týsdagur 2. februar 2016síða 14

Mikudagur 3. februar 2016 · Nr. 14 14 Sosialurin Hugskot og viðmerkingar – send sms til 225000 Barbara Holm Seinastu dagarnar hevur Tórs­gøta í Havn verið á trem­ ur við børnum í øllum aldri. Orsøkin er, at eitt serstakt tiltak er í Reinsarínum hvønn dag klokkan 10 og 14. Tey lítlu fara oman í Tórs­ gøtu til tað, sum ivaleyst mong vaksin ongantíð hava upp­livað – tey fara til opera. Herfinnur Árnafjall, Jákup Veyhe, Kim Hansen og Jensina Olsen eru tey, sum manna bólkin Van Der Graff, sum stendur fyri hes­um serstaka tiltaki. Tað byrjaði á G! festivalinum í fjør­summ­ ar, og síðani er opera­leik­urin fluttur inn í Reinsaríið. Mamma Knút stríðist við at fáa lítla Knút at fara út at spæla. Men Knút vil ikki, tí hann vil heldur spæla við sín teldil. – Tey flestu børnini kenna hesa konfliktina. Hetta við, at foreldrini vilja hava tey út, men tey vilja heldur spæla teldil, sigur Jákup Veyhe. Og tað er samskifti mill­ um mammuna, abban og lítla Knút, sum leikurin byggir á. – Nógv í leikinum snýr seg um tað rokilsi, sum stendist at hesari ósemju, leggur Herfinnur Árnafjall aftrat. Í teldlinum spælir Knút spøl, har hann skal fanga fisk­ar, fuglar og onnur djór, og tá Knút umsíðir fer út at spæla, líkist tað ikki sørt spøl­unum á teldlinum. – Vit merkja væl, at børn heilt niður í trý ára aldurin kenna til hesa støðuna, sigur Jákup Veyhe. Børnini spæla við Operaleikurin er skipaður so, at børnini eru ein partur av leikinum. Leikararnir spyrja tey um eitt hvørt og inn­ draga tey javnan í leikin. – Tað merkir eisini leik­in. Vit hava eina fasta søgu sum grundarlag, men kort­ini er rúmd fyri nógvari improvisa­ tión. Onkuntíð syngja vit meir, onkun­tíð minni. Og summ­ar tíðir taka vit heilt aðrar sangir við í leikin, um vit uppliva, at børnini fegin vilja tað, siga teir báðir Jákup Veyhe og Herfinnur Árnafjall. Higartil hevur undirtøkan verið góð, og húsið hevur verið á tremur at kalla hvørja­ferð. Bogi Andreassen, leið­ari í Reinsa­rínum vísur á, at opera­leikurin skal síggjast um eina royndar­verkætlan. – Vit hava leingi viljað fing­ið lív í Reinsaríið um dagin, og samstundis skapt eitt hvørt góðskukent tiltak til børn. Og higartil mugu vit siga, at undirtøkan og aftur­meld­ingarar hava verið sera góðar, sigur Bogi Andreassen. Sum nú er, stendur leik­ urin til at takka fyri seg um eina viku ella so, men endalig av­gerð er ikki tikin um tað enn. Leygardagin eru einastu al­mennu sýningarnar av leik­inum á skránni klokkan 13.00 og 15.00 – annars eru hinar sýningarnar fyri ymisk­ar dagstovnar, frítíðar­ skúlar og líknandi, sum hava um­biðið pláss. – Vónandi kunnu vit halda fram við enn fleiri sýn­ing­um, sigur Bogi Andreassen at enda. barbara@sosialurin.fo KNÚT TÍMIR IKKI ÚT FRÁ TELDLINUM – Operaleikurin byggir á søguna um lítla Knút, sum ikki tímir út, tí hann bara spælir við teldil. Tað er tragi­ komiskt at síggja, at øll børn kenna seg aftur í tí støðuni – eisini tey trý ára gomlu, sigur teir báðir Jákup Veyhe og Herfinnur Árnafjall, sum saman við Jensinu Olsen og Kim Hansen bjóða børnum inn til operaleik í Reinsarínum BARNAOPERA Eitt serstakt barnaopera tiltak er í Reinsarínum hvønn dag klokkan 10.00 og 14.00 Myndir: Álvur Haraldsen