týsdagur 26. januar 2016síða 60

VIKA 4 • 25. JANUAR 2016 28 MIÐLAHÚSIÐ ÓKEYPIS LÝSINGARBLAÐ Eingin tekur Gordrúgvan av Oyri Vilmund Jacobsen T að hevur gingið væl hjá út- róðrarbátinum, Gordrúgvanum, sum er heimahoyrandi á Oyri. Tað er Sámal Debes á Oyri, sum eigur og rekur bátin. Veiðivirðið í fjør og fyrraári lá um góðar 4 miljónir krónur hvørt árið, og tað er bæði gott og flott. Gordrúgvin er ikki nakar stórur bátur. Hann fiskar í bólki 5A, sum eru fullriknir útróðrarbátar undir 15 tons. Tó, at Gordrúgvin, sum er ein íslendskt bygdur glastrevjabátur, er nógv minni enn teir størru útróðrar- bátarnir, sum vit eitt nú kenna úr Klaksvík, ger báturin setur við sínum - vanliga - 42 stampum, ið eru minst líka so góðar sum seturnar hjá teimum størru bátunum. Gordrúgvin, sum er bygdur á báta- smiðjuni Mótun hf á Hafnarfjørðinum í Íslandi í 2002, er stívliga 10,4 metrar langur og stívliga 3,6 metrar breiður. Maskinan er ein Cummins 232,93 KW. Kennibókstavirnir eru FD 359, og báturin er skrásettur á Oyri, har eigarin eisini býr. Línan verður sett úr trakt og verður umrikin í skúri niðri við bátahylin á Oyrarbakka. Tað eru tilkomnir, miðalaldrandi og ungir menn, sum rekja línuna, einir seks til átta í tali, og umframt, at tveir mans vanliga eru við bátinum, tá sett og drigið verður, er ein maður knýttur at arbeiðnum í landi. Gordrúgvin heiðraður Seinnu árini, meðan fleiri útróðrar- menn eru givnir at rógva út vegna vánaliga toska- og hýsuveiði, eru tað tó nakrir menn, sum øll hesi ár hava fingið tað at bera væl til. Á Føroya Sjómannadegi í Klaksvík eru Gordrúgvin, eigari og manning áður heiðrað fyri bæði størstu nøgd og størsta veiðivirði. Tað er ikki at taka seg aftur í, at Sámal Debes og hansara menn teljast millum raskastu og dugnaligastu út- róðrarmenn í Føroyum. Vikublaðið skifti orð við Sámal seinasta týskvøld, júst tá teir hetta kvøldið vóru byrjaðir at draga teir fyrstu stamparnar av 42, sum teir høvdu sett. Dagin fyri, mánadagin 4. januar, høvdu teir eisini verið á útróðri. Hetta var fyrsti túrur í ár, og henda dagin høvdu teir 9.000 pund á setuni, sum teir seldu fyri umleið 90.000 krónur. Meginparturin av veiðini norðan hesa ársins tíð er toskur, góður og feitur fiskur. Ein arbeiðsdagur hjá útróðrarmonnum við 42 stampum er langur, og tað er skjótt, at tímatalið ein slíkan dag táttar í einar 16-18. Sámal Debes sigur, at tað er fiskur at fáa, tá roynandi er, men soleiðis, sum veðrið hevur háttað sær í longri tíð, hava dagarnir verið ógvuliga fáir higartil í vetur. – Eftir okkara mátistokki hevur fiskaprísurin verið góður teir fyrstu dagarnar av árinum. Hinvegin haldi eg ikki, at 20 krónur fyri kilo er ov nógv fyri daggamlan og væl hagreiddan útróðrarfisk, sigur útróðrarmaðurin. vilmund@sosialurin.fo Fyrsta setan hjá Gordrúgvanum í ár gav 9.000 pund, og henda dagin seldu teir fyri umleið 90.000 krónur Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo Bilurin á myndini er ein Austin A40 hjá Arna Magnussen (hjá Bókbindaranum) á Tvøroyri. Hann keypti hann frá lækn- anum Eivind Rubek Nielsen á Tvøroyri. Bilurin, sum var høgrastýrdur, var svartur við reyðum leðursetrum. Hetta modellið var gjørt av BMC (British Motor Company) frá 1952 til 1954. Her hjá okkum var tað Charles Mauritzen & Co. í Havn sum seldi Austin. Myndin er tikin við Bethel í Vági einaferð í sekstiárunum. Maðurin fremst á myndini í keppi er Dias Godt- fred í Vági, og maðurin undir hatti er J.F. Kjølbro úr Klaksvík. Mynd: Ingolf Gunnarsson SKIPASØGA BILASØGA Austin A40 hjá Arna Magnussen Seinnu árini, meðan fleiri útróðrarmenn eru givnir at rógva út vegna vánaliga toska- og hýsuveiði, eru tað tó nakrir útróðrarmenn, sum øll hesi ár hava fingið tað at bera væl til. Ein teirra er Sámal Debes á Oyri