mánadagur 4. apríl 2016síða 4

Mánadagur 4. apríl 2016 · Nr. 38 4 Sosialurin Hugskot og viðmerkingar – send sms til 225000 TRÆTAN UM BUMM­ GJALDIÐ LEGGJAST FYRI FØROYA RÆTT Tað er nokk bara ein máti at fáa eina endaliga avgerð, heldur Ingolf S. Olsen, tingmaður Áki Bertholdsen Fyri at fáa eina endaliga av­gerð um bummgjaldið í undirsjóvartunlunum, verð­ ur tað helst neyðugt at leggja málið fyri dómsvaldið at taka støðu til. Tað heldur Ingolf S. Olsen, tingmaður fyri Tjóðveldi. Hann vísir á, at stór ósemja er um, hvussu lógin um Vágatunnilin skal skilj­ ast. Summi tvíhalda um, at lógin skal skiljast soleiðis, at tá ið tunnilin er skuldarfríur, skal tað vera ókeypis at koyra. Aðrir politikarar tví­ halda um, at eisini parta­ peningurin, landið setti í tunn­ilin, skal vera goldin, áðrenn talan kann verða um at hugsa um ókeypis koyring. Ingolf S. Olsen staðfestir, at lógin skal haldast, og tað skal ein politisk eisini. – Trupulleikin er bara tann, at ósemja er um, hvussu lógin um skal tulkast, og tað er ein spurningur, vit mugu fáa avgreiddan, sigur løgt­ingsmaðurin. Tað er eisini ósemja um, hvørjar avtalur eru gjørdar. Sjálvur er Ingolf S. Olsen ný­ valdur á ting, so hann sigur, at hann veit ikki, hvørji munn­lig lyfti vórðu gjørd, tá ið tunl­arnir vórðu samtyktir fyrst í hesi øldini. – Men alt tað, eg havi hoyrt, var talan um, at koyr­ ingin skuldi vera ókeypis, tá ið lánini vóru goldin, og ikki partapengarnir eisini. – Tað er heldur neyvan nakar sum hevur hugsað sær, at landið onki skuldi rinda fyri tunlarnar, leggur hann afturat. Og hann heldur, at spurn­ ingurin er, um ikki ein­asti máti at fáa tað enda­liga staðfest, er at fáa rættar- skip­anina at taka støðu til málið. Hann hevur ikki heilt gjørt sær greitt, hvussu hann ætlar at fáa málið fyri rættin, men vísir á, at ein máti kann vera at gera, sum Marjus Dam ætlar at gera, og sum tað ber til at lesa um í hinari greinini her á síðuni. Men sjálvur veit hann ikki um hann fer at gera sum Marjus Dam, tí so langt hevur hann ikki hugsað, sigur hann. Hinvegin heldur hann ikki, at tað er stórvegis nytta í at taka málið uppaftur til politiska viðgerð, fyrrenn greiða er fingin á, hvussu lógin skal tulkast. Sita við apuni Hann heldur, at tey, sum gjørdu lógina á sinni, hava gjørt eitt mistak við tað, at lógin er ikki nóg greið. – Men nú verður so roynt at senda sitandi samgongu apuna. Og í roynd og veru sita vit eisini við apuni, sigur Ingolf S. Olsen. – Men tað er bara tí at undanfarnu samgongur ikki hava loyst málið, leggur hann afturat. Hinvegin heldur hann, at var tað ein avtala, og eitt lyfti, at bummgjaldið skuldi av­takast, kundi tað bara verð­ið gjørt. – Spurningurin um, hvussu vegir, tunlar og brýr, skulu haldast, er ein heilt ann­ar spurningur, sum vit so mugu fáa semju um, leggur hann afturat. – Men øll, sum krevja bumm­gjaldið burtur, mugu so eisini vera til reiðar at útvega aðrar inntøkur fyri at fíggja rakstur og ábøtur. Og tað kann bara takast inn við at hækka vegskatt, avgjald á bensini og diesel, ella øðrum avgjøldum. – Tað ber ikki til at kreva bummgjald fyri einstøk vega­strekki fyri at kuna fíggja røktina, tí tað má gerast í eini heildarskipan, og er tunnilin goldin í ár, eigur hann helst at vera ein partur av vegakervinum, sum alt ann­að. Hinvegin hevur Ingolf S. Olsen onga patentloysn upp á, hvussu samferðslukervið skal fíggjast. Men ein máti kundi verið at koyrt allar vegir og tunlar í eina pulju, har eitt gjald fyri at koyra ígjøgnum ein tunnil, er galdandi fyri allar tunl­arnar. – Tað ber eisini til at gera eina skipan, har tað er nógv bíligari hjá teimum, sum búgva í útjaðaranum, bæði at koyra og at sigla, heldur Ingolf Olsen. BUMMGJALD ÓHUGSANDI – Tað er heldur neyvan nakar sum hevur hugsað sær, at landið onki skuldi rinda fyri tunlarnar, helt Ingolf S. Olsen, tingmaður, á fjølmentum fundi í Vágum mikukvøldið um bummgjaldið í Vágatunlinum