týsdagur 16. februar 2016síða 6

Mikudagur 17. februar 2016 · Nr. 20 6 Sosialurin Hugskot og viðmerkingar – send sms til 225000 ATLANTSFLOG Árni Gregersen Prísirnir á ferðaseðlum lækk­ ar sum heild hjá Atlants­flog. Og felagið hevur ætlanir um næsta vetur at flúgva til Gran Kanaria – Hetta er gott yri brúk­ aran og fyri okkum, sum ar­ beiða í feðavinnuni. Lægri prísir gera, at fleiri fólk fara at flúgva og tað er gott fyri bæði Atlantsflog og okkum. Soleiðis sigur sølu- og marknaðarstjórin á Fonn Flog, Sakaris Frederiksen. Nýggja útmeldingin frá tjóðarflogfelagnum sigur, at felagið nú hevur 100.000 ein­vegis ferðaseðlar fyri undir 1000 krónur. Hesir ferða­seðlar kunnu keypast á øll­um rutunetinum hjá Atlants­flog. – Tað vil siga, at nú ber til at keypa einvegis ferðaseðlar fyri 699 krónur. Ikki bert til Dan­markar, men eisini á Norður-netinum, sum er Bergen, Reykjavík og Eden­ burgh, sigur Jóhanna á Bergi, stjóri í flogfelagnum. Atlantsflog hevur í eina tíð roynt seg við bíligum ferða­seðlum, sum eru knýttir at ser­ligum treytum. Millum ann­að, at ferðaseðlarnir skulu bíleggjast í seiansta lagi 60 dagar undan frá­ferð­ ini. Fleiri flúgva Hendan skipanin hevur roynst væl og munandi fleiri fólk hava brúkt flog­førini. Tað er tó torført at saman­ bera ferðafólkatølini í 2015 við onnur ár, tí tey fólk­ ini sum flugu til Føroyar í sambandi við sólar­myrk­ ingina ávirka tølini rættuliga nógv. Men í 2015 flutu 267.000 fólk við Atlantsflog. Ongan­ tíð áður hava so nógv fólk brúkt tænasturnar hjá felag­ num. Vøksturin í mun til 2014 eru 30.000 fleiri ferðafólk – ella 13 prosent fleiri. Atlantsflog sigur, at ferða­seðlarnir lækka við 17 milljónum krónum, við tí lækk­ing, sum varð kunn­ gjørd í gjár. Hetta er kortini ikki tað, sum tað fer at kosta flog­ felag­num. Felagið sparir eis­ ini pening. Fyrst og fremst er olju­ prísurin munandi bíligari og so hevur leiðslan avgjørt, at vit ikki longur fáa ókeypis mat og spiritus, tá ið vit flúgva. Kostnaðurin á fría mat­ inum verður sostatt ístaðin latin kundunum í uppaftur fleiri bíligum flogferðum. – Umborð verður broyt­ ingin ikki tann heilt stóra, tí tann einstaki kann velja at keypa sín egna mat og sterk­ ari drykkir fyri eina lagaliga upphædd. Einasti munurin er sostatt eitt lítið gjald fyri tænastuna, sigur Jóhanna á Bergi, stjóri í Atlantic Airways. Eitt annað, sum eisini telur er, at felagið væntar, at lækk­andi prísir gera, at fleiri velja at flúgva einferð eyka og tað gevur í kassan. – Okkara fremsta upp­ gáva er at flúgva ferðafólkini so trygt og bíliga á rutu­net­ inum sum gjørligt, og so mugu matur og sterkari drykkju­vørur koma í aðru røð, sigur Jóhanna á Bergi, Ferðavinnan fegnast Atlantsflog hevur fingið at vita frá eigarunum, sum er vinnu­málaráðið, at tað er neyð­ugt, at felagið lækk­ ar prísir­nar so nógv sum til ber. Hetta fyri at geva føroy­ ing­um góðan møguleika at sleppa av landinum av og á. Økta undirtøkan í fjør ber boð um, at væl er tikið ímóti hesum, og í ferðavinnuni er eisini gleði um, at enn fleiri hava møguleikan at brúka flogførini. – Hetta ger, at vit nú kunnu gera bíligar pakka­ ferðir til aðrastaðni enn í Dan­mark. Til dømis fer tað at bera til at gera viku­skiftis­ ferðir til Eden­burgh fyri ein bíligan penga, sigur Sakaris Frederiksen, Fonn Flog. Umframt at bíligastu ferða­seðlarnir eru vorðnir eitt sindur bíligari, so eru hinir ferðaseðlarnir eisini lækk­aðir í prísi. Bíligasti ALTÍÐ-ferða­ seðilin lækkar fyri einvegis ferð úr 1829 krónum niður í 1699 krónur. Hetta er ein sonevndur full-flex ferðaseðil, sum til ber at broyta bæði við frá­ ferð og navni. arnig@sosialurin.fo HETTA GER AT FLEIRI SLEPPA Á FLOG Sølu og marknaðarstjórin hjá Fonn Flog fegnast um nýggju ætlanirnar hjá Atlantsflog Jóhanna á Bergi, stjóri í Atlantsflog, var rættuliga stolt, tá ið hon kunngjørdi bíligaru ferðaseðlarnar. Norður-rutunetið er nú tikið við, so eisini ber til at fáa bíligu setrini á ferðum til Reykjavík, Bergen og Edenburgh Mynd: Álvur Haraldsen