mánadagur 4. apríl 2016síða 19

19 Mánadagur 6. januar 2014 · Nr. 2 Sosialurin Mánadagur 4. apríl 2016 · Nr. 38 Hugskot og viðmerkingar – send sms til 225000 HONDBÓLTUR SPENNINGURIN ER HAR – Í EIN ÁVÍSAN MUN Eftir dystirnar í FTZ-deildini í vikuskiftinum er framvegis spenningur um seinna finaluplássið. Tó tykist tað enn at vera mest sannlíkt, at júst sum í fjør, so verða tað H71 og VÍF, ið hittast í FM-finalunum Neli Heldarskarð Tveir dystir eru spældir í FTZ-deildini, og vórðu báðir hesir dystir spældir í gjár. Báðir dystirnir blivu spældir í høllini á Hálsi, har tað fyrst vóru Kyndil og H71, ið brustu saman, áðrenn tann minni spennandi dysturin seinni á degnum, sum var ímillum Neistan og Team Klaksvík, skuldi avgreiðast.  H71 hevur langt síðani tryggjað sær sítt finalupláss, meðan spurningurin er, hvat lið skal fylgja teimum í av­ gerandi finalurnar – VÍF, KÍF ella Kyndil.  Triða tapið hjá H71 í ár Undan dystinum í gjár hevði H71 bert tapt tvær ferðir í lands­kappingini, men skiljandi er, um luftin er farin eitt sindur úr ballón­ini hjá hoyvík­ingun­um í teimum síðstu lands­kappingar­um­ førunum, ið hava so at siga ongan týdning fyri teir. Í gjár tapti H71 nevniliga sítt triða tap í hesum kappingarárinum. Í fyrra hálvleiki var annars líkt til, at H71 skuldi fara avstað við sigrinum. Hoyvík­ ingar vóru á odda 16-14 í hálvleikinum. Tó tók Kyndil dik á seg í seinna hálv­leiki og vendi hóttandi tapinum til sigur – Kyndil vann dystin 29-27. Sigurin hjá Kyndli merkir, at spenningurin um seinna finalu­plássið hjá monnum fram­vegis er til staðar. Sum sæst á stigatalvuni aðra­staðni á síðuni, so hevur VÍF bestu kortini á hondun­um, men tó er teoretisk­ur møgu­leiki fyri, at bæði Kyndil og KÍF kunnu yvirhála vestmenningarnar - tó er tað ikki sannlíkt. Fyri Kyndil er nevniliga galdandi, at liðið skal vinna sín síðsta dyst ímóti Team Klaksvík, samstundis sum, at VÍF tapir báðar sínar tveir síðstu dystir, ið teir hava eftir. Eisini skal KÍF bara vinna tann eina av sínum tveimum dystum, sum er ímóti júst VÍF, um putlispælið hjá Kyndli skal ganga upp í eina hægri eind. Í farnu viku kastaði Teitur Joensen hjá KÍF hand­klæðið í ringin við­ víkjandi finalu­dreymin­um hjá kollfirðingum. Hetta tí, at KÍF hevur heili 12 innanhýsis mál at hála inn í dystinum ímóti VÍF, og harafturat trýr Teitur Joensen ikki uppá, at Neistin kann taka stig frá VÍF í seinasta umfari. Hetta varð sagt í samrøðu við Trónd Arge á Rás2. VÍF skal bara vinna tann eina av sínum tveimum síðstu dystum fyri at koma í finalurnar. Kyndlavenjarin trýr ikki upp á møguleikan Venjarin hjá mansliðnum hjá Kyndli, Julian Johansen, er tó ikki bjartskygdur um teoretiska møgu­leik­an hjá Kyndli at koma í FM-final­ur­ nar. – Trýstið er á hinum liðunum. Vit spæla bara fyri at hugna okkum og vænta okkum ikki nakað finalu­pláss í hesum kappingar­árin­um, sigur Julian Johansen í við­ merking við Sosialin. Sostatt siga umboð fyri bæði KÍF og Kyndil, at tey ikki trúgva uppá, at tað ber til at stjala finaluplássið frá VÍF. Alt trýst er á vestmenningum nú tað stundar til kappingar­ árs­enda í FTZ-deildini. Neistamenn smurdu klaksvíkingar av Í tí minni spennandi FTZ- dystinum í hesum viku­ skiftin­um vann Neistin heili 41-19 ímóti Team Klaks­vík. Hálv­leiks­støðan var 19-5 til neista­menn. Neistin endar nummar seks í FTZ-deildini, meðan Team Klaksvík endar aftast og nummar sjey. Hetta var eisini greitt undan dystinum í gjár. Endurtøka av finalunum hjá kvinnum Í Hvonndeildini vann Kyndil í gjár greiðan sigur ímóti Stjørnuni – heili 31-19. Hesin sigur við­førir, at nú er enda­ liga greitt, at tað verða Neistin og Kyndil, sum hittast í finalun­um hjá kvinnum – júst sum í fjør. FTZ-deildin Kyndil-H71 29-27 (14-16) Kyndil: Finnur Hansson 9, David Edvardsen 6, Hjalti Mohr Jacobsen 5, Josef Abrahamsen 2, Hanus H. Johansen 2, Hørður Fannar Sigtórsson 2, Bartal Klein Olsen 1, Bárður Johannesen 1 og Tórður Guttesen 1. H71: Peter Krogh 6, Rúni Vest Højgaard 5, Pætur Thomsen 4, Hilmar Leon Jakobsen 4, Andor Sivertsen 3, Sigmundur Nolsø 3, Sigmundur Dahl 1 og Oddur Bech 1. Neistin-Team Klaksvík 41-19 (19-5) Neistin: Rói Berg Hansen 10, Andras Joensen 8, Teis Horn Rasmussen 6, Terji Mørk 5, Torkil Hentze 5, Herbjørn Lava 2, Rasmus Müller 2, Jónsvein Dulavík 1, Sjúrður Thomasen 1 og Julian Lava 1.  Team Klaksvík: Bogdan Florea 7, Vilhelm Vilhelmsen 3, Sámal á Tjaldrafløtti Olsen 4, Beinur Heðinsson 2, Andrias Ellingsgaard 2 og Hanus Norðberg 1. Hvonndeildin StÍF-VB 29-28 (16-15) StÍF: Guðrið Poulsen 8, Rebekka Justinussen 8, Birna Tummasardóttir 6, Fríðrún Olsen 3, Ingibjørg Kass 2, Erla Petersen 1 og Poula D. Olsen 1. VB: Danijela Mistric 11, Ingrida Kuodyte 5, Gurið, K. Mortensen 5, Rúna M. Jacobsen 3, Una J. Nolsøe 2, Carol Symphor 1 og Christina Holm 1. Kyndil-Stjørnan 31-19 (18-6) Kyndil: Marianna Geirsdóttir Eystberg 8, Turið Arge Samuelsen 7, Bjarta Johansen 6, Súsanna Petersen 2, Bára Krossteig Hansen 2, Ásleyg Súnadóttir 2, Anna Brimnes 2, Irena Dam 1 og Anja H. Hammer 1. Stjørnan: Tóra Eliasen 6, Simona Florea 4, Hervør Olsen 3, Kristina Poulsen 2, Ella Petersen 2, Paula Joensen 1 og Marta Becic 1.