týsdagur 1. mars 2016síða 35

11 ÓKEYPIS BLAÐ FRÁ MIÐLAHÚSINUM – Tað er ein stórur tørvur á leiðarum og leiðsluútbúgvingar í Føroyum. Tey flestu, ið eru komin í eitt leiðarastarv í Føroyum, hava lítlan og ongan møguleika at steðga á, og flyta uttanlands at taka eina útbúgving. Á tí økinum síggja vit góðar møguleikar at fara í samstarv við Fróðskaparsetur Føroya ella onnur universitet og bjóða masterútbúgvingar í leiðslu. Eitt samstarv við Fróðskaparsetur Føroya um hægri útbúgvingar er eisini ein møguleiki, ið aktivt verður arbeitt við. – Vit arbeiða frammanundan við ymisk­um øðrum, millum annað bú­ skapar­útbúgvingar, har samstarv er millum okkum og Fróðskaparsetrið. Har royna vit at fáa greiðu á, hvat vit kunnu veita nýggju útbúgvingini á Setrinum, sigur rektarin. – Pedagogikum er eisini nakað, ið hugt verður eftir. Tað er eitt fak, ið flestu av okkara lærarum hava tørv á, tí tá tey byrja at undirvísa, kenna tey sítt egna fak, men hava ikki nakra serliga vitan um undirvísing. Tí er neyðugt hjá teimum at taka pedagogikum, ið er grundað á donsk viðurskiftir. Okkara ynski er, at tann útbúgvingin verður føroysk. Á tann hátt fáa lærararnir undirvísing í eini útbúgving, ið tekur støði í føroyskum viðurskiftum. Ein akademisk handverkaraútbúgving Seinastu tíðina hevur nógv kjak staðist um, at boðskapurin um, at ein hægri útbúgving er besta leiðin fyri tey ungu, møguliga hevur verið skeivur. Í Norðurlondum er nevniliga stórur eftirspurningurin eftir handverkarum í dag, meðan arbeiðsloysi er millum akademikarar, og í Føroyum kann ein handverkari í dag tjena líka nógv sum flestu akademikarar. Á Glasi verða handverkara og tær bókligu útbúgvingarnar savnaðar í sama bygning, og um rektarin fær stuðul til tess, so nýtist fólk í framtíðini ikki longur at velja millum útbúgvingarnar. – Eg hevði ynskt, at man sá fleiri møguleikar við hand­verkara­út­búgving­ ini. Sum nú er, so síggja nógv ung hana sum nakað endaligt, og sum eina útbúgving tengd at konjunkturum í samfelagnum. Tað ber til at gera hana meira lokkandi, um man veitir møguleikar fyri víðari læru og spesialisering. – Í Sveis er til dømis møguligt at seta saman eina handverka útbúgving við verkfrøðilíknandi fakum. Soleiðis fáa handverkarar møguleikan fyri víðari spesialisering og skeiðum restina av teirra lívi, og harvið gerst útbúgvingin ikki so endalig, sigur Bogi Bech Jensen. Skal fevna øll Sum nakað nýtt, so fer Glasir í summar at bjóða eitt nýtt slag av útbúgvingum til teirra, ið bera brek. Á tann hátt ynskir skúlin at hjálpa teimum út á arbeiðsmarknaðin, við at geva teimum prógv upp á ymiskar førleikar. – Talan er um nakrar útbúgvingar, ið kallast Open College Network, ið er stíla til fólk við serligum tørvi ella teimum, ið bera brek. Tað handlar um at veita teimum nakrar førleikar, ið tey kunnu brúka í samfelagnum. Vit hava longu fingið fígging til vega og taka móti níggju næmingum, ið kunnu velja millum bilar, timbur ella klædnadeild. – Onkur kann til dømis læra at skifta dekk, og so fáa prógv upp á tað. Eg veit, at um veturin hava bilasølur so nógv at gera við at skifta dekk, at tey ikki fáa tíð til nógv annað. Við hesum kunnu vit útbúgva fólk til ta uppgávuna, og so fáa tey eitt veruligt arbeiði í samfelagnum, og ikki bara eitt fiktivt eitt. Nýggju karmarnir fara eisini at lætta um hjá teimum næmingum, ið hava sína dagligu gongd í skúlanum, men stríðast við lesnaðinum. – Vit kunnu í nógv størri mun hjálpa orðblindum. Tá vit hava ein so stóran skúla, ber til at taka tey úr teimum stóru fakunum, so sum føroyskt og enskt, og taka tey í ein klassa fyri seg. Tað ger man aðrastaðni, og tað vísir seg at vera betri. Inklusión er góð, men onkuntíð hava fólk tørv á eitt sindur av hjálp. Hetta er eitt øki, ið vit eru eftirbátar á, men mín vón er, at Glasir megnar at lofta teimum, ið stríðast við hesum, so at tey fáa neyðugu hjálpina, sigur Bogi Bech Jensen. AT HAVA ØLL