mánadagur 29. februar 2016síða 18

Mánadagur 29. februar 2016 · Nr. 25 18 Sosialurin Hugskot og viðmerkingar – send sms til 225000 ÍTRÓTTUR Jóannes Hansen Kappróðrarfelagið NSÍ er eitt av feløg­un­um, sum hevur vunnið nógv FM heiti. Eystur­oy­ing­ur, Heiða­bát­ur­ in, Søl­mund­ur og Tjaldrið hava borið fagrar sigrar og gull og skreyt til felagið. Í gjár eydnaðist tað fyri fyrstu ferð einum umboði úr Kappróðrarfelagnum NSÍ at vinna gull í HM kapping. Tað var í Boston í USA. Nýggi heimsmeistarin er Bogi Olsen úr Rituvík, sum vann gull í lættvekt í bólkinum millum 40 og 49 ár. Bogi Olsen er ógvuliga kendur í Kapp­róðrar­ felagnum NSÍ. Eysturoyingur vann FM í kappingini millum 10-mannafør fyri fyrstu ferð í 1998. Samlaða talið á FM, sum Eysturoyingur hevur vunnið, er sjey. Øll hesi árini hevur Bogi Olsen verið annar av lærmonnunum. Um tað gongur, sum ætlanin er, so verður Bogi eisini í ár annar av lærmonnunum umborð á Eystur­oy­ingi. Hann og hinir royndu kapp­rógvar­ar­nir hava síðani fyri jól fyri­reikað seg til nýggja kappingarárið. Bogi Olsen hevur sitið í maskin­un­um longri og meiri enn báts­felag­ar­nir. Tað hevur hann gjørt, tí hann hevur fyrireikað seg til HM kappingina, sum í gjár var í Boston. Allur tann føroyski róð­ rar­heimurin og serliga tey í róðrar­felagnum á Glyvrum fylgdu sera væl við í gjár, tá ið níggju føroyskir rógvarar bjóðaðu heimsins bestu í inniróðri av. Tað bar til at fylgja við á netinum, og fagnaðurin var øgiligur, tá ið Bogi Olsen hevði tryggjað Føroyum, Kappróðrarfelagnum NSÍ, Rituvík og sær sjálvum sigur og harvið gullkrónu. – Vit skipa fyri móttøku klokkan 18 í kvøld. Øll eru hjarta­liga væl komin, og vit vóna, at nógv møta upp. Hetta er fyrsta ferðin, at felagið eigur ein heims­ meistara, og tað ætla vit okkum at markera í kvøld, sigur Jón Nónklett, sum er ein annar av royndu rógvarunum í róðrar­ felagnum á Glyvrum, sum eisini er við til at manna 10-mannafarið í ár. Tað hevði verið so rímiligt og upplagt, at sera kapp­ róðrar­áhugaði borgar­stjórin í Runavíkar kommunu, Tórbjørn Jacobsen, í røðu í kvøld heilsaði nýggja heims­ meistaran­um, tá ið rógvarnir koma í neystið á Støðni á Glyvrum, men soleiðis verður tað ikki: – Eg fari av landinum í dag, og harvið verður ikki møguleiki at røða fyri Boga og hinum óføru rógvarunum í kvøld. Men eg rokni við at heilsa upp á hann, áðrenn hann kemur so langt. Hann skal heim við flogfarinum, sum eg fari til Íslands við í dag, so munnu vit ikki fara at hittast í Keflavík, er vónin hjá borgarstjóranum, sum gevur nýggja heimsmeistaranum hetta skoðsmálið: – Bogi er av rætta slagnum við rætta andanum. Hann orkar ikki at tapa. Tað er ikki so langt síðani, at hann segði, at hjá honum snýr tað seg bara um at vinna. Alt annar er fullkomuliga líka mikið. Tí leggur hann so nógv fyri. Hann er lættur og sterkur, og so er hann so treiskur, sum eg veit ikki hvat. Tað eru góðir eginleikar at hava, tá ið tú skal kappast við teir bestu í heiminum. Bogi Olsen er málleysur Tað var sera gott lag í før­oy­ sku kappróðrarleguni í Boston í gjár. Serligan ans vakti tað, at før­oysk­ir róg­var­ar vunnu bæði gull og silv­ur í kappingini 40-49 menn í lættvekt. Gull vann Bogi Olsen úr Rituvík í tíðini 6:28.8, og silvur vann Jens Kristian Dam úr Havn í tíðini 6:34.7. Bronsukrónan varð vunnin í tíðini 6:38.5. Nýggi heimsmeistarin er sjálvandi ovurfegin: – Eg dugi ikki at seta orð á hetta, men talan er um framúr kenslu. Hesum hevði eg ikki roknað við, at ein lítil maður úr Rituvík skuldi vinna HM í Boston. Ert tú ovfarin? – Tað kann ikki sigast annað. Eg havi vant í nógvar mánaðir, og fyri seks vikum síðani eydnaðist tað mær at kvalifisera meg til HM kappingina. Síðani tá havi eg vant fram ímóti, at tað í HM kappingini skuldi eydnast at rógva skjótari, enn ta tíðina, sum bar kvali­ fikatiónina við sær. Tað stóð nógv á, men tað eydnaðist, og eg eri ovur­fegin, segði Bogi Olsen úr Boston stutt eftir, at tað var greitt, at heims­ meistaraheitið var vunnið til Føroyar, Kappróðrarfelagið NSÍ og til Rituvíkar. Tølini siga, at sigurin hjá Boga Olsen var sann­ førandi. Hann var seks sekund frammanfyri silvur­ vinnaran, og tað vakti ans í Aganis Arena í Boston, at føroyingar struku avstað við bæði gull­krónuni og silvur­ krónuni. Næst­fremst­ur var Jens Kristian Dam úr Havn, sum 2. februar fylti 40 ár, og harvið fyri bara fáum vikum síðani, hvat aldri viðvíkur, varð skikkað­ur at luttaka í hesi kappingini. Undan fráferðini úr Føroyum hevði Jens Kristian Dam ikki ímyndað Kappróðrarfelagið NSÍ heiðrar í kvøld Boga Olsen úr Rituvík, sum í gjár var málleysur, tá ið hann vann HM í inniróðri í Boston HEIMSMEISTARIN