mánadagur 4. apríl 2016síða 16

Mánadagur 4. apríl 2016 · Nr. 38 16 Sosialurin Hugskot og viðmerkingar – send sms til 225000 Svínoy fær nú akfarsskráa Óluva Klettskarð Farið verður nú undir arbeiðið at gera akfarsskráa úti í Svínoy. Tað eru Klaksvíkar Komm­una og L a n d s ­v e r k , ið standa fyri arbeið­in­um, sum longu er farið í gongd, so akfarsskráin kann fremjast í summar. Á fíggjarlógini í ár eru settar 2,5 mio av til hetta arbeiðið, umframt tær 700 túsund í løguætlanini fyri landið. Havna- og Vinnunevndin í Klaksvíkar Kommunu hevur somu­ leiðis sett góða millión av til hetta arbeiðið. Liviligari úti um landið Tað skal verða enn liviligari um all­ar Føroyar. Ein góður og mál­ rættaður økispolitikkur leggur dent á spjaðing og viðurkenning av ymiskleikanum í hvørjum ein­ stakum øki. Fyri fólk útoyggj skulu alsamt betri karmar skapast.a Atløguviðurskiftini í Svínoy hava ikki loyvt størri bilum at koma í land. Tíðin er farin frá, at fólk sjálv stoyta oljuna úr tunnum í tangar. Tá akfarskráin í Svínoy verður liðugur, so fara svínoyingar eins og aðrir borgarar at kunna fáa ta tænastu, oljubilar, bukkubilar, sementbilar o.a. veita. Í Svínoy er hugsanin tann, at varð ferðasambandið betur, so búði fleiri fólk í Svínoy. Akfarsskráin fer at hækka tæn­astustøðið á øllum tænastum og fer eisini at bøta munandi um møgu­leikarnar fyri vinnuvirksemi í Svín­oynni. Tað er hugaligt, at samferðslu­ viður­skiftini til útoyggj og smá­ bygdir alsamt bøtast, so eggjað ver­ð­ur til búseting og øktar møgu­ leikar fyri inntøku og tryggleika. Eg ynski svínoyingum og land­ in­um øllum til lukku við hesi verk­ ætlan. Enn eitt stig á leiðini at fáa ferð á útoyggjaskútuna. Norðlýsið skrivar í vikuni, at Hanus Hansen, reiðari, følir seg misnýttan av Kringvarpinum. Hesa niðurstøðu kemur Norðlýsið til 15 dagar eftir, at sendingin ”Stríðið um tey 10 prosentini” er víst í sjónvarpinum. Tá Kringvarpið tosar við Hanus Hansen, vísir tað seg, at hann als ikki følir seg misnýttan av Kringvarpinum. So hvør manipulerar hvønn, Helgi Abrahamsen? KJAK Hvør manipulerar hvønn? Liljan Weihe Tíðindaleiðari Kringvarp Føroya Hanus Hansen plagar ikki at vera bangin fyri at siga sína hjart­ ans meining, eis­ ini við okkum í Kringvarpinum. Tí gjørdist eg bilsin av, at eg onki hevði fingið at vita um misnøgdina hjá reiðaranum, áðrenn eg las tað á heimasiðuni hjá Norðlýsinum. Hanus Hanus hevur ikki víst á sína ónøgd hjá nøkrum í Kring­varp­ inum. Eg ringdi tí til Hanus Hansen fyri at fáa greiðu á hesum máli. Eg kunnaði Hanus Hansen um, at eg harmaðist um at frætta um hansara ónøgd í einum øðrum miðli fleiri vikur eftir, at sendingin varð send í sjónvarpinum, og vísti honum á, at um hann føldi seg mis­-nýttan av Kringvarpinum, so var rætta mannagongdin at kæra. Tí føroysku fjølmiðlarnir, eisini Norð­lýsið, virka undir lógini um fjøl­miðlaábyrgd. Lógin áleggur øll­um føroyskum fjølmiðlum at halda leiðreglurnar um góðan fjøl­ miðla­sið. Tí er Fjølmiðlanevndin eisini almennur kærumyndugleiki, um nakar følir seg hava verið fyri órætti í føroysku miðlunum. Men tað vísir seg, at Hanus Han­sen als ikki er ónøgdur við send­ingina ella við viðferðina hjá Kring­varpinum. Hann hevur tí onga ætlan um at kæra um við­ ferðina. Hanus Hansen fer enntá so langt, at hann segði tað vera ein hugnalig og virðilig vitjan, tá Jan Lamhauge og Jógvan Eli Dam løgdu leiðina forbí hjá honum í Klaksvík. Eftir ráðum frá hansara sakførara ynskti Hanus Hansen, at samrøðan varð bandað. Tað hevur Kringvarpið ongan trupulleika við, og fotografurin hjá okkum, Jógvan Eli Dam var enntá so beinasamur, at hann hjálpti Hanusi Hansen við at seta myndatólið upp. Í sendingini »Stríðið um tey 10 prosentini« kemur greitt fram, at Hanus Hansen ikki er fyri ein­ ari upp­boðs­sølu. Hann sigur tó, at um 10 prosent av nýggja til­ feinginum verða seld á uppboðs­ sølu, so hevði tað verið til at liva við. Men samanumtikið, so kem­ ur greitt fram í sendingini, at Hanus Hansen er ikki fyri ætl­ aða fiskivinnupolitikkinum hjá sit­andi samgongu, sum Hanus Hansen heldur vera eina vanda­ mikla glíðibreyt. Hanus Hansen og Anfinn Olsen, formaður í Reiðara­ fe­lag­num, sum báðir luttaka í send­ ingini, eru púra samdir í hesum. Eg spurdi Hanus Hansen um hann ikki var samdur við mær í, at hetta var boðskapurin, ið stóð eftir aftaná sendingina. Tað var hann. At miðlar redigera er ikki tað sama sum at manipulera. Tað er journalistikkur. Tað eigur Helgi Abrahamsen eisini at vita. Hann er útbúgvin journalistur. Tað er faktiskt brot á lógina um fjølmiðlaábyrgd at lata redi­ gerings­rættin frá sær. Men Helgi Abrahamsen hevur kanska ikki verið á skeiðnum um góðan fjøl­ miðlasið, tí hann gloymir eisini at lata okkum, Kringvarpið, sleppa til orðanna, tá hann leggur eftir okk­um í greinini um ónøgdina hjá Hanusi Hansen. Tað er brot á leiðreglurnar um góðan fjøl­miðla­ sið. Tað er manipulatión.