hósdagur 28. januar 2016síða 3

FRÍGGJADAGUR 29. JANUAR 2016 SOSIALURIN 12 3 Starvsfólk til Deildar- tænastuna Nú hevur tú møguleikan at gerast partur av einum nútímans og altjóða arbeiðsplássi í støðugari menning. Vit søkja eftir fleiri dugnaligum starvsfólkum til Deildartænastuna í Havn. Deildartænastan hevur ein týðandi leiklut innanhýsis í BankNordik. Deildin loysir ymiskar fyrisitingarligar uppgávur fyri kundaráðgevar bankans í Føroyum, Danmark og Grønlandi. Virksemið á deildini verður nú víðkað, og í tí sambandi tørvar okkum fleiri dugnalig og nærløgd starvsfólk. Um starvið Arbeiðið á deildini er skipað í ymisk toymi, og hvørt toymi hevur sítt ábyrgdarøki. Starvið gevur tær møguleika at savna teg um ávís útvald evni, og sostatt fært tú høvi at menna tínar førleikar innan eitt ávíst starvsøki. Millum nógvu uppgávurnar, ið Deildartænastan hevur um hendi, er: Uppgávur í sambandi við keyp og sølu av ogn Uppseting av lánsskjølum í sambandi við bústaðarlán og realkredittlán Uppgávur viðvíkjandi pensjón og trygging Viðgerð av deyðsbúgvum Ymiskar aðrar fyrisitingarligar uppgávur Førleikakrøv Tað er ein fyrimunur, um tú ert útbúgvin innan banka, skrivstovuøkið ella hevur aðra viðkomandi útbúgving. Eisini er tað ein fyrimunur, um tú hevur arbeiðsroyndir frá eitt nú banka, húsameklara, advokati ella skrivstovu. Vit vænta, at tú loysir allar uppgávur við nærlagni, og at tú harumframt hevur eitt sjálvstøðugt arbeiðslag. Gerandisdagurin á Deildartænastuni er merktur av tøttum samstarvi millum toymini og av nógvum samskifti við starvsfelagar í Føroyum, Danmark og Grønlandi. Tí er tað umráðandi, at tú ert tænastusinnað/ur, samstarvssinnað/ur og fyrikomandi í sambandinum við starvsfelagar. Vit bjóða Eitt spennandi starv við góðum møguleikum fyri fakligari og persónligari menning í einum góðum og nútímans arbeiðsumhvørvi. Tú verður partur av eini fakliga sterkari og eldhugaðari deild, sum leggur stóran dent á at skapa trivnað umframt eitt jaligt og livandi arbeiðsumhvørvi. Umsókn Skrivlig umsókn við lívsrensli (CV) og viðkomandi prógvum skal vera okkum í hendi í seinasta lagi mánadagin 15. februar 2016. Umsóknin skal sendast til hr@banknordik.fo. Vilt tú vita meira um starvið, ert tú vælkomin at seta teg í samband við Óluvu Zachariassen, deildarleiðara, á oz@ banknordik.fo ella á tlf. 230 459. www.banknordik.fo