týsdagur 2. februar 2016síða 30

Mikudagur 3. februar 2016 · Nr. 14 30 Sosialurin Hugskot og viðmerkingar – send sms til 225000 ÍTRÓTTUR Tróndur Arge Manchester City, Man­ chester United, Liverpool, Chelsea, Arsenal, Tottenham, Real Madrid, Juventus og FC Barce­lona høvdu eitt til felags í gjár. Onki av teimum stóru feløgunum kring Evropa rørdi upp á seg. Tíðin, tá tú sat við spenn­ ingi og av røttum kundi vænta eina sjokkflyting, er at síggja til farin. Tað er ein farin tíð fyri toppfeløgini í Evropa, tað er partvís ein farin fyri feløgini longur niðri á altjóða stiganum, um­ framt at tað er ein farin tíð í før­oyskum fótbólti. Staðfestingin av vant­ andi spenninginum hesa ferð var, tá TV3 Sport í stað­ in fyri at kunngera, at flyt­ ingar­vindeygað var latið aftur, tosaði við ein danskan hjálpar­venjara í Kina. Spenn­ ing­urin var bara ikki til stað­ ar hesaferð. Robinho tíðin farin? Tey flestu, sum fylgja væl við í enskum fótbólti minnast helst, tá Manchester City á seinasta flytingardegnum á sumri í 2008 keypti brasilska Robinho. Sheikh Mansour hevði keypt felagið sama dag, og nærmast stjól Robinho frá Chelsea. Løtu seinni kunn­ gjørdi Manchester United, at felagið hevði keypt bul­ garska Dimitar Berbatov fyri 300 milliónir krónur frá Tottenham. 31. januar 2011 stendur eis­ini fastur í minninum hjá teimum flestu fótbólts­ áhug­aðu. Tað var dagurin, tá Cheslea keypti Fernando Torres frá Liverpool fyri eina hálva milliard krónur frá Liver­pool. Til at fylla holið, keypti Liverpool ein held­ur ókendan Luis Suarez fyri 200 milliónir krónur, með­an tað kom púra óvart á, at Liverpool langaði áleið 350 milliónir krónur á borðið fyri Andy Carroll. Tað henda framvegis óvænt­aði skifti á seinasta flyt­ingar­degnum. Tey mundu ikki vera nógv, sum vistu um Anthony Martial, tá Man­chester United brádliga keypti hann fyri yvir 350 millión­ir krónur í útbetaling. Tó tykist tað, sum feløgini í størri mun hava tamarhald á hópinum, tá seinasti dagurin á flytingarvindeyganum nærk­ast. Flestu skiftini eru longu væl ávegis, hóast tað í fleiri førum verður kunn­ gjørt á so kallaða »transfer dead­line day«, sum dagurin verður rópur í Onglandi. Vil ongin vinna Premier League? Tað er at kalla opið kríggj í Premier League, har kapp­ ing­in kanska aldrin hevur verið so ring at meta um, sum hesaferð. Manchester City og Arsenal eru eitt stórt keyp frá, at kunnu kalla seg favo­rittar, men hvørki av feløg­unum rørdi nakað ser­ ligt upp á seg í januar. Stóru tíðindini mána­ dagin vóru, at Pep Guardiola varð kungjørdur sum kom­ andi venjari hjá felag­num, eftir hetta kappingarárið. Arsenal keypti eina ífyllu á miðjuna í Mohamed Elneny, sum kostaði áleið 50 milliónir krónur. Hann broyt­ir ikki nakað í mun til stríð­ið um at vinna Premier League hetta kappingarárið. Tað verður heldur upp til menn sum Alexis Sanchez og Mesut Özil. Leicester er púra óvænt­ að oddalið, men heldur ikki Claudio Raineri tveitti peng­ ar eftir styrki. Miðverjin Daniel Amatrey kom til frá FCK, meðan 19 ára gamli Demarai Gray bleiv keypt­ ur frá Birmingham. Saman­ lagt kostaðu teir áleið 100 milliónir krónur, men skift­ ini vóru upp á pláss í góð­ari tíð, og viga lítið aftur ímóti øðr­um skiftum, ið eru gjørd á sein­asta degnum í flytingar­ vind­eyganum. Tottenham er á fjórða plássi í løtuni, sum gevur at­gongd til Champions League og nógvar milliónir krón­ur. Felagið hevur ein gyltan møguleika at vinna sær atgongumekið, sum mill­um annað Manchester United og Liverpool tráa eftir, men felagið hevur bara ein áleyp­ara. Blívur Harry Kane skadd­ur, er ilt at síggja hvør skal avloysa hann. Totten­ham hevur enn ein lítlan møgu­lika at gera tað ótrú­liga, og vinna Premier League. Hóast hetta, so valdi Totten­ham einki at gera. Tú kundi spurt teg sjálv­ an, um ongin vil vinna Premier League? Svarið er helst, at feløgini ikki hava funn­ið spælarar, sum eru verdir peng­arnar, ið skulu til at keypa teir. Og í øðrum lagi, at feløgini arbeiða við eini lang­tíðar­ætlan, sum tey ikki eru sinnaði at víkja frá. Klopp og Gaal í ørviti? Manchester United og Liver­ pool eru tvey feløg, sum skríggja eftir nýggjum spæl­ arum. Manchester United spælir so illa, at við­halds­ fólk­ini heldur vilja síggja mál­ing torna, meðan Liver­ pool rakar so illa málið, at tú ivast um áleypararnir høvdu rakt vatnið, um teir dottu úr Titanic. Stóru trupulleikarnar hava eisini fingið fjøl­miðlar­ nar, at seta feløgini í sam­ band við fleiri spælarar. Man­chester United er sett í sam­band við spælarar sum Edinson Cavani, sum er í svørtu bólk hjá Laurent Blanc, eftir at venjarin hjá PSG var úti og segði, at spæl­ arin ikki er glaður í franska høvðus­staðnum. Tó bendir einki á, at Man­ chester United hevur um­ ØRI FLYTINGAR­ DAGURIN ER EIN FARIN TÍÐ Tað var lagt upp til enn ein stóran og spennandi dag, tá flytingarvindeygað lat aftur kring Evropa mánadagin. Úrslitið varð tó langt frá tí stemninginum, sum miðlarnir geilaðu upp Fótbóltur