hósdagur 11. februar 2016síða 21

FRÍGGJADAGUR 12. FEBRUAR 2016 SOSIALURIN 18 21 KLUMMAN Barbara Holm Føstan – 40 dagar av onkrum Mikudagin byrjaði føstan fram til páskini. 40 dagar, sum søguliga hava merkt dagar uttan fasta føði. Í dag er tulkingin tó munandi breiðari, og fólk nýta høvið til at broyta lívsstíl eina løtu. Leggja far­tele­fon­ ina á hyllina, eta sunnari, venja meir, gera hjálpararbeiði og alt hugsandi annað. Í kristna heiminum hevur hetta merkt, at í ein góðan mánað skal orkan nýtast til bøn, at lesa úr heilagu skriftunum og at hjálpa tínum næsta. »Eg gleði meg til summarferiu«. »Eg gleði meg at sleppa at ferðast«. »Eg gleði meg til jóla«. Vit gleða okkum altíð til okkurt, sum er har frammi. Okkurt, sum vit í gerandis­ degnum kunnu dagdroyma um – kanska fyri at sleppa undan tí veruleika, at hvør dagur ikki er sum summarferian, tá hon er best. »Life is what happens, while your busy making other plans«. Eitt kent orðatak, og ein kend mynd. Nógvar klummur eru skrivaðar um júst hatta. At liva í nú’inum, at lata tey smáu tingini gleða teg og so framvegis. Eg fari ikki at biðja teg um tað, kæri lesari. Tað er sum at siga við roykjarar, at tey burdu lagt av, tí tað er skaðiligt. Tað vita vit, og tú veitst, at tú skalt liva í nú’inum. Spurningurin er tó, hvussu ólukkan vit gera tað. Eg dugi ikki væl at liva í nú’inum, og kenni ongan, sum hevur uppskriftina. Eg royni tó at læra meg júst hetta. Hetta við, at ikki lata tínar ætlanir, ella ímyndir av, hvussu løtan átti at verið, avgera hvat hendir. Eg royni so vítt møguligt at taka av teimum møguleikum og avbjóðingum, sum eg hitti á mínum vegi. Um vit nú venda aftur til føstuna, við hesum í huga, so er spurningurin, hvat hesir 40 dagar skulu brúkast til. Eg meini, hví ikki brúka teir til okkurt? Eg fari at brúka mínar 40 dagar til at gera alt tað, sum eg altíð havi ringa samvitsku um, at eg ongantíð nái. Eg havi gjørt mær ein langa lista av samvitsku-nívandi upp­ gávum, og nú fari eg undir at krossa av. Kanska er tað ikki tað, sum føstan upp­runa­ liga skuldi nýtast til. Men um ikki annað, so vera hesir 40 dagarnir eisini nýttir til okkurt. Hvat fara tínir 40 dagar at vera nýttir til? Hándbólts­ finalurnar Leygardagin vera hánd­bólts­ finalur spældar bæði hjá kvinnum og monnum. Hjá kvinnum er tað Neistin – VÍF og tær byrja kl 13.30, hjá monn­um er tað Neistin – H71 ið byrjar kl 16.00. Sí meiri á hsf.fo Tungmálmur í Reinsarínum Tungmálmsbólkurin Reduced to Ash spælir saman við Iron Lungs leygarkvøldið í Reinsarínum kl 22.00. Limirnir í Reduced to Ash eru Eyðun Hvannastein, rødd og guitar, Ólavur G. á Skipagøtu, bass og Edvin Niclasen, trummur og í Iron Lungs spæla Fríði Djurhuus, rødd, Benjamin Joensen, guitar, Martin Neslíð, guitar, Heini Djurhuus, bass/onnur rødd og Jógvan Johannesen trummur. Sí meiri á reinsariid.fo. Áfram Ísland í Norður­landa­ húsinum Um vikuskiftið byrjar tiltakið hjá Norðurlandahúsinum Áfram Ísland, í varðar frá 12 feb. til 21. feb., norðmenn og finnar hava víst fram og nú er tørnurin komin til íslendingar. Setanin verður kl 16:00 fríggjadagin Fríggjadagin byrjar fram­ sýning hjá Heklu Dögg Jónsdóttir og endar sunnu­ dagin 6. mars. Eisini spæla Bubbi og Spaðar­frýrnar kl 20.00 fríggjadagin. Ylja + Agent Fresco spæla kl 20:00 leygarkvøldið og sunnudagin spæla Nordic Affect kl 16:00. Skráin fyri alt tiltakið er á nlh.fo.