týsdagur 26. januar 2016síða 31

31 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 27. januar 2016 · Nr. 11 ÍTRÓTTUR BÁRÐUR OLSEN VENUR VIÐ NSÍ FINNUR HEVUR LONGT SÁTTMÁLAN Hesa vikuna fer Bárður Olsen at venja við NSÍ. Órógv er á miðvøllinum, meðan Bárður Olsen enn einki felag hevur, eftir at hann bleiv sáttmálaleysur úr AB Føroyski áleyparin, Finnur Justinussen, sum seint seinasta summar skifti frá Víkingi til Fremad Amager, kemur at halda fram í danska felagnum komandi hálva árið Tróndur Arge Bárður Olsen váttar fyri Sosialinum, at hann hesa vikuna skal venja við NSÍ. 29 ára gamli miðvallarin er sáttmálaleysur, eftir at hann seinastu tvey árini hevur spælt við AB. Tað hevur ljóðað, at NSÍ er sinnað at hyggja nærri at einum miðverja, og einum miðvallara. Tvey pláss, sum fleiri viðmerkjarar hava víst á sum veiku plássini hjá NSÍ í teimum stóru dystunum. Bárður Olsen, sum hevur vunnið FM við bæði EB/Streymi og HB, hevur seinasta árið havt trupult at vinna sær pláss á besta liðnum hjá AB. Hann hevur tó nakrar eginleikar, sum NSÍ tykist mangla í løtum. Hann er tryggur á bóltinum, og hevur eitt eyga fyri avspælinum. Trupulleikin hjá Bárði hevur verið formurin, sum ikki stendur mát við eitt nú FM árini í 2008 og 2013. – Eg skal venja við NSÍ hesa vikuna. So taki eg tað harfrá, sigur Bárður Olsen við Sosialin í dag. Ótryggleiki á miðjuni hjá NSÍ Sum skilst, so er órógv á miðvøllinum hjá NSÍ. Haraldur R. Højgaard skal møguliga undir skurð, og so verður hann ikki tøkur meginpartin av fyrru hálvu. – Eri blivin kannaður niðri í síðstu viku, og teir funnu útav, at eg eri føddur við einum mjadnafeilið, og skal tískil mest sannlíkt opererast, um ikki so langa tíð. Eg komi allarhelst ikki at spæla teir næstu tríggjar til seks mánaðirnar, sigur Haraldur við Sosialin Somuleiðis ljóðar, at tað er ógreitt hvussu støðan er við Hákuni Edmundsson, hóast hann hevur sáttmála fyri komandi kappingarár. Ein veikleiki hjá NSÍ hevur verið støðufesti á miðvøllinum, sum ikki er tað best við so nógvum ungum spælarum. Tí er ein royndur miðvallari eitt boð til eina tilgongd í felagnum. NSÍ hevur fingið til­gongd av mál­verjanum Símun Rógva Hansen. trondur@sosialurin.fo Andre Olsen Hetta boðar heimasíðan hjá Fremad Amager frá. Heimasíðan hevur eina samrøðu við Finn Justinussen og venjaran, John Faxe Jensen, sum báðir fegnast um at føroyski áleyparin hevur longt sáttmálan. Finnur Justinussen sigur í við­ merking. – Eg eri ótrúliga glaður fyri at vera í Fremad Amager, so eg ivaðist ikki leingi í at siga ja, tá ”Faxe” bjóðaði mær at leingja sáttmálan. – Nú havi eg sæð og roynt støðið í deildini, so ætli mær at halda fram við at byggja á, og harvið vísa mínar dygdir, soleiðis at eg komi at spæla so nógv sum gjørligt. John Faxe Jensen fegnast eisini um at føroyski áleyparin heldur fram í felagnum. – Finnur veit akkurát hvat eg vænti av honum, og hann arbeiðir gróthart hvønn dag fyri at levera. Hansara dygdir passa væl inn í okkara hóp. Við honum, Nicolas Mortensen og Younes Nielsen hava vit tríggjar ymiskar typur av áleyparum at spæla uppá. - Hetta komandi hálvárið ræður um at hava so nógvar streingir at spæla uppá sum gjørligt. Umframt Finnur Justinus­sen eru føroysku leikararnir í Fremad Amager eisini Heini Vatnsdal og Christian Lamhauge Holst.