hósdagur 31. mars 2016síða 16

FRÍGGJADAGUR 1. APRÍL 2016 SOSIALURIN 37 16 NÝGGI BYGNINGURIN SKAL IKKI BROYTAST Sirið Stenberg: Eisini Sinnisbata finst at sparingunum í nýggja psykiatriska deplinum. Tey seta millum annað spurnartekin við, hví man ikki vil byggja eina skaðastovu til sálarsjúk BIRGITH LASSEN T órmóður Stórá er ónøgd­ ur við tær broytingar, sum eru framdar í byggi­ ætlanunum fyri nýggja psykatriska depilin. Lands-stýris­ kvinnan í heilsumálum er samd í, at bygningurin ikki er nóg góður, men hon ætlar ikki at endurskoða byggiætlanirnar, tí hon ræðist, at so verður bygningurin aldrin veruleiki. »Tað hevur tikið okkum 10 ár at koma so langt sum vit eru í dag. Tað ber ikki til at gera alt av nýggjum nú. Hetta er ikki ein ynskistøða, men umstøðurnar hjá sjúklinginum verða verri og verri fyri hvønn dag og byggiætlanirnar verða dýrari, jú longri vit bíða. Eg kann ikki forsvara, at einki hend­ ur, so vit noyðast at fara í gongd beinaveg. Annars ræðist eg, at hetta verður av ongum«, sigur Sirið Stenberg, landsstýriskvinna í heilsumálum. Hon ivast ikki í, at úrslitið verður betri, enn støðan er nú og vísir eitt nú á, at allir sjúklingar fáa egið vesi og bað. Landsstýriskvinnan hevur ikki fingið tilmæli frá bygginevndini um at broyta nakað, og hon vil ikki vísa aftur, at hon hevði gjørt broyt­ ingar, um bygginevndin ynskti tað. »Viðvíkjandi nýggja sjúkra­ húsbygninginum kann eg siga, at tað er keðiligt, at vit ikki fingu ein Rolls Royce. Men vit fingu ein fínan Ford«, sigur hon. – Góð ting henda nú »Eg vil berjast fyri, at psykiatriin í framtíðini fær størri játtan, men longu nú henda góð ting«, sigur Sirið Stenberg og sipar til, at sálarheilsa hevur fingið ein størri leiklut í fólkaheilsuráðnum sum varð mannað fyrr í ár. Sirið Stenberg ætlar at virka fyri, at sálarheilsan kemur á dags­ skrá og meiri ítøkiligani ætlar hon at hyggja eftir, um man kann menna eina akuttmóttøku til sálarsjúk. Annars gleðist hon um fram­ gongdina á økinum. Hon nevnir, at allar kvinnur nú verða kann- aðar fyri føðidepressión og at økis­psykiatriin seinni í ár verður fult útbygd, so sálarsjúk kunnu fáa viðgerð um alt landið. »Psykiatriin hevur altíð ligið mær nær at hjarta, og eg vil í míni setu berjast fyri mínum hjartamáli«, sigur landsstýriskvinnan. Sirið Stenberg, landsstýris­ kvinna í heilsumálum TEMA Psykiatriin TEMA Psykiatriin