hósdagur 4. februar 2016síða 21

FRÍGGJADAGUR 5. FEBRUAR 2016 SOSIALURIN 15 21 KLUMMAN Barbara Holm Verðin verðin Á síðuni her sært tú eina kanning, sum spyr.fo hevur gjørt fyri Vikuskiftis Sosialin. Ein kanning, sum hóast vit eru vitandi um tað, onkursvegna skelkar. Brúkar ein av fimm veruliga skermar meira enn 8 tímar um dagin? Okey, kanska eru tað tey, sum arbeiða við skermum, og vit eru ivaleyst mong, sum gera tað. Eg geri tað, til dømis. Og tá eg komi heim, ja so eru nakrir skíggjar rundan um meg eisini. Nú eg hugsi um, so hyggi eg kanska í skermar allan dagin – uttan tá eg sovi. Tá eg sovi er nærmasti skermurin mín telefon, sum jú er vekjarin. So í veruleikanum eri eg bundin at skermum alt samdøgrið. Uttan kanska nakrar smáløtur her og har. Uha.. Verðin, verðin. Men tað vísir seg, at eg eri ikki tann einasta. Spyr.fo váttar tað vit mangan hava staðfest áður – at øll eru vit bundin at skermunum, at tøknini, at undirhaldinum í fýrkantunum, sum vit umgirða okkum við. At hugleiða um, hvussu lítla meining tað í veruleikanum gevur, tími eg ikki, tí tað vita vit øll. Tað er eitt sindur sum at siga við roykjarar, at tað er skaðiligt at roykja. Ja, tað vita vit. Herfyri var tó enn ein kanning í umfar á Facebook, sum segði, at tú mást ikki hava tína snildfon í buksilummanum ella í brósthaldaranum, tí tú fært krabbamein av tí. Also kvinnur fáa telefonforma bróstkrabba, um telefonin javnan býr í brósthaldaranum. Ein dagin hugdi eg aftur eftir MadMen – sendirøð í 50’unum – har tey roykja inni. Tey ikki bara roykja inni, tey pumpa eina sigarett fyri og aðra eftir, alt meðan børn sita í sama rúmi, ella makin svevur undir liðini. Í dag er tað óhugsandi. Kanska verða skermarnir óhugsandi einaferð í framtíðini. Kanska fara vit at hyggja aftur á 2016 og flenna, tí vit vóru so býtt at hava skermar frammanfyri okkum alt samdøgrið. Tað hevði í hvussu so er verið gott fyri bróstini, sigur skermurin, tá ið eg trýsti á tiltikna bláa f’ið í mínum yndisbredda. No more telefonformaðan bróstkrabba í framtíðini, tá vit eru klókari enn í dag. Verðin, verðin. Niels og Eilin tulka sálmar hjá Mikkjali á Ryggi Klingran í Norður­landa­hús­ inum verður sunnudagin karmur um eina konsert við Niels Midjord og Eilin Hansen, har tey bæði fara at tulka sálma­røðina ”Faðir vár hjá Mikkjali á Ryggi. Sálmarøðin fevnir um sálmar nr. 394-404 í sálmabókini. Konsertin verður sunnudagin klokkan 16. Síðstu sýningarnar av Van Der Graaff Síðstu sýningarnar av interaktiva opera sjónleikinum við Van der Graff verða um vikuskiftið. Van der Graaff er ein operaleikbólkur við teimum fýra: Jensinu Olsen, Herfinni Árnafjall, Kim Hansen og Jákupi Veyhe. Framførslan er ein blandingur av sangum, tónleiki, komikki og improvisatión har operasangur leiðir okkum ígjøgnum søgugongdina. Leikurin verður sýndur leygardagin klokkan 10 og 14 og sunnudagin klokkan 13 og 15. Sí meira á reinsariid.fo Gávugóðs verður latið fríggjadagin Á almennari samkomu á Reinsarínum fríggjadagin 5. februar kl. 17 verður gávugóðs úr Grunni Thorvalds Poulsen av Steinum latið. Tað er Tórs­havnar Musikkskúli, ið ger tilmæli til Grunnin um, hvussu gávu­góðsið skal býtast, og skúlin skipar eisini fyri hátíðar­haldinum. Ein partur av stuðlinum verður latið einum ný­skrivað verki, ið vísir á ymisk­leikan, sum er í tónleika­undir­vísing. Síðani verður heiðurs­gáva latin ungum tónleikara, sum vísir heilt serligar gávur.