mánadagur 4. apríl 2016síða 40

VIKA 14 • 4. APRÍL 2016 8 ÓKEYPIS LÝSINGARBLAÐ TEMA Sandoy Vilmund Jacobsen Í Skopun er ein stór og umfatandi skúlaverkætlan í gongd. Hetta er ein verkætlan, sum byrjaði í 2008, tá bygt varð upp í verandi skúla í bygd­ini. Uppíbygdi parturin hevur øll árini síðan staðið óinnrættaður, men nú verður hetta arbeiðið gjørt lið­ugt. Tað er byggifelagið, Sp/f Drang­berg í Skopun, ið tekur sær av høvuðs­ arbeið­num fyri Skopunar kommunu. Ein nýggjur skúli Gerhard Lognberg, borgarstjóri, sig­ ur, at tað, sum fæst burtur úr verk­ ætlanini, er tríggjar stórar skúla- stovur, vátrúm, sum verður umleið 40 fermetrar, lærarastova við wc’um, wc til gentur og dreingir og wc til av- lamin. – Aftrat øllum hesum fáa vit eisini eina stóra høll – ella ein innilokaðan »skúlagarð«, sum verður umleið 120 fermetrar stórur og kann brúkast til mangt og hvat. Borgarstjórin sigur, at hetta eru alt karmar, sum hava staðið óbrúktir hesi árini, tí fíggjarliga hevur kommunan ikki megnað at fullført útbyggingina. – Nú vit eru komin niður um eina álíkning í skuld, og útlitini eru mun­ andi betri, enn tey hava verið í fleiri ár, vilja vit gjøgnumføra hesa verkætlan, sum hevur ligið á láni. Umframt ný­ byggingina, verða eisini onkrar um­ skip­ingar gjørdar í gamla skúlanum, har eitt nú matstova og køkur verða í einum, eins og smíðstova eisini verður gamla partinum av skúlanum. Alt er goldið Gerhard Lognberg sigur, at á seinasta bygdarráðsfundi í Skopunar kommunu herfyri varð samtykt at gera skúlan lidn­an. – Byrjað varð við fyrstu skúla­ stovuni í nýggja skúlanum seint í fjør summar, og síðan hevur verið hildið fram. Vit ætla ikki at helma í, fyrr enn nýggi skúlin stendur liðugur. Ætlanin er, at næmingarnir í Skopunar skúla skulu flyta inn í nýggju skúlastovurnar og nýggja skúlaumhvørvið eftir summ­ar­frítíðina. Borgarstjórin sigur, at tá alt hetta arbeiðið er fingið frá hondini, eigur kommunan ein góðan framtíðarskúla og ein góðan barnagarð, sum verður 10 ár í ár. – Í Skopunar skúla ganga umleið 30 børn úr 1. flokki til og við 5. flokk, og hetta hevur líka sum verið skúla­ barnatalið seinastu fýra árini ella so. Tá næmingarnir fara í 6. flokk, halda teir fram í Meginskúlanum Inni í Dalinum. Gerhard Lognberg vísir á ein temadag, sum fyrr í ár varð hildin um møguleikarnar at gera ein eftirskúla inni í Dalinum, og í hesum sambandi sigur hann, at tað ikki er óhugsandi, at Skopunar kommuna einaferð í fram­tíðini fer at geva rúm fyri 6. og 7. flokki í Skopun. – Tað, at vit nú byggja henda skúl­ an, ger, at vit eisini hava umstøður at taka flokkar heimaftur, um tað skuldi verið. Borgarstjórin fegnast um, at alt, sum higartil er gjørt í samband við skúlabyggingina, er goldið yvir raksturin hjá kommununi, nú fíggjar­ liga rásarúmið er betrað, og skuldin er undir eina álíkning. 14 óbygd grundstykki Tá Vikublaðið hitti Gerhard Lognberg inni á kommunuskrivstovuni í síðstu viku, kundi hann eisini fegnast um, at ein ávísur byggihugur aftur er farin at vísa seg í Skopun. – Í morgun hava tveir persónar verið inni á gólvinum og hava skrivað undir upp á keyp av grundstykki, og higartil í hesum árinum er okkurt annað grundstykki eisini umbiðið. Grundstykkini, sum liggja óbygd í Skopun og sum annars eru klár at byggja á, eru eini 14 í tali. Tey flestu liggja Norðuri á Ognini, tey rópa – og onkur eru í útstykkingini í Gerðinum. Borgarstjórin vísir á, at hetta eru ikki grundstykki, sum Skopunar komm­una eigur, men kommunan handl­ar tey, sum hann rópar tað. – Tað er púrasta klárt at seta – Í Skopun eru fleiri grundstykki, sum eru planerað, hava allar íbindingar og eru klár at byggja á. Hesi verða seld fyri einans 70.000 krónur, sum er ein ógvuliga sámiligur prísur, sigur Gerhard Lognberg, borgarstjóri, sum ásannar, at ein ávísur byggihugur aftur er farin at vísa seg í Skopun Flakavirkið hevur heilt síðan 1968 verið vinnuligi krumptappurin í Skopun Mynd: Vilmund Jacobsen Skopun fær nú nýggjan skúla. Karmarnir komu longu í 2008, og nú verður nýggi skúlabygningurin innrættaður Skopun fær spildur­ nýggjan barnaskúla