hósdagur 3. mars 2016síða 20

FRÍGGJADAGUR 4. MARS 2016 SOSIALURIN 27 20 KLUMMAN Simona Weihe Arbeiði er eitt – reality nakað heilt annað Kann ikki lata vera við at halda tað vera nakað møsn, tá sjónvarpsfólk í grein í Sosialinum gevur tí at hon er kvinna skyldina fyri at verða kommenterað og happað. Eg havi fyrr skrivað um miðlafólk, sum hava trongd at tosa um seg sjálvan. Hví halda tey, at vit hyggjarar, lurtarar og lesarar hava áhuga í teimum sum privatpersónum? Tað einasta, sum kann henda er, at tú blandar títt privatlív saman við tí arbeiðsliga. Til dømis um tú hevur 10 børn ella ongi, tað kemur ongum við. Fólk, sum hava sítt arbeiði fyri eygunum á almenninginum, skulu kanska hugsa eitt sindur um, hvat tað førir við sær at blanda alt saman. Tí verða persónlig viðurskifti almenn vitan, kann narcisissma teirra seta tey í andglettin fyri júst niðrandi og happandi viðmerkingum frá hesum ódámligu typunum, sum gartera á sosialum miðlum. Sjálvsagt er tað ikki ókey. Men tú kanst ikki stýra nøkrum sum helst, tá tú letur teg úr alment. Tá eg fari inn á Ekstrablaðið ella BT, ja, so sleppi eg ikki undan fólkum sum Sidny Lee og Amalie. Tey selja, tí eru tey har. Hesir løgnu sniglarnir, sum liva lívið í fjølmiðlunum. Gera seg til bíligt undirhald: »Hygg, góðu lesarar, hvussu frætbýtt tey eru!« Øll hava rætt til at hava eina meining um tey. Tey hava givið seg upp til skutil. Víst er hetta ein ekstrem samanbering við okkara dunnuhyl. Men men … So eg haldi at tað er eitt sindur lætt sloppið at veittra við kynsdiskriminatiónskortinum. Kanska fari eg skeiv, men tað vóni eg ikki. Sum tað stendur skrivað: »Alt hevur sína tíð«. So kanst tú brodera víðari: Gloym teg sjálva, ger títt arbeiði. Grannakaffi verður um alt landið um vikuskiftið. Krabbameinsfelagið hevur við hesum konsepti lagt upp til, at fólk kunnu stuðlað felagnum við at skipa fyri Grannakaffi, har vinir og kenningar koma á gátt til hugnaløtu og samstundis fáa høvið at lata eitt oyra til Krabbameinsfelagið. Sí hvar Grannakaffi verður á heimasíðuni hjá Krabbameinsfelagnum. Krabbamein.fo Eivør Pálsdóttir heldur eykakonsert sunnukvøldið Eivør hevur konsert í Reinsarínum týskvøldið, men orsaka av, at hendan konsertin er útseld, verður Reinsaríið karmur um eina eykakonsert sunnukvøldið klokkan 20.00. sunnudagin klokkan 13 og 15. Sí meira á reinsariid.fo MANGT OG HVAT Grugg bjóðar til sjónleik á Fabrikkini hjá Østrøm Komandi dagarnar verður skipað fyri serstøkum leiki í Østrøm. Um leikin skriva fyrireikararnir: Sjógvurin floymir inn yvir bygdina - Íbúgvarnir mugu flytast - heimbygdin er blivin óliviligt økiI! Øll hava fingið eina gula fráboðan í postkassan. Krákan kráar í trænum og Frank Sinatra syngur "These little town blues" úr hátalaranum í burturflytingarbussinum. Ein ferð inn í eitt univers, har tíðin steðgar, dreymar vakna, sjógvur fløðir og Gud opinberar seg. Sí meira á Facebook síðuni við heitinum Sangir við gráa havsins strendur.