mánadagur 25. januar 2016síða 27

VINNUBLAÐIÐ HJÁ MIÐLAHÚSINUM 4 Januar 2016 1 Árni Gregersen Hann er ikki serliga vælkendur í al­ menna rúminum, nýggi næst­for­ mað­urin í kommisiónini, sum skal gera uppskot til nýggja føroyska fiski­vinnu­skipan. Hans Ellefsen eitur hann. Hann er 42 ára gamal havnamaður, bitin av tøl­um og búskaparteorium. Útbúgingina, sum cand.scient. oecon hevur hann tikið á lærda háskúlanum í Keyp­manna­ havn og royndirnar í búskapi hevur hann fyri ein stóran part fingið í Landsbanka Før­oya í tíðar­skeiðnum 1998 til 2007, og sum skrivari í Búskapar­ ráð­num síðan 2014. Men sjálvt um hann av mong­um verður nevndur teoretikari og ikki hevur piss­að í saltan sjógv, so hevur hann havt stóran áhuga fyri før­ oysku fiskivinnuni í mong ár. Í veruleikanum var tað Hjalti í Jákups­stovu, stóri á Havstovuni, sum beindi Hans Ellefsen inn á fiski­ vinnu­búskapin. Seinastu tvey árini hevur hann verið partur av føroyska sam­ráð­ ingar­toyminum, sum samskiftir við onnur lond um kvotur og ger altjóða av­talur um svartkjaft, sild og makrel. Vit venda aftur til, hvat Hans Ellefsen annars hevur tykist við og hans­ara víðari útbúgving. Næstformaður við eyka heimildum Men lat okkum fyrst hyggja at nýggja álitisstarvinum, hann hevur fingið. Landsstýrismaðurin við fiski­ vinnu­málum, Høgni Hoydal, Tjóð­ veldi, setti í seinastu viku nevndina, sum skal fyrireika og gera uppskot til, hvussu føroyska fiskivinnan skal skipast komandi árini. Tað tók drúgva tíð hjá lands­stýris­ manninum at skipa nevndina, tí longu tá ið samgongan tók við í september, boðaði landsstýrismaðurin frá, at ein slík nevnd skuldi setast. Og sjálvt um nevndin var á trapp­ uni í fleiri mánaðir, so var tað ikki fyrr enn í seinastu viku, at hon var al­ manna­kunngjørd. Johnny í Grótinum, búskapar­ frøð­ingur, er formaður, men hann er eis­ini nýsettur stjóri á Lands­sjúkra­ hús­inum. Tað starvið noyðist hann at røkja fult, samstundis sum hann er for­maður í nýggju nevndini. Tí er nevndin skipað við einum for­mansskapi, har júst Hans Ellefsen er næstformaður. Kortini ikki ein van­ ligur næstformaður í einari slíkari nevnd, men næstformaður við víðk­ aðum heimildum. Í praksis vil hetta siga, at tað í stóran mun verður búskapar­frøð­ ing­urin av Fróðskaparsetrinum, Hans Ellefsen, sum skal skipa og leggja arbeiðið hjá kommisiónini og skrivara­toyminum til rættis, meðan Johnny í Grótinum er formaður og sjálv­andi hevur seinasta orðið, bæði í nevnd­ini og tá ið nevndin skal melda al­ment út. – Sum tú hoyrdi á tíðinda­fund­ inum, so hevur nevndin avgjørt, at vit ikki úttala okkum um, hvat tað er vit gera fyrr enn vit leggja okkurt fram, so tú fært meg ikki at siga ser­liga nógv um, hvussu eg haldi fiskivinnan skal skipast. Tað má bíða. Hans Ellefsen situr á lítlu, spartanskt innrættaðu skriv­stovu síni í bygninginum hjá Fróð­skapar­ setr­inum í Fríðrik Petersengøtu. Síðani november hevur hann havt fæst starv á Setrinum og her­ undir skrivari í Búskaparráðnum. Tað er soleiðis, at Setrið eftir summar­ frí­tíð­ina bjóðar út eina útbúgving í bú­skapi og hesi frálæru er Hans Ellefsen ein partur av. – Men tað er rætt, at nú og til 1.august fari eg at hava rættuliga nógv at gera við arbeiðinum í nýggju nevndini, sum landsstýrismaðurin hevur sett. Eg dugi væl at síggja, at hetta er eitt krevjandi arbeiðið, men tað skal gerast, so tað fari eg sjálv­ andi at kasta meg yvir, sigur Hans Ellefsen. Uppgávan Nevndin hevur enn ikki lagt nakra arbeiðsætlan, men fyrsti fundurin verður fríggjadagin, har ætlanin er at leggja arbeiðið til rættis. Tað er ikki soleiðis, at nevndin hevur fingið fríar hendur at skipa fiski­vinn­una í Føroyum eftir egnum høvdi. Nevndin hevur fingið ein arbeiðs­ setning, sum byggir á tað, sum sam­ gongan vil hava. Við øðrum orðum er politikkurin á økinum defineraður frammanundan, meðan tað so fyrst og fremst er upp­ gávan hjá nevndini at gera uppskot til, hvussu defineraðu málini skulu røkk­ast. Nevndin – ella kommisiónin – er mannað við níggju fólkum. Nevndin hevur eitt skrivaratoymi við trimum fólk­um og harumframt skulu tveir fylgi­bólkar setast, sum við jøvn­um millumbilum skulu hoyr­ast. Talan er um ein bólk, sum umboðar vinnuna og ein polit­iskan fylgibólk. Gjørdi PhD Hans Ellefsen hevur útbúgvið seg víðari og endaði í 2013 eina PhD. Hann granskaði makrel og hvussu hann mest rætt­víst verður deildur millum lond, sum hava áhuga í at fiska hann. Makrelur er pelagiskur fiskur, sum ferð­ast nógv og er á leiðum hjá fleiri ymiskum londum. Sjálvt býtið millum hesi londini er partur av ritgerðini. Helst er tað hendan ritgerð, sum hevur gjørt hann til ein fastan part av føroyska samráðignartoyminum, sum hvørt ár hevur samráðingar um, hvussu uppsjóvarfiskurin skal být­ ast millum strandalondini á okkara leiðum og hini londini her á leið, sum ikki eru strandalond. Herluf Sigvaldsson hevur seinasta hálvt triðja árið veriðá odda fyri føroysku sam­ráð­ingar­nevndini um pelagiskan fisk. – Eg haldi vit kunnu siga tað so­ leiðis, at mín leiklutur í stóran mun er at rokna og koma við grund­gev­ ingum fyri, hví vit vilja hava so ella so stóran part av samlaðu kvotunum av makreli, svartkjafti og sild, sigur Hans Ellefsen. Tá ið Herluf Sigvaldsson tók við sum samráðingarleiðari við einum sam­ráðingartoymi har Hans Ellefsen eisini var við, var støðan ikki serliga góð. ES boykottaði Føroyar og ongin semja var millum Føroyar og ES um makrelin. Síðani er tað eydnast at fáa avtalu við ES um makrelin og partvíst sildina, men í ár sær ikki serliga gott Hans Ellefsen Ókendur í almenninginum, men við drúgvum royndum HANS ELLEFSEN, BÚSKAPARFRØÐINGUR, VERÐUR Í STÓRAN MUN TOGHALDARI Í NÝGGJU FISKIVINNUNEVNDINI HJÁ HØGNA HOYDAL, LANDSSTÝRISMANNI Nevndin avgjørt, at vit ikki úttala okkum um, hvat tað er vit gera fyrr enn vit leggja okkurt fram Nýggi næstformaðurin í kommisiónini, sum skal gera uppskot til nýggja føroyska fiskivinnuskipan, Hans Ellefsen Mynd: Álvur Haraldsen