hósdagur 28. januar 2016síða 21

FRÍGGJADAGUR 29. JANUAR 2016 SOSIALURIN 12 21 KLUMMAN Eirikur í Jákupsstovu Fløgg, byrsur og Glasir Tey stóru symbolini hava verið frammi hesa vikuna. Tað fyrsta stóra symbolið er, at danir hava talt flaggstengur, so teir kunnu flagga fyri føroyingum (og grønlendingum). Í Føroyum fer Grønland altíð í parantes, men aðrastaðni eru tað Føroyar í parantesini. Tað næsta er, at skúlin í Marknagili hevur fingið navn og logo. Og so hevur mister »tough on crime«, Aksel V. Johannesen, eisini lagt eina teljing til rættis: Hvør einasta byrsa í landinum skal teljast. Lat meg byrja við at siga, at hetta hevur onki uppá seg. Onki av hesum tingunum hevur ávirkan á okkara dagligdag, men kort­ ini... Hetta er nakað, sum vit halda vera áhuga­ verdari at kjakast um enn veðurlags­broytingar, olju­prísir­nar og so framvegis. Undantakin eru sjálvandi tey samkyndu. Tey tíma vit altíð at kjakast um. Serliga um onkur doktari úr USA kemur til Føroya. Ongin fortelur tó, at hann hevur lisið mál og ikki gudfrøði. Men aftur til symbolini. Um vit byrja við fløggunum, so er tað sjálvandi super, at danir ætla sær at keypa 534 eintøk av Merkinum – ikki minst hjá teimum, sum selja fløgg. Onkur heldur hesa flagg­teljing­ina vera eitt slag av imperialismu, men kanska eru danskararnir bara fittir. Ella hevur kona Løkke verið eitt sindur grumm ein dag, og so hevur statministarin sett embætis­ menninar í sving. Orsøkirnar kunnu vera so mangar. Men hvat er so at flagga fyri við Merkinum? Tað er í hvussu so er ikki hatta byrsumálið. Eg eri uppvaksin á bygd í Føroyum og haldi, at eg burdi átt eina byrsu ella fleiri. Tað ber ikki til at vera føroyingur og ikki eiga eina byrsu til at skjóta harur og fugl við. Hetta hevur tó ikki verið nakað problem. Eg havi búð í Danmark og havi í tí stilla glett meg til dagin, tá eg kann fara inn til Svend Krosstein og siga við tey: »Hey sølumaður. Eg kundi hugsað mær nakrar byrsur. Hevur tú eina dublett og tvær pump- guns?«, og so sigur sølumaðurin við meg: »Ja, tað havi eg beint her. Tú fert bara avstað við teimum.« Men nú havi eg fingið eitt lítið problem. Allir byrsueigarar skulu skrásetast, og so fer onkur at sita hjá tí almenna við einum lista av »ordiligum« føroyingum. Men eg veri ikki á listanum. Og tá mann veit, hvussu føroyingar slatra, so verður tað er ekstremt pínligt, tá tey fara at loypa út í orð, at eg onga byrsu eigi. Eg ringdi tí til ein vinmann, og bað hann fara til Havnar at keypa mær nakrar byrsur, so tað ikki verður alt for pínligt. Kanska er tað bara blivið neyðugt at vera strangari við hesum byrsunum, nú mann hevur fingið eitt »College« í Føroyum. »Tórs­ havn College school shootings« er í hvussu so er nakað, sum vit vóna at sleppa undan. Ja, hetta er nokk skít býtt sagt, men Marknágils­ depilin hevur fingið eitt navn. Akkurát sum hann ikki hevði eitt navn áðrenn... Men nú er altso tað ordiliga navnið komið til flottu og dýru byggigøluna í Marknagili. Hvussu er og ikki, so fann mann onkustaðni peningin til eina navna- og logokapping. Logo’ið er runt og gull. Nógv logo eru rund ella tað, sum líkist. Til dømis Manchester United og Københavns Universitet. So tað er onki kontro­versielt í tí. Inni í stendur onki, men tað eru fleiri rundingar. Tað minnir onkursvegna mest um eitt niðurhøgt træ. Vónandi er tað ikki tað, sum verður gjørt uppi í Marknagili. Vónandi er meiningin hinvegin, at tey ungu skulu vaksa og mennast. Og so er tað hatta navnið. Glasir – Tórshavn College. College halda nógv vera beinleiðis skeivt at kalla ein miðnámsskúla í okkara amerikaniseraða samfelagi, men í Onglandi er heitið rætt. Fyri sjálvútnevndu verjarnar av móðir­málinum er tað skeivt undir øllum um­ støðum, tí tað er ikki føroyskt. So er tað Glasir. Rættiliga glæsiligt heldur onkur. Ikki minst áðurnevndu málverjarnir. Tað er nógv eg ikki skilji, og hatta er eitt av teimum tingunum. Hinvegin kann tað eisini vera, at skúlin verður ein líka stór suksé sum tá Handilsháskúlin í Keypmannahavn skifti navn til Copenhagen Business School. Altjóða viður­kenda Tórshavn College! Tað verður nakað at flagga fyri! Hvat ger mann so í Glasi? Jú, soleiðis bendist tað eftir øllum at døma, hóast eg ikki vænti, at næmingarnir har úti í Marknagili fara at gera tað. Ja, í Glasi kann mann alt møgu­ligt. Mann kann taka miðnám, læra til frisør, bilmekanikara. You name it, so er tað í Glasi. Nú fara øll at ganga »í« ella »á« Glasi. Tað velst sjálvandi, um mann hevur rætta ella meira vanliga orðið frammanfyri Glasir. Og tað er nú mann brádliga skilir, at danir fóru út at telja flaggstengur fyri at kunna flagga fyri okkum! Tað er altso rímiliga impo­ ner­andi, at okkara ungu fara at ganga á glasi í fleiri ár. Men veruleikin er, at hetta loysir seg alt sjálvt. Fløggini ger neyvan nakran skaða, vin­ mað­urin keypir mær byrsu og skúlin verður sikkurt super. Hetta er ikki meira enn stormur í Glasi. Vetrarjazzur í høvuðs­ staðnum Um vikuskiftið verður ein ørgrynna av jazzi at hoyra í høvuðsstaðnum. Norðurlandahúsið saman við Reinsarínum, Kaffihúsinum, Sirkus og Hvonn, er aftur í ár karmur um Vetrarjazz. Skráin í ár er forkunnug við m.a. Eivør, DR Bigband og DR VokalEnsemble, Anniku Hoydal umframt tað besta í føroyskum jazzi. Har verða konsertir, barnakonsertir, Jam sessions, verkstova, skrúðgonga, poetry slam og mangt annað at uppliva. Art night og Party night Fríggjakvøldið og leygar­ kvøldið er Reinsaríið karmur um fleiri jazzkonsertir. Fyrra kvøldið verður kallað Art Night, meðan seinna hevur fingið heitið Party Night. Sí meira á reinsariid.fo Van Der Graaff í Reinsarínum fyri tey ungu Nú fer Reinsaríið undir konsertir í dagtímunum, og bjóðar tí dagstovnum og frítíðarskúlum til interaktivan opera sjónleik við Van der Graff, fyrsta sýning er 25. januar. Van der Graaff er ein operaleik­- bólkur við teimum fýra: Jensinu Olsen, Herfinni Árnafjall, Kim Hansen og Jákupi Veyhe. Í ár bjóða tey til sýning á Reinsarínum – fram­førslan er ein blandingur av  sangum, tónleiki, komikki og improvisatión, har operasangur leiðir okkum ígjøgnum søgu­ gongdina. Leikurin verður sýndur kl. 10 fyri dagstovnum og kl. 14 fyri frítíðarskúlum, dagarnar 25.-29. januar og 1.-5. februar