mánadagur 8. februar 2016síða 23

23 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 08. februar 2016 · Nr. 16 ÍTRÓTTUR Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Neli Heldarskarð Pætur E. Jensen Í farnu viku vóru hálvfinalurnar í steypakappingin í hondbólti. Tað er ikki oftari enn so, tað er so stórt fokus á føroyskum hondbólti, sum tá steypakappingin nærkast klimaks. Eg haldi, at Hondbóltssambandið, og hondbóltsføroyar sum heild, eru á rættari kós. Landsliðsarbeiði blómar, men røringur er í menningararbeiðinum. Tó vil eg siga, at serliga vantandi undirtøkan hjá Team Klaksvík vísur, at tað er torført at leggja afturat siðbundnu feløgunum. H71 hevur yvirhálað næstan øll feløgini, og kemur í næstum at bjóða av í kvinnuhondbólti eisini. ÍA er stovnað á Argjum, men enn er langt á mál. Team Klaksvík er ikki einsamalt um at hava tað trupult, tí Tjaldur úr Runavík fór eisini í ommu sína. Í suðri er einki nevnivert av manshondbólti, meðan kvinnuliðið veruliga er flaggskipið, men hevur eisini trupulleikar við at halda ungum spælarum til. Tá vit so hava hálvfinalur í steypakappingini í hondbólti, so er tað avgjørt eitt hugskot, at bara ein dystur er um dagin. Hetta gevur áskoðarunum, spælarunum og fjølmiðlunum, at vísa hvørjum einstøkum dysti størsta ans. Rás2 hevur fylgt øllum hálvfinalunum, men tríggjar ferðir vóru tvær hálvfinalur í senn. Tað gevur framúr dynamik, men eg hugsi at tað kundi verið gjørt meiri burtur úr, um dystirnir ikki vóru sama dag. So fekk hvør dystur sum mest av áskoðarum og áhuga. Hetta er tað sama í fótbólti, har hálvfinalurnar enn eru í senn. Eg haldi, at vit skulu tora at mjólka stóru dystirnar, tí teir eru ikki so nógvir í tali. Hvar fara pengarnir? Nógv kjak hevur verið um pengar í føroyskum fótbólti. Feløgini kæra sína neyð, og serliga FSF stendur fyri skotum, tí feløgini vilja hava meiri pengar í sín lut. Sum tú sær í greinini til vinstru, so stendur ikki á at keypa útlendskar spælarar. Ikki tí, teir skulu vera vælkomnir til føroyskan fótbólt, men tað ber ikki til at bjóða stórar upphæddir til útlendskar spælarar, og samstundis kæra sína neyð um, at ikki eru pengar at reka ungdómsarbeiði. Mangan hevur trupulleikin verið, at ungu spælararnir ikki sleppa framt, men nú er møguleikin, tí tað er í løtuni ein mangul upp á spælarar, tí so nógvir fara av landinum. AB hevur millum annað mist næstan eitt heilt lið seinnu árini, tí menn fara niður at lesa, meðan eftirspurningurin eftir føroyskum spælarum er stórur uttanlands. Hugsi nú um hvat pengarnir enda. Mjólka stóru dystirnar Ítróttar KLUMMAN Tróndur Arge LIBERISKUR SPÆLARI VENUR VIÐ HB Tróndur Arge Hesa vikuna verður ikki nokk at tosa føroyskt til venjing hjá HB. In.fo skrivaði fyrr í vikuni, at serbiski Milan Peric kemur at venja við felagnum. Eftir ætlan skuldi hann koma í farnu viku, men tað er útsett til hesa vikuni. Ynski hjá HB er at finna ein spælara, sum kann umseta møguleikar til mál. HB fær somuleiðis liber­ iska Patrick Toh at royndar­ venja. Hann hevur seinasta árið búð í Danmark, har hann hevur spælt við dan­ marks­seriuliðnum hjá AaB. Her ert tó talan um spælara, sum sjálvur er komin at bjóða seg fram. – Patrick Toh kemur at venja við í kvøld. Hann hevur bjóðað seg fram og er sjálvur komin til landið, sigur Jan Dam, venjari hjá HB. Seinast hevði felagið 26 ára gamla Sebastian Janik úr Póllandi til royndarvenjing. Sum skilst, so verður hann ikki biðin aftur. Fyrrverandi Liverpool spælari til NSÍ NSÍ arbeiðir í løtuni við at fáa styrk til sentrala miðvøllin. Felagið hevði fyri tveimum vikum síðani AB leik­ar­an, Bárður Olsen, til royndarvenjing, sum seinni tó valdi at leingja sáttmálan við AB. Sum skilst, so er eisini ivasamt við Hákuni Edmundsson, sum ikki er nøgdur í felagnum. Í komandi viku kemur tó ein nýggjur maður til royndarvenjing hjá NSÍ. Talan er um eitt lutfalsliga stórt navn í donskum fótbólti, sum tó ikki enn hevur fingið nokk burturúr evnunum. Miðvallarleikarin, Nicolaj Køhlert, sum síðani 2012 hevur spælt á besta liðnum hjá Silkeborg, kemur til landið, og royndarvenur hesa komandi vikuna. Hetta váttar Sonni L. Petersen fyri in.fo. – Vit fáa ein danskan mið­vallara til landið, sum venur við okkum komandi vikuna. Síðani er ætlanin at gera leigusáttmála við danska leikaran fram til summarsteðgin fyribils, sigur Sonni L. Petersen, formaður í NSÍ. 23 ára gamli, Nicolaj Køhlert, skifti í 2009 frá Esbjerg til Liverpool, har hann spældi í tvey ár. Síðani spældi hann eisini eitt ár við Glasgow Rangers, áðrenn hann í 2012 skifti til Silkeborg, har hann hesi seinastu árini hevur verið nógv rundanum besta liðið. Afturat tí hevur Nicolaj Køhlert eisini royndir frá U-16, U-17, U-18, U-19 og U-20 landsliðnum hjá Danmark. Nýggi NSÍ venjarin, Anders Gerber, hevur áður starvast sum hjálparvenjari hjá júst Silkeborg, har Nicolaj Køhlert tey seinnu árini hevur spælt. Fleiri útlendskir spælarar Í løtuni royna fleiri feløg at styrkja seg við útlendskum spælarum, meðan okkara bestu fara av landinum. Umframt HB og NSÍ, so hava KÍ, B36, ÍF, TB, AB og B68 hava øll fingið tilgongd av útlendskum spælarum. Tí er líkt til, at vit fáa ein altjóða dám yvir landskappingina komandi kappingarár. trondur@sosialurin.fo Tað er sjón fyri søgn, at føroysk feløg í løtuni leita eftir styrki uttanlands. HB fær í vikuni tveir spælarar at royndarvenja, fyrrverandi Liverpool spælari venur við NSÍ, meðan útlendskir spælarar eru at finna í fleiri feløgum