mánadagur 21. mars 2016síða 39

VIKA 12 • 21. MARS 2016 7 MIÐLAHÚSIÐ ÓKEYPIS LÝSINGARBLAÐ Wenzel Mannfólkarenning 9. apríl 2016 Á www.hvirlan.fo ella á www.fif.fo har gjaldast skal online. Tilmeldingin er galdandi, tá goldið er. Tilmelding kann eisini fara fram á staðnum frá klokkan 11.00 til 13.00 Leygardagin 9.apríl. Tilmelding Wenzel og Hvirlan skipa fyri mannfólkarenning tann 9. apríl. Vit halda til, eins og í fjør, úti við Sandá, so runnið verður í kallmansligum umhvørvi. Talan er bæði um kapping fyri lið og einstaklingar. Vit byrja klokkan 13.00 frá verkstaðnum hjá Wenzel. Tá ið komið verður oman á Sandagerð, verða onkrar forðingar. Tiltakið er fyri menn í øllum aldri. Bólkar: Ungir Menn: (f. 1971 ella seinni) Vaksnir Menn:(f.1961-1970) Royndir Menn: (f.1960 ella fyrr) Liðkapping: 3 luttakarar á hvørjum liði. Tá komið er á mál verður okkurt gott at eta og drekka. Lutakast verður um fylgjandi vinningar. Vinningar : Startnummar Tit fáa eitt persónligt startnummar útleverað millum klokkan 11.00 og 13.00 hjá P/F Wenzel leygardagin 9.apríl. Kostnaður : 100 kr 1. Nax, upplivingar: Kajaktúrur fyri 10 persónar. Virðið 6.000 kr. (www.nax.fo) 2. GPS’ari frá p/f Wenzel. Virðið 1.500 kr. (www.wenzel.fo) Starvslæra – ein spennandi tíð Til allar norðingar: Í dag eru ogur á gongugøtuni í Havn, plagar at ljóma úr lurtitólinum onkrar fríggjadagar Hilda Mortensen, starvsnæmingur T að er føst siðvenja, at 9. floks­næm­ ingar fara út at royna seg á ymsum virkjum og fyritøkum. Fáa ein smakk av, hvussu arbeiðið er og hvat krevst av einum vaksnum. Fyri summi er hetta teirra fyrsta arbeiðsroynd, og er tí ein sera spennandi tíð. Starvsnæmingarnir seta sær spurningin: »Er hetta mín lívsleið?« Starvsnæmingarnir traðka inn í eina nýggjan heim, har ábyrgd og álit verður lagt á herðar teirra. Teir vera í tvær vikur ein partur av starv­inum, og síggja og upp- liva starvið frá einum innanhýsis sjónar­ horni. Í tí sambandi havi eg tosað við tríggir ymiskir starvsnæmingar. Brandbilurin var mítt val Tað er kanska ikki tað vanligasta valið at velja sløkkiliðið hjá eina gentu úr 9. Flokki, men tá ið hugurin er har, er bara at kasta seg í tað. Hóast tað ikki hevur verið nakar útrykningur enn, sigur Maria Othamar, at arbeiðið er bæði spennandi, stuttligt og avbjóðandi. Vit kenna helst øll sløkkiliðið fyri eina uppgávu: at sløkkja eld. Men Maria sigur, at tað er so nógv meira. Uppgávurnar hjá Sløkkiliðinum eru mangar í tali. T. d. at hjálpa uppsteðgaðum bilum, flyta ymiskt krevjandi, leita eftir burturmistum fólki, reinsa kaminur ella steðga oljulekum. – Arbeiðið er áhugavert og stuttligt, men samstundis sera hart og krevjandi. Tað er eitt strævið arbeiði, ið á ongan hátt skal takast fyri givið, heldur Maria. Arbeiðsdagurin hjá Mariu er eins og hjá øllum hinum brandmonnunum. Hon luttekur í øllum teimum vanligu uppgávunum hjá teimum og arbeiðir frá 8-16. – Sløkkiliðið er til reiðar dag og nátt at hjálpa fólki. Eitt nútímans samfelag uttan tað, hevði als ikki fungerað, endar Maria Othamar við í samrøðuni við in.fo. Læknavísindi hevur fangað mín áhuga Vitjan av ymsu deildunum er partur av dagsskránni hjá Evu Justinussen. Hon og tvær aðrar gentur, ið eisini eru á Landssjúkrahúsinum í starvslæru, hava upplivað og lært um tær ymsu deildirnar. – Sjúkrahúsið er nógvar ferðir størri enn tað, ein heldur, akkurát sum ein villiniborg. Vit mugu øll ganga við skeltum fyri at halda skil á, hvør er hvør, men starvsfólkini hava tikið avbera væl ímóti okkum, sigur Eva smílandi. Arbeiðstíðin hjá Evu er sera skiftandi. Onkuntíð møtir hon kl 07 og onkutíð 09:30. – Arbeiðið er sera skiftandi, og tískilt spennandi, avbjóðandi og stuttligt. Vit læra um ymsar sjúkur og bakteriur, og vit hava eitt sera læruríkt tíðarskeið her úti á LS. Tað var ikki uttan orsøk, at Eva valdi at fara út á Landssjúkrahúsið í starvslæru. Hon er áhugað í at gerast lækni og læknavísindi hava veruliga fangað hennara áhuga. Og eftir nakrar fáar dagar á sjúkrahúsverkinum er hon komin til niðurstøðuna at hetta er nakað, ið væl kundi gerast hennara lívsyrki. Kaffikoppurin á borðið, smílið fest á varrunum Lokkandi hitin og vælkendi lukturin av nýbakaðum køkum og nýmalnum kaffi er eitt eyðkenni hjá Kaffihúsinum. Og Kaffihúsið er staðið, har 15 ára gamli David Thomassen starvast hesar tvær vikurnar. – Gerandisdagurin bjóðar ymisk arbeiði. Tað kann t.d. vera at vaska upp, taka av borðinum, servera og taka bíleggingar frá kundunum, sigur David. Arbeiðið í Kaffihúsinum er spennandi og hevur nógv tíðartrýst. Men David trívist væl við, at tað altíð er okkurt at gera. Tað, sum eyðkennir arbeiðið er felagsskapurin og samanhaldið, ið krevst, um kaféin skal ganga upp í eina hægri eind, har alt bara koyrir. – Søgan er ein onnur aftan fyri diskin, tí har er altíð nógv, ið skal náast. Fólk skilja tað ikki fyrr enn tey hava roynt tað sjálvi, heldur David. Áhugin hjá David liggur í matgerð og bakstri, og tí valdi hann júst hetta arbeiðið. David sær Kaffihúsið sum eitt millumstig, har hann hevði tímað at arbeitt í 1-2 ár, áðrenn hann fór undir hægri lesna. – Tað mær dámar best, er at hitta nýggj fólk hvønn dag, og tað er hetta arbeiðið sjálvskrivað til, endar David.