mánadagur 1. februar 2016síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 01. februar 2016 · Nr. 13 ÍTRÓTTUR FÓTBÓLTUR ÚTLENDSKUR STUTTSØGD ÍTRÓTTARTÍÐINDI UPPFLYTINGIN ER EITT KRAV Pætur Albinus FÓTBÓLTUR FC Barcelona vann um vikuskiftið týdningar­mikl­ an sigur ímóti einum av tættastu kappingar­neytun­ um, Atlético Madrid, sum nú er trý stig aftanfyri – Barcelona hevur enntá ein dyst tilgóðar. Lívligi dysturin endaði 2-1 til Barcelona. Koke legði gestirnar á odda, men Messi og Suarez tryggjaðu Barca-sigur í einum dysti, har bæði Felipe Luis og Diego Godin fingu reytt kort. Real Madrid hongur í oddinum í La Liga eftir ein knúsandi 6-0-sigur ímóti Espanyol í gjár. Cristiano Ronaldo skeyt hattrikk, Karim Benzema og James Rodriguez hvør sítt, meðan tað sætta var sjálvmál. Real Madrid er á 3. plássi eitt stig aftanfyri Atlético Madrid og fýra stig aftanfyri FC Barcelona. Tað gongur av skriðuni hjá Gary Neville við stýrisvølin í Valencia. Í gjár hevði Valencia vitjan av einum av botn­liðun­um, Sporting Gijón, sum vann dystin 1-0 ímóti heimaliðnum, sum nú ikki hevur vunnið í La Liga í seinastu 11 royndunum. Bayern München er ikki til at rokka í týsku Bundes­liguni, har Robert Lewandowski við tveim­um mál­um í 2-0-sigrinum ímóti Hoffenheim syrgdi fyri, at Bayern München fram­vegis er seks stig frammanfyri nærmasta eltaran, sum er Borussia Dortmund. Eftir eitt vána­ligt kappingar­ár higartil hevur AC Milan nú fingið sam­band við evropeisku plássini aftur. Tað hendi eftir ein 3-0-sigur ímóti arva­fíggindan­um, Inter Milan. Alex, Carlos Bacca og Mbaye Niang stóðu fyri málunum. Inter misnýtti brots­spark og fekk venjaran burturvístan. Kappingin um fremsta plássið í italsku Seriu A stendur við, har Juventus – hóast 12 sigrar á rað – enn ikki hevur fingið fatur á Napoli, sum er tvey stig fram­man­ fyri. Juventus vann í gjár 4-0 á útivølli ímóti Chievo Verona, meðan Napoli heima vann 5-1 ímóti Empoli. Eftir 23 leikumfør er PSG framvegis ósigrað í bestu deildini í Fraklandi, har nærmasta lið, AS Monaco, er heili 24 stig aftan­fyri. Hetta viku­skiftið vann PSG 2-0 á úti­vølli ímóti Saint- Etienne. Zlatan Ibrahimo­vic s k o r a ð i bæði mál­ ini. Eftir eitt miseydnað tíð­ar­ skeið í Newcastle, er franski Florian Thauvin nú út­leigað­ ur til Marseille í heim­landin­ um, haðani hann skifti til Newcastle í fjør. 23 ára gamli leikar­in er útleigaður rest­ina av kappingar­ár­in­um, men hevur sátt­mála fram til 2020. Ein av yvir­skots­áleypun­ um í Chelsea, Patrick Bamford, er blivin út­leigað­ ur til Norwich restina av kappingarárinum. 22 ára gamli Bamford er júst liðugur við miseydnaðan leigusáttmála í Crystal Palace, men riggaði annars væl sum útleigaður í Middlesbrough í fjør, har hann varð kosin ársins spælari í Championship. Chelsea boðaði leygar­ dagin frá, at sáttmáli er gjørdur við 20 ára gamla verjuspælaran úr USA, Matt Miazga. Hann kemur til Onglands úr felagnum New York Red Bulls. Miazga er 20 ára gamal og hevur spælt ein landsdyst fyri USA. Føroyingarnir í Vend­ syssel FF fáa eftir øllum at døma nýggjan lið­felaga fyrsta dagin. Eftir royndar­ venjing skrivar bold.dk, at felagið ynskir at gera sátt­mála við 23 ára gamla brasilska áleyparan, Tiago Leonco, sum seinast spældi við Farense í Portugal. Fyrrverandi Chelsea- leikarin, Florent Malouda, hevur gjørt sáttmála við egyptiska felagið Wadi Degla. 35 ára gamli franski vongleikarin hevur verið víða um á yrkisleið síni, og seinast spældi hann við Delhi Dynamos í India. BORÐTENNIS Tvey Grand Prix-umfør hava verið í Trongisvági um vikuskiftið. Føroyski útisetin, Fróði Fríðason Jensen, vann báðar kapping­ ar­nar frammanfyri Pæturi Albinus í tí fyrru og Peteri H. Niclasen í tí seinnu. Í samlaðu kappingini hevur Pætur lítlan fyrimun ímóti Peter, nú einans eitt umfar er eftir. HONDBÓLTUR Besta liðið í EM-enda­spæl­ in­um er nú sett: Mál­verji: Andreas Wolff (Týskland) Vinstri vongur: Manuel Strlek (Kroatia) Vinstri bakkur: Michal Jurecki (Pólland) Miðja: Sander Sagosen (Noreg) Høgri bakkur: Johan Jakobsson (Svøríki) Høgri vongur: Tobias Reichmann (Týskland) Strikuspælari: Julen Aguinagalde (Spania) Lutakast hevur nú verið til OL-undankappingina. Danmark er komið í bólk saman við Noreg, Kroatia og Bahrain. Kappingin verður spæld 8. til 10. apríl, og tað eru tvey tey fremstu liðini í hvørjum bólki, sum spæla seg víðari til OL-endaspælið í Rio de Janeiro í summar. SÚKKLING Femke van den Driessche úr Belgia er ákærd fyri at hava svikað til U23- HM í fjallasúkkling. Fyri­ skipararnir funnu ein inn­ bygdan motor í súkkluni hjá henni, men hon tvíheldur um, at ein vinkona hennara eigur súkkluna, og at bland kom í súkklurnar áðrenn kappingina. SVIMJING Danska svimjisambandið hevur boðað frá, at tað nú á fyrsta sinni verður skipað fyri Dansk Svømme Awards. Tiltakið verður 19. apríl í ár, har út­nevningar­ nar vera í Årets Dame­ svømmer, Årets Herre­ svømmer, Talentprisen, Den Gyldne Badehætte, Årets Træner, Upcoming Træner, Årets klub, Årets ildsjæl og Officialprisen TENNIS Ársins fyrsta Grand Slam- kapping er av, nú Australian Open-finalur vóru um viku­ skiftið. Novak Djokovic vann mansfinaluna 6-1, 7-5, 7-6 ímóti Andy Murray. Hetta var sættu ferð, at hann vann Australian Open, og tað hevur bara ein, Roy Emerson, megnað. Í kvinnukappingini var talan um ein óvæntaðan vinnara. Angelique Kerber, sum er 28 ára gomul, vann sína fyrstu Grand Slam- kapping eftir óvæntaðan sigur ímóti heimsins besta spælara, Serenu Williams. Hon vann 6-4, 3-6, 6-4. Pætur Albinus Vendsyssel FF hevur stað­ið seg sera væl áðrenn vetrar­ steðgin, har liðið við góðari hjálp frá Halli Hans­syni og René S. Joensen hevur vunnið seg heilt upp á 2. plássið. Í løtuni eru teir seks stig framman­fyri nummar fýra, har uppflytingar­ markið er. Fyri at betra um møgu­ leikarnar fyri upp­flyting, so hevur Vendsyssel FF repað seglini í vetrarsteðginum. André Riel, Brandao og Søren Henriksen eru komnir til felag­ið í vetrar­steðgin­um, væl at merkja umframt Brandur Hendriksson, sum er leigaður í FCK. Brandur, sum nú er fjórði føroyingur­in í felag­ num, hevur stórar vónir um at flyta upp. Tað sigur hann í samrøðu við lokala blaðið, Nordjyske, sum fylgir liðnum væl. – Uppflytingin er heilt greitt málsetningurin – ja, tað er nærmast eitt krav. Vit hava eitt sera gott lið, og vit hava longu spælt væl í teimum fyrstu venjingardystunum, hóast tað sjálvsagt eru nøkur ting, sum vit skulu betra, sigur Brandur við blaðið. Fyrsti dystur hjá Vendsyssel FF eftir vetrarsteðgin verður á útivølli ímóti FC Roskilde tann 13. mars. Tað sigur Brandur Hendriksson, sum eftir vetrarsteðgin í donskum fótbólti skal royna at spæla Vendsyssel FF upp í Superliguna.