mánadagur 25. januar 2016síða 33

VINNUBLAÐIÐ HJÁ MIÐLAHÚSINUM Januar 2016 10 1 HER KANN FØROYA KEYPSAMTØKA GERA TAÐ BETRI Avbjóðingin hjá FK at tjena meira pening liggur í at tillaga starvsfólkakostnað í mun til søluna. Við einum lønarprosenti uppá 15,8, so liggur FK væl omanfyri lønarkostnaðin hjá kappingarneytanum SMS, sum hevur ein lønarkostnað uppá 12,6 prosent í 2015. Um FK skuldi havt sama lønarkostnað sum SMS, so vildi samlaði lønarkostnaðurin hjá FK verið næstan 7 milljónir krónur lægri enn hann veruliga var í 2015. Hetta svarar til 20 prosent av samlaða lønarkostnaðinum hjá FK í 2015. Slíkar samanberingar skulu sjálvsagt gerast við fyrivarni, men tá bruttovinningurin hjá bæði FK og SMS er ávikavist 17,6 og 17,7 prosent, so er tað her munurin í inntjening liggur. Sambært roknskapinum hevur FK 111 starvsfólk og SMS 263 starvsfólk. Meðallønin há FK er 25.000 krónur um mánaðin meðan meðallønin hjá SMS er 15.000 krónur um mánaðin. GÓMAGOTT VERÐUR TIL PARTAFELAG Kirstin og Høgni Hammer, Hoyvík, hava stovnað nýtt smápartafelag Gómagott. Endamál felagsins er at reka virksemi við framleiðslu, handil og tænastu umframt annað virksemi í hesum sambandi. Gómagott er nýggj konfektsjokuláta, ið er gjørd í Føroyum, og sum verður seld kring landið. FENOMEN NÝTT BYGGIFELAG Í TÓRSHAVN Robert Thomassen í Tórshavn hevur stovnað nýtt smápartafelag hvørs endamál er at reka byggivirksemi, útleigan, keyp og sølu av fastogn, ráðgeving og annað í hesum sambandi. Smápartafelagið Fenomen hevur 80.000 krónur í partapeningi, og er skrásett á Frúutrøð í Tórshavn. HMH MONTERING NÝTT BYGGIFELAG Í TÓRSHAVN Hans Michael Hansen í Tórshavn hevur stovnað nýtt smápartafelag hvørs endamál er fáast við undirhald, keyp og sølu, timburarbeiði, montering og annað arbeiði í hesum sambandi. Smápartafelagið HMH Montering hevur 80.000 krónur í partapeningi, og er skrásett í Tórugøtu í Tórshavn. Handil Føroya Keypsamtøka undirskot í 2014 FYRI FYRSTU FERÐ SÍÐAN 2008 HEVÐI FØROYA KEYPSAMTØKA UNDIRSKOT Í ROKNSKAPINUM Í 2015. HALLIÐ VAR 2,1 MILLJÓN KRÓNUR ÁÐRENN SKATT Eyðfinn Reyðberg Lutafelagið Føroya Keypsamtøka telist mill­ um stóru føroysku matvøruketurnar, og við einum umsetningi uppá 214 milljónir krón­ur í 2015, er FK saman við SMS og Poul Hansen stóru aktørarnir á føroyska mat­vøru­marknað­ inum. Føroya Keypsamtøka er lutafelag, sum limirnir eiga. FK er tí einasta samtakið, ið ikki hevur sum krav at tjena pening til eigarar sínar, men kann leggja allan vinning afturat egin­ogn síni. Seinastu árini hevur FK gjørt íløgur í nýggjan handil í Klaksvík og Fuglafirði. Tað var eisini íløgan í nýggjan handil í Fuglafirði, ið var beinleiðis orsøkin til at FK hevði hall í rokn­skap­inum fyri 2015. FK gjørdi íløgur í fasta ogn og maskinur fyri 13 milljónir krónur í 2015, meðan fastar ognir fyri 2,1 milljónir krónur vóru seldar. Hetta er søla av handilsbygningi í Fuglafirði, og tað var henda søla sum gjørdi, at FK fekk hall í 2015. Í samband við søluna mátti FK staðfesta eitt rokn­skaparligt tap uppá 2,4 milljónir krónur. Tað vil siga at handilsbygningurin í Fuglafirði stóð bókaður til meir enn tað dupulta av tí hann var seldur fyri. Um sæð verður burtur frá hesum tapi, so var úrslitið fyri 2015 eitt avlop áðrenn skatt uppá 300.000 krónur. Hetta úrslitið var leiðslan í FK nøgd við. Sølan lækkar Sølan hækkaði við 0,4 prosent í 2015, men um vit fara aftur til 2013, so er sølan lækkað við 1,5 prosent. Hetta er í sjálvum sær ikki so stór broyting, men tá lønir og aðrar útreiðslur hækka, so ávirkar tað endaliga úrslitið nógv. EBIDTA er soleiðis lækkað úr 6 milljónir krónur í 2011 niður á 3,9 milljónir krónur í 2015. Sum talvan yvir gongdina í EBIDTA margin vísir, so er vinningurin lækkaður á hvørjum ári síðan 2011. Høgan starvsfólkakostnað Umframt at fáa søluna at hækka, so er av­ bjóð­ingin hjá FK ein hægri starvs­fólka­kostn­ aður enn hjá kappingarneytum. Starvsfólkakostnaðurin er seinastu fýra árini hækkaður við 17,2 prosent. Í sama tíðar­ skeiði er umsetningurin hækkaður við 8,5 prosent. Hetta vil siga at FK er vorðið minni kappingarført í mun til kappingarneytar. Samlaði starvsfólkakostnaðurin hjá FK var 34 milljónir krónur í 2015, og verður hetta roknað í mun til tey 111 starvsfólkini hjá FK, so var meðal mánaðarlønin 25.000 krónur um mánaðin. Hava lænt meira pening Rentuberandi skuldin hjá Føroya Keyp­sam­ tøku er nú 35 milljónir krónur. Rentuberandi skuldin er økt við 6 milljónum í 2015. Rentuberandi skuldin var 17 milljónir í 2009, og er hon sostatt hækkað við 18 milljónir krónur seinastu fimm árini. Hesi árini hevur Føroya Keypsamtøka gjørt íløgur í tveir nýggjar handlar, og er materiella støðisognin hækkað við 22 milljón­um krónum síðan 2009. Hesar íløgur eru í høvuðsheitum fíggjaðar við lántøku, meðan restin er tikin av tøka peningi felagsins, sum við árslok 2009 var góðar 9 milljónir krónur. Í dag hevur FK 2,6 milljónir krónur í tøkum peningi. Mugu tjena meira Við eini rentuberandi skuld sum er meir enn 9 ferðir EBIDTA, so er tað avgerandi neyðugt hjá FK at bøta um grundrakstur felagsins. Felagið er væl fyri fíggjarliga við einum eginpeningi uppá 33 milljónir krónur og soliditeti uppá 34 prosent, men gjørdar íløgur, størri lánibyrða og framtíðar íløgutørvur seta størri krøv til inntjening. Tað er tí undrunar­ samt at leiðsla og nevnd í sigur seg vera nøgd við roknskapin fyri 2014. Føroya Keypsamtøka umsetningur 2010-14 tkr. 185.000 190.000 195.000 200.000 205.000 210.000 215.000 220.000 2010 2011 2012 2013 2014 Føroya Keypsamtøka avlop áðrenn skatt 2010-14 tkr. -3.000 -2.000 -1.000 - 1.000 2.000 3.000 2010 2011 2012 2013 2014 Føroya Keypsamtøka starvsfólkakostnaður 2010-14 tkr. 26.000 27.000 28.000 29.000 30.000 31.000 32.000 33.000 34.000 35.000 2010 2011 2012 2013 2014 Føroya Keypsamtøka EBITDA margin 2010-14 - 0,50 1,00 1,50 2,00 2,50 3,00 3,50 2010 2011 2012 2013 2014 Keypsamtøkan í Havn Mynd: fk.fo