mánadagur 4. apríl 2016síða 41

VIKA 14 • 4. APRÍL 2016 9 ÓKEYPIS LÝSINGARBLAÐ TEMA Sandoy formar á hesi grundstykki, sum eru planerað og hava allar íbindingar, og tey verða seld fyri 70.000 krónur hvørt. Hetta er ein ógvuliga sámiligur prísur fyri planerað grundstykki, sum eru klár at byggja á, leggur hann aftrat. Útróður góðar umstøður Teir fasilitetir, sum Skopunar komm­ una hevur skapt útróðrarmonnum, eru framúr. Niðri á bryggjuni eru ikki færri enn 23 egningaskúrar, og longur uppi eru skúrarnir átta í tali. Kommunan hevur eisini frystarí til útróðrarmenninar, og krani er at taka fiskin upp úr bátinum við. – Hóast lítil útróður hevur verið seinnu árini, og at útróðurin slett ikki kann samanberast við tað, hann var, tá hann var mestur, fara vit at varðveita skúrarnar, frystingina og kranan, soleiðis at umstøðurnar eru, tá útróðurin vónandi fer at taka seg uppaftur. Tað sær heldur betri út hjá útróðrarvinnuni í løtuni, og vit vóna, at her fer gongd at koma á aftur. Gerhard Lognberg fegnast eisini almikið um tað virksemi, sum er á gamla fiskavirkinum í Skopun, sum heilt síðan 1968 hevur verið vinnuligi krumptappurin í kommununi. – Eftir at hava ligið stilt í eina tíð, varð virksemið á flakavirkinum endurskipað og reist á føtur aftur. Byrjað varð við lættsaltaðum fløkum, og nú arbeiða tey eisini feskan upsa sum fer í portiónir. Vit fegnast al­ mikið um, at tað eru fólk og feløg, sum leggja lív og sál í at hava hetta virksemi, sum hevur so stóran týdning fyri kommununa og Sandoynna sum heild. Undirhús og ítriv Í Skopun er vælvitjað Undirhús, sum er íbygt kommunuskrivstovuna – ella Yvirhúsið – sum Skopunar kommuna eisini verður rópt í Skopun. – Tað er stuttligt at síggja, at undir­húsið í bygdini hevur so góða undirtøku, og tað er líka so stuttligt og hugaligt, at lutfalsliga nýggja tiltakið við Ítrivslonini á Tunguvegi 51, eisini hevur fingið so góða undirtøku. Gerhard Lognberg sigur, at Ítrivs­ lonin er ætlað øllum kvinnum í Sand­ oynni. – Her kunnu kvinnur koma júst tá, tað passar teimum - til at veva, binda, fáa sær ein kaffimunn ella bara at práta, og Ítrivslonin hevur verið væl vitjað, leggur borgarstjórin aftrat. Presónsskattainntøkurnar hjá Skop­unar kommunu stava frá arbeið­ andi fólkinum – teimum, sum arbeiða í fiski, innan aling, barnagarðs-, skúla- og eldraøkið, sjófólki og so teimum, sum arbeiða inni á fastlandinum, men búgva og gjalda sín skatt í Skopun. Eisini kampingøki Skopun hevur eisini fingið sítt kamp­ ingøki, har pláss er fyri umleið 40-50 vognum. Tað er Hallmar Winther, sum leigar økið frá kommununi og rekur kampingøkið. Meðan vit skifta orð við Gerhard Lognberg, støkkur Hallmar Winther inn á gólvið. – Vit hava havt einar 12 vognar standandi her í allan vetur, og talan er um eigarar kring um landið. Vognarnir standa væl og eru væl tjóðraðir, so teir ikki fara nakran veg í illveðri. Hallmar Winther sigur, at ar­ beitt verður við onkrum størri kamp­ ingtiltøkum í Skopun, sum liggja fyri framman, og eitt nú verður hugsað um okkurt felagstiltak, har kommunan eisini verður við. – Vit hava hugsað um eitt slíkt tiltak uppundir endan av várinum, har kommunan kanska bjóðar morg­ unmat, og vit annars fara at skipa fyri ymiskum tiltøkum í Skopun. Hallmar Winther sigur, at tey, sum kundu hugsað sær at spurt seg fyri um kampingøkið, altíð eru vælkomin at venda sær til tlf. 224457, sum er telefonnummarið hjá Skopunar Kamp­ing. vilmund@sosialurin.fo - Her kunnu planerað grundstykki við øllum íbindingum keypast fyri einans 70.000 krónur, sigur Gerhard Lognberg, borgarstjóri Mynd: Vilmund Jacobsen Skopunar kommuna veitir útróðrarmonnum bestu umstøður - við skúrum, krana og frysting Mynd: Vilmund Jacobsen