týsdagur 1. mars 2016síða 36

12 LESTRARBLAÐIÐ 2016 Hóast SIT og HIT ikki varð sett á stovn fyrr enn í 1993, so varð skúlin stovnaður longu stovnaður í 1935, og flutti á verandi adressu í 1976, og hevur verið har síðani. Møguleikarnir fyri taka útbúgvingar eru nógvir í skúlanum, ið blandar tí handaligu og bókligu undirvísingina, so at næmingarnir fáa roynt seg á fleiri økjum. 180 ársnæmingar í skúlanum Sambært Rúni Heinesen, skúlastjóra, so koma næmingar úr øllum landinum til Klaksvíkar at ganga á skúlanum. – Í løtuni hava vit 180 ársnæmingar í skúlanum. Tað merkir, at vit hava nakað omanfyri 250 næmingar og lærlingar knýttar at skúlanum yvir eitt skúlaár, men øll eru ikki samstundis í skúla. Landið letur í løtuni byggja ein nýggja skúladepil í Havnini, Glasir, ið eftir ætlar fer at rúma eini rúgvu av útbúgvingum. Skúlastjórin stúrir tó ikki fyri, at Tekniski skúlin í Klaksvík fer at tapa kappingina um næmingar móti skúladeplinum í høvuðsstaðnum. – Tá Eysturoyartunnilin og Glasir verða liðug, fara tey at hava eina atdráttarmegi fyri næmingar. Men tøknibreytin er bara í Klaksvík, og sum nú er, so er úti við helmingurin av næmingunum á breytini havnarfólk, so vit falla ikki í fátt, sigur Rúni Heinesen. Velja tað handaliga Lítil ivi er um, at styrkin hjá Tekniska Skúlan­um í Klaksvík er denturin, ið verður lagdur á, at næmingarnir eisini skulu fáa frálæru í tí handliga partinum av teirra útbúgving. – Her verður arbeitt handaligt við læru­grein­um, ið fólk ikki kenna frá fólka­ skúlanum. Vit hava fleiri verkstøð, har næmingarnir sjálvur kunnu royna seg fram og framleiða ymiskt tilfar, sigur Hanna Ziskason Hansen, deildarleiðari fyri HT útbúgvingina. Næmingarnir velja sjálvir hvørja linju tey ynski at ganga á, og kunnu tey velja millum fýra linjur. Prosesslinjan, ið eisini verður kallað matvøruframleiðsla, timburlinjan, ellinjan og maskinlinjan. Fyrstu tvey árini er undirvísingin, sum á flest øðrum skúlum, mest bókliga, men triðja árið skilur skúlin seg veruliga frá øðrum skúlum. – Tá fara næmingarnir nógv meira í holt við tann handaliga partin av út­ búgving­ini, og er útbúgvingin tá í stóran mun innrættað sum prosjektundirvísing. Tað vil siga, at næmingarnir arbeiða við verkætlanum gjøgnum alt árið, sigur Hanna Ziskason Hansen. Stórur áhugi hevur eisini verið fyri tøknibreytini síðstu árini, og í ár byrjaðu fimti næmingar á breytini. – Talið av umsøkjarum setti met í fjør. Vanliga er bara ein flokkur fyri hvønn árgang, men vegna stóra talið av um­ søkjarum, valdu vit at taka tveir flokkar inn í fjør, sigur Hanna Ziskason Hansen, Gera verkætlanir kring alt landið Aðrastaðni í bygninginum, longri burtur frá teimum vanligu flokshølunum, eru nøkur stór hølir, ið rúma undirvísing hjá Yrkisnámi, ið er útbúgving fyri elektrikarar, timburmenn og maskinmenn. Sjúrður Sólstein er millum lærararnar á timburdeildini hjá Yrkisnámi, og greiðir hann frá, at verkætlanirnar hjá næming­un­ um verða brúktar til dagligt um alt landið. – Næmingarnir á deildini hava gjørt eina rúgvu av brúm, ið eru settar upp kring landið, umframt pallsetingar til sjónleikir, húsini hjá Trølla-Pætur, hjallar, hjálpt Edvard Fuglø við einum listaverki o.s.fr. Her verða vanlig ting framleidd, ið verða brúkt úti millum fólk til dagligt, sigur Sjúrður Sólstein. Umleið sjey næmingar taka í løtuni sveina­royndina sum timburmenn, meðan tíggju aðrir næmingar eru á fyrsta ári í tim­ bur­deildini. Matvøruútbúgvingin flytur í summar í nýggj høli Nýggja matvøruútbúgving hevur síðan byrjan hildið til í sjómansskúlanum við Garða­veg, men flytir í nýggj høli, tá skúla­ gongd­in byrjar aftur í august í ár. Nýggi bygningurin, sum stendur í gerð, skal umframt matvøruútbúgvingini eisini hýsa Klaksvíkar HF-skeiðið. Hetta merkir, at umleið 300 næmingar koma at ganga á skúlanum við Borðoyarvík. Tey, ið velja at byrja á Yrkisnámi innan matvøru, kunnu eftir hálvum ári velja, um tey útbúgva seg sum m.a. gastronom, gastronhjálpari ella innan føðslu- og kostøkið. Í hesum døgum eru allir næmingarnir í starvs­venjing úti á hotellum, matstovum og ymsum stovnum, har køksarbeiði og mat­gerð er. SKÚLIN VIÐ TEIM HANDALIGU ÚTBÚGVINGUNUM Eitt steinkast frá kenda húkinum, ið bjóðar fólkum vælkomnum til Klaksvíkar, liggur Tekniski skúli Klaksvík, har fleiri hundraðtals næmingar úr øllum landinum hava havt sína dagliga gongd í fleiri ártíggjund.