá eg lati meg í blæu. Eg gloymi ógoldnar rokn­ ingar og órudd fyri eina stund, for­ telur Janus. Fleiri infantilistar á netinum greiða líkasum Janus frá, hvussu stúr­anir um gerandisdagin hvørva í somu stund, sum tey lata seg í blæu. Suttufløskur og bamsur Infantilistar brúka blæu og aðrar lutir, ið hoyra barndóminum til, fyri at nærkast einum barnsligum sinnis­standi. Tá tey kenna seg sum børn, kunnu tey sleppa allari ábyrgd. Fyri at koma aftur í barndómin, brúka summir infantilistar sutt­ur, suttufløskur, bamsur og barna­ klæði í vaksnamannastødd. Summi endurspegla eisini tankagongdina og atburðin hjá pinkubørnum. Á diaper.dk eru myndir og videobrot av infantilistum, sum eta fruktmos við skeið, tosa barnamál og brúka pott. – Eg havi tosað við onnur á net­ inum, sum brúka suttur og eiga bamsur. Men tað sigur mær ikki so nógv, fortelur Janus. Janus var fimm ára gamal, tá hann fyrstu ferð kendi ein óvan­ ligan áhuga fyri blæum. Hann fór at stjala blæur frá systir síni og lat seg í tær í loyndum. Tá systirin vaks upp, gjørdist tað torførari hjá Janusi at fáa fatur á blæum. Men var hann á vitjan hjá grannum ið høvdu smá børn, tók hann ofta eina blæu við heim. Onkuntíð varð hann avdúkaður. Tá fekk hann at vita frá foreldrunum, at hann skuldi gevast. Men meiri gjørdu tey ongantíð við tað. Tá Janus fekk frítíðarstarv sum 16-ára gamal, vórðu pengarnir ofta brúktir til at keypa blæur. Í dag brúkar hann 20-40 blæur um mán­ að­in. Alt eftir hvussu tørvurin er. – Eg kenni meg ikki óvanligan longur, og eg havi góðtikið mín lívsstíl, sigur Janus, sum kortini um­hugsar at fara víðari við sínari trongd. – Eg havi onkuntíð hugsað um, at hittast við sokallaðum »care­ takers« í Danmark. Tað eru fólk, sum dáma at skifta og taka sær av fólki sum mær, sigur Janus, sum tó enn ikki hevur gjørt álvara av tank­anum. Ofta misskilt sum pedofili Á diaper.dk verður skrivað um, hvussu infantilisma ofta verður blandað við pedofili. Tað er tó ikki trongdin eftir børnum, sum drívur verkið, men meira trongdin at vera barn. Janus er ein vaksin maður í tretivunum. Hann arbeiður sum hand­verkari og hevur seinastu árini verið giftur við eini kvinnu. Sum yngri var hann ofta bangin fyri, at okkurt feilti sær. Men aftaná drúgva sjálvrannsakan og lang­ar samrøður við aðrar infant­ ilistar, er hann nú vísur í, at honum feilar einki. – Eg hevði sjálvur ein deiligan barn­dóm. Eg havi altíð havt eina fasinatión av børnum og teirra eginleika at skapa sær sína egnu verð, tá tey spæla. Tað er nokk har rótin til mína infantilismu liggur, sigur Janus sum harmast um, at fólk blanda hansara áhuga fyri blæ­um við pedofili. – Eg elski børn og eg elski barna­ universið. Men eg kundi aldrin droymt um at gjørt einum barni ilt. Eg ynski sjálvur at fáa børn, men mín áhuga fyri blæum fari eg ikki at blanda upp í mítt familjulív, sigur hann. Janus er eitt dulnevni, tí 30 ára gamli maðurin í samrøðuni ynskir at vera dulnevndur. Vikuskiftis Sosial­urin kennir samleika hans­ ara. BIRGITH@SOSIALURIN.FO PERSÓNSSØGA Vikuskiftis Sosialurin hevur eisini fingið samband við 20 ára gamla Tóka (myndin), sum eisini er infantilist. Hann hevur skrivað sínar hugsanir um lívsstílin í brævi, sum vit endurgeva her Eg havi nógv minni frá barndóminum um, at blæurnar lógu á gólvinum í vesinum, og eg royndi at sníkja meg út har at royna eina. Tá eg byrjaði í skúla, slepti eg tó tankanum, og blæurnar fyltu minni og minni. Fáar ferðir um árið, tá ið høvið beyst, royndi eg tó at lata meg í blæu. Men eldri eg gjørdist, meira hvarv hugurin til at lata meg í blæu. Tá eg var millum 8 og 13 ár, hugsaði eg als ikki um blæur eina einastu ferð. Tað broyttist tó, tá ið ein familjulimir gjørdist álvarsama sjúkur. Kenslurnar bylgdust innaní mær, og brádliga fann eg tryggleikan aftur í blæunum. Síðani tá hevur verið trupult at sleppa teimum. Tað kemur tó fyri, at long tíð er ímillum blæurnar. Vikur, mánaðir og upp til eitt ár. Eg haldi tað er umráðandi at vísa á, at tey flestu fólkini við tí vit kalla »fetish«, ella einari trongd, sum brýtur frá tí vanliga; tey, sum verða kallað løgin, eru menniskju eins og vit onnur. Vit hava eitt starv, ein maka, ein hund, fleiri ringar vanar sum at roykja, drekka øl og vín og hvat veit eg. Vit eru alt frá maskinmeistarum til journalistar, gartnarar, fotografar, tónleikarar, stjórar, listafólk og leiðarar. Vit eru øðrvísi og vanlig, eins og øll onnur menniskju. Eg meti meg vera relativt »vanligan«. Hvat tað so enn er.. Eg havi silgt heimin runt fýra ferðir, eg havi framleitt og spælt tónleik, eg havi verið sjálv­ støðugur og arbeiðsleysur. Tað er kanska ikki heilt vanligt, men poengið er, at eg eri eins og tú, tín nábúgvi, bróður ella systur, vinur og tín lokali handilsmaður. Tú kanst práta við meg. Tú kanst spyrja meg, og eg skal royna at svara tær við skili. Vit kunnu drekka kaffi saman, ella lata vera. Vit kunnu hyggja í eyguni á hvørjum øðrum, tá vit hittast á gøtuni, ella vit kunnu lata vera. Og um tú ein dagin hittir ein sum meg, við einari øðrvísi trongd, so minst til ikki at døma blæuna bert orsaka av permuni. Ella var tað bókin? Minnir hjá einum blæumanni 20 ára gamli Tóki skrivar MYND: PRIVAT SKERMMYNDIR FRÁ DIAPER.DK ■ »Janus« er eitt dulnevni, tí 30 ára gamli maðurin í samrøðuni ynskir at vera dulnevndur. Vikuskiftis Sosialurin kennir samleika hansara. Diaper.dk er ein heimasíða, har infantilistar hittast og skifta orð um síni áhugamál. Yvir 800 virknir brúkarar eru á síðuni.