hósdagur 17. mars 2016síða 16

FRÍGGJADAGUR 18. MARS 2016 SOSIALURIN 33 16 TEMA Slatur – tá tað er ringast BARBARA HOLM E in av familjunum, sum Kim Nielsen hevur starv­ ast hjá, er tann hjá Rana Wardum, politisti í Havn. Rani hevur fýra børn, og frá tí minsta barnið var 9 mánaðir, hev­ur Kim Nielsen virkað sum barnagenta í húsinum hjá Rana Wardum. Rani vil fegin gera greitt, at Kim Nielsen á ongan hátt hevur forbrotið seg móti børn­unum. – Míni børn eru vaksin í dag, og tey verða enn fratør, tá tey hoyra slíkt um Kim. Hann hevur verið har fyri tey alt teirra lív, og er tað enn. Í dag eru tey vaksin, men hann er enn húsfólk hjá okkum øllum, greiðir Rani Wardum frá. Eisini hann hevur upplivað, at fólk eru komin til hansara fyri at ávara ímóti Kimi Nielsen, tí hann skal hava verið ónærisligur móti børnum. – Eg havi ongantíð trúð eitt orð av tí, sum fólk hava sagt, tí eg havi sæð hvussu børnini hava verið rundan um hann, og hvussu góð­ ur hann hevur verið við tey, sigur Rani Wardum. Hann er sannførdur um, at slaturin um Kim Nielsen botnar í, at Kim kanska er ov góður við børn. – Tey, sum upprunaliga settu spurnartekin við hansara atburð førdu fram, at hann hevði løgnan atburð. Og ja, í mun til onnur vaksin hevur hann ein løgnan atburð. Hann tímir betri at vera saman við børnum enn við vaksnum, og eg haldi tað er tí hann kennir seg trygg­ari við børnum. Men tað er held­ur einki galið við tí, sigur Rani Wardum. Hann er forfardur um, at ein slatur­søga kann enda við, at ein maður verður sosialt revsaður í so mong ár. – At hann skal missa størv orsaka av, at fólk ber slatur víðari, haldi eg vera ótrúliga synd, tí eg veit, at einki hald er í ákærunum, sig­ur Rani Wardum, politistur og fyrr­verandi arbeiðsgevari hjá Kimi Nielsen. BARBARA@SOSIALURIN.FO HANN ER EITT FANTASTISKT MENNISKJA – Eg kann siga fyri meg og mína familju, at Kim er eitt fantastiskt menniskja, og børnini hava altíð elskað hann. Tað gera tey enn, nú tey eru vaksin, sigur Rani Wardum, politistur, sum hevur latið síni børn í hendurnar á Kim Nielsen frá tí tey vóru heilt smá Kim hevur ansað børnunum í fleiri ár Rani Wardum, politistur Míni børn eru vaksin í dag, og tey verða enn frat­ør, tá tey hoyra slíkt um Kim. Hann hevur verið har fyri tey alt teirra lív, og er tað enn. Í dag eru tey vaksin, men hann er enn húsfólk hjá okkum øllum« Rani Wardum – Eg havi ongantíð trúð eitt orð av tí, sum fólk hava sagt, tí eg havi sæð hvussu børnini hava verið rundan um hann, og hvussu góður hann hevur verið við tey, sigur Rani Wardum MYND: ÁLVUR HARALDSEN ■ Vikuskiftis Sosialurin hevur tosað við mannin, sum Kim Nielsen stevndu fyri ærumeiðing fyri nøkrum árum síðani. Maðurin vil ikki siga annað enn tað, sum hann segði í rætt­ inum – at Kim Nielsen hevur løgnan atburð móti børnum. Viku­skiftis Sosialurin hevur eisini fingið váttað frá sakførara og frá avvarðandi familju, at niðurstøðan hjá Barnaverndini – tá ið hon kannaði um ein ávísur drongur hevði verið fyri kynsligum ágangi – var, at eingin slík tekin vóru at finna. Nevndi drongurin sigur eisini sína hugsan um málið, í temasíðunum hesaferð.