hósdagur 11. februar 2016síða 9

FRÍGGJADAGUR 12. FEBRUAR 2016 SOSIALURIN 18 9 ØÐRVÍSI LÍVIHÆTTIR PROVOKERA OKKUM Sálarfrøðingur greiður frá, hvat sálarfrøðin sigur um vaksin fólk, ið hava trongd at lata seg í blæu. Han fortelur eisini, hví vit verða stygd av fólki sum hava øðrvísi livihátt enn vit BIRGITH LASSEN J anus er infantilist. Ella vaks­ið-baby sum tað eisini rópast. Gerandisdagurin hjá honum líkist mínum og tín­um. Hann er giftur maður í tretivu­num og arbeiðir frá 8-16 sum hand­verkari. Men javnfjart við sín­ um vanliga gerandisdegi, livir hann sum baby í loyndum. – Eg havi eina sterka trongd at lata meg í blæu. Blæan ger, at eg kenni meg sum eitt barn. Tað ger at eg verði tryggari. Júst sum tá eg var barn, sigur Janus. Janus hevur valt at traðka fram í samrøðu við Sosialin, men hevur biðið um, at vit verja hansara sam­ leika. Tí brúka vit navnið Janus sum dulnevni. Janus er bangin fyri, at kona hansara finnur útav, at hann livir sum baby í loyndum. Ofta er tað nevniliga óttin fyri at styggja tey nærmastu frá sær, sum ger, at infantilistar velja at dyrka sín áhuga í loyndum. Men hví styggjast vit av fólki, sum dáma at ganga í blæu? – Sum vaksin menniskju vilja vit virka álítandi og ordilig. Infant­ ilistar ella vaksið-baby, sum tað onkuntíð verður rópt, bróta frá tí vanligu myndini, vit hava av ábyrgdarfullum vaksnum fólkum. Tí verða vit provokerað, sigur Suni Poulsen, sálarfrøðingur á psykiatriska deplinum á Lands­ sjúkra­húsinum. Ikki so óvanligt Suni Poulsen lýsir infantilismu sum eina fetich. Fetichisma er, tá tú hevur lyndi at øsast kynsliga av onkrum ávísum, ið vit ikki van­ liga knýta at kynslívinum. Tað kann millum annað vera at lata seg í leðurklæðir ella klæðini hjá mót­satta kyninum. Suni Poulsen sigur, at fetichisma er rættiliga van­ligt millum fólk. Men hann held­ur, at infantilisma er eitt heilt ser­ligt fetich. – Ofta hevur fetichisma bein­ leiðis tilknýti til seksuellu aktina. Men at lata seg í blæu, noyðist ikki at hava nakað við sjálva aktina at gera. Tí er infantilisma ørðvísi enn aðrar serligar trongdir, greiðir hann frá. Sambært sálarfrøðinginum, kunnu fólk í størri ella minni mun kenna seg aftur, sjálvt um langt frá øll hava tørv á at ganga í blæu ella vera ílatin leðurklæði. – Øll sum dámdu »50 Shades of Grey« (bók um harðligt kynslív, red.) eru ikki til harligt sex í veru­ leik­anum. Men tað rakar nak­að, ið vit allíka­væl duga at liva okk­um inn í, sigur hann. Suni Poulsen sigur, at hann hev­ur lættari við at skilja infant­ ilistar, enn fólk við øðrum serligum trongd­um. Hann greiður frá, at sálarfrøðin lýsir infantilistar sum fólk, ið hava eitt óvanliga sterkt til­knýti til barndómin, hóast tey langt síðani eru vaksin. – Hetta snýr seg í veruleikanum um at kasta alla ábyrgd frá sær. Øll atferð, ið er knýtt at vaksna­manna­ lívinum, verður skumpað til viks, tá tú letur teg í eina blæu og verður til eitt barn í sinninum. Tá fert tú aftur til barnaverðina, har tú kanst hava tørvir, ið vanliga eru tabu hjá vaksnum. Tú kanst móttaka eyma umsorgan, verða mataður og ja, kanska eisini fara á ves uttan at hugsa um, hvar tú ert, tí tú ert í blæu, sigur hann og leggur afturat, at øll munnu kenna tørvin á sleppa sær undan allari ábyrgd, ið fylgir við vaksnamannalívinum. Ofta misskilt við pedofili Sum tú kanst lesa í samrøðuni við Janusi, verður infantilisma ofta bland­að við pedofili. Men Suni Poulsen, sálarfrøðingur, vísur staðiliga aftur, at hetta hevur nak­ að við børn at gera. Tað er um­ráð­ andi at skilja í millum, sigur hann. – At vera vaksið-baby hevur als einki við pedofili at gera. Infant­ ilisma snýr seg um at vilja verða við­farin sum eitt barn. Tað snýr seg ikki um at vilja hava nakað við børn at gera, greiður hann at enda frá. MYND: PRIVAT Suni Poulsen, sálarfrøðingur MYND: NORA.FO Sálarfrøðingur